2010, നവംബർ 27, ശനിയാഴ്‌ച

വിരല്‍ത്തുമ്പിന്‍റെ 50 പോസ്റ്റുകള്‍......



പ്രിയപ്പെട്ട എന്‍റെ ബ്ലോഗ്‌ വായനക്കാരെ,

ഇന്ന്‍ ഞാന്‍ എന്‍റെ അന്‍പതാമത്തെ പോസ്റ്റ്‌ നിങ്ങള്‍ക്ക്‌ മുന്‍പില്‍ അവതരിപ്പിക്കാന്‍ പോകുകയാണ്... എനിക്ക് എപ്പെഴോ മനസ്സില്‍ തോന്നിയ ഒരു ആശയം, ഒരു ബ്ലോഗ്‌.... സ്വന്തമായി അഹങ്കാരിക്കാന് മാത്രം ഉള്ള അറിവൊന്നും ഇല്ലാത്ത ഒരു തനിനാടന്‍ പാലക്കാട്ടുകാരന്‍.... അവന് ഒരു സുപ്രഭാതത്തില്‍ തോന്നിയ ചെറിയ ആശ.... അതാണ്‌ ഈ വിരത്തുമ്പ് എന്ന ബ്ലോഗ്‌.... എഴുതാന്‍ തുടങ്ങുമ്പോള്‍ ചെറിയ പരിഭ്രമമൊക്കെ ഉണ്ടായിരുന്നു. നമ്മളെക്കാള്‍ വലിയ വമ്പന്മാര്‍ പതുങ്ങിയിരിക്കുന്ന ഇടം.. ആ അവിടെ ഒരു ബ്ലോഗിട്ട് സ്വയം നാറണോ എന്ന ചിന്തയുമായി തുടങ്ങി ഇന്ന് ഒരു ദിവസത്തില്‍ നൂറ്റിഅന്‍പതില്‍ കൂടുതല്‍ പേര്‍ വന്നു പോകുന്ന ബ്ലോഗാക്കി മാറ്റാന്‍ കുറച്ചൊന്നുമല്ല കഷ്ടപ്പെട്ടത്.... ഒന്നര മാസം കൊണ്ടു എന്‍റെ ബ്ലോഗില്‍ ഞാന്‍ അറിയാത്ത എന്നെ അറിയാത്ത രണ്ടായിരത്തില്‍ കൂടുതല്‍ ആളുകള്‍ വിസിറ്റ് ചെയ്ത് കഴിഞ്ഞ് എന്ന് കാണുമ്പോള്‍ സത്യത്തില്‍ എന്‍റെ കണ്ണ് നിറഞ്ഞുപോകുന്നു....

ഞാന്‍ ഇപ്പോഴും വിശ്വസിക്കുന്നു.... ബ്ലോഗ്‌ എന്നാല്‍ ഒരു ഒറ്റയാള്‍ പോരാട്ടം ആണ്....അവിടെ പോലീസും കോടതിയും ഒക്കെ നമ്മള്‍ തന്നെ..... നമ്മുടേതായ ഒരു ലോകം.... അവിടെ നമ്മള്‍ തന്നെ രാജാവ്....അവിടെനിന്ന് നമുക്ക് എന്ത് വിപ്ലവവും നയിക്കാം... നമ്മുടെ ഉള്ളില്‍ നുരഞ്ഞുപൊന്തുന്ന വെറുപ്പ്‌ പ്രകടമാക്കം.. സത്യത്തില്‍ ഉറച്ച് നിന്ന് ന്യായീകരണങ്ങള്‍ കണ്ടെത്താം..... സ്വയം മുറിവേല്‍പ്പിക്കാം..... അധര്‍മ്മത്തിനെതിരെ പഠവാളുയര്ത്താം..... കണ്ണീര്‍ തുടപ്പിക്കാം..... വേദനകളെ പുഷ്പങ്ങളാക്കാം..... ദുഷ്ടശക്തികള്‍ക്കെതിരെ യുദ്ധം നയിക്കാം..

ഞാന്‍ എഴുതുന്ന പലബ്ലോഗിലും സ്ത്രീകളെ നിശിതമായി വിമര്‍ശിക്കാറുണ്ട് എന്ന് എന്‍റെ ബ്ലോഗ്‌ വായിക്കുന്ന ഒരു സഹോദരി അറിയിക്കുകയായി... സത്യത്തില്‍ ഒരിക്കലും അങ്ങിനെ ഉദ്യേശിച്ചല്ല ഒരു പോസ്റ്റ്‌ എഴുതിത്തുടങ്ങുന്നത്... അറിയാതെ വന്നുപോകുന്നതാണ്...... ക്ഷമിക്കണം ഇനി മുതല്‍ ഇത്തരം കാര്യങ്ങള്‍ ശ്രദ്ധിക്കാന്‍ നോക്കുന്നതായിരിക്കും.... പ്രണയവും ട്രാജടിയും സ്ഥിരമായി കാണുന്നു എന്ന് ഒരാള്‍ എഴുതിക്കണ്ടു.... അത് വളരെ ആഹ്ലാദത്തോടെ ആണ് ഞാന്‍ വരവേറ്റത്.... കോളേജില്‍ പഠിക്കുന്ന സമയത്ത്‌ പ്രണയിച്ചിട്ടില്ല എന്ന് പറഞ്ഞാല്‍ അത് കള്ളമല്ലേ എന്ന് നിങ്ങള്‍ പറയും..... പ്രണയത്തെക്കുറിച്ച് അറിയുന്നവനു മാത്രമേ ജനങ്ങളിലേക്ക് അതിന്‍റെ സത്ത് എത്തിച്ച് കൊടുക്കാന്‍ കഴിയൂ എന്ന് വിശ്വസിക്കുന്ന ഒരു ബ്ലോഗറാണു ഞാന്‍... പ്രണയം എന്നിലൂടെയും കടന്നുപോയിട്ടുണ്ട്.. പ്രേയസിയാക്കുവാന്‍ മനസ്സില്‍ തോന്നി പ്രണയിച്ചിട്ടുണ്ട്.... പക്ഷെ വിധി എപ്പോഴും നമുക്ക്‌ എതിരാണല്ലോ....

ചാഴിയാട്ടിരിയിലെ പ്രശസ്ത ഗണിതപണ്ഡിതന്‍ ശ്രീ.കൃഷ്നേശന്‍ മാഷ്‌ പ്രവചിച്ച ഭാഗ്യം.... അതാണ്‌ ഇന്ന് വിരത്തുമ്പ് എന്ന എന്‍റെ വിജയരഹസ്യം.... എന്നെ എന്‍റെ മാതാശ്രീ പ്രസവിച്ചപ്പോള്‍ അദ്യേഹം എനിക്ക് എഴുതിത്തന്ന തലക്കുറിയില്‍ ഉണ്ട് എന്‍റെ ഭാവി എന്ന് വിശ്വസിക്കുന്ന ഒരാളാണ് ഞാന്‍.... ഒരു പക്ഷെ നിങ്ങള്‍ പറയും... ഇവന്‍ ഒരു അന്ധവിസ്വാസിയാണ് എന്ന്... ശരിയാണ് ഞാന്‍ ഒരു അന്ധവിശ്വാസി ആണ്.... അല്ലെങ്കില്‍ പിന്നെ എന്നെ എന്‍റെ ശത്രുക്കള്‍ ആളിക്കത്തുന്ന തീകുണ്ടത്തില്‍ വലിച്ചെറിഞ്ഞപ്പോള്‍ അവിടെനിന്ന് ഫിനിക്സ് പക്ഷിയെപ്പോലെ ഞാന്‍ എങ്ങിനെ പറന്നുയര്‍ന്നു.....ഇന്നിന്ത്യയിലെ പ്രമുഖ ഐടി കമ്പനിയായ വിപ്രോവില്‍ എങ്ങനെ ഞാന്‍ എടുക്കപ്പെട്ടു..... എങ്ങിനെ അവിടെ നിന്നും ഒരു വനവാസത്തിനു അബുദാബി എന്ന മഹാസാമ്രാജ്യത്ത്തില്‍ വന്നടിഞ്ഞു?.... എനിക്കറിയില്ല....ഇതിനുമാത്രം കഴിവുള്ള വ്യെക്തിയാണോ എന്ന് ചോദിച്ചാല്‍ തുറന്നു പറയാം .... അല്ല... പിന്നെ എങ്ങിനെ ഞാന്‍ ഇവിടെവരെയെത്തി ?.....

നീ നന്നായി വരും എന്ന് എന്‍റെ നെറുകയില്‍ കൈവച്ച് അനുഗ്രഹിച്ച ഒരു ഗുരുനാഥന്‍മാരോ മറ്റോ ഉണ്ടായിരുന്നതായി എനിക്കോര്‍മ്മയില്ല... ഇവന്‍ ഒന്നുമല്ല ഞങ്ങളുടെയൊക്കെ മുന്നില്‍ എന്ന് പരിഹസിച്ച് പുറത്താക്കിയ ഒരു വലിയ നികൃഷ്ട ജനം എനിക്ക് പുന്പില്‍ ഉണ്ടായിരുന്നു അപ്പോഴും.... പണം ആണ് എല്ലാം എന്ന് വിശ്വസിക്കുന്ന ഒരു പറ്റം ജനങ്ങള്‍ പലപ്പോഴും എന്നെ വേട്ടയാടിയിരുന്നു എന്ന് എനിക്ക് പലപ്പോഴും തോന്നിയിട്ടുണ്ട്... ഞാന്‍ ഒന്നുമല്ല എന്നറിഞ്ഞിട്ടും എന്നെ അവര്‍ എന്തിന് ഉപദ്രവിച്ചിരുന്നു എന്ന് എനിക്കിപ്പഴും മനസ്സിലാകാത്ത ഒരു സത്യം ആണ്.... എന്‍റെ പല രാത്രികളും ഇത്തരം വേദനകള്‍ക്കൊണ്ട് എന്നെ നിദ്രാവിഹീനങ്ങളാക്കിയിട്ടുണ്ട്.....

ഇവിടെ അബുദാബിയില്‍ നിന്ന് ഞാനെന്റെ പിന്നിട്ട വഴികളിലേക്ക്‌ നോക്കുമ്പോള്‍ എനിക്ക് വളരെയധികം ആത്മവിശ്വാസം തോന്നുന്നു.... പലപ്പോഴും മാഷ്‌ എന്നോട് പറയാറുള്ളത് ഞാന്‍ ഓര്‍ക്കുന്നു... '' ടാ കൊച്ചനെ നിന്റെ കയ്യിലുള്ള വിരലിന്റെ പകുതിയും നിന്റെ ശത്രുക്കള്‍ ആണ്... ബാക്കി അഞ്ചേ നിന്റെ മിത്രങ്ങള്‍ ഉള്ളൂ.... ഇന്ന് നീ ആരെ സ്നേഹിച്ചോ , ഉറപ്പിച്ചോ അത് നിന്റെ ശത്രുവാണ്.... നിനക്കവരെ ഒരു ചുക്കും ചെയ്യാന്‍ സാദ്ധ്യമല്ല.... പക്ഷേങ്കില് നീ അവര്‍ക്ക് മുന്‍പില്‍ ഒരിക്കല്‍ വിജയകാവ്യം രചിക്കും... നീ നോക്കിക്കോ''....... ഈ വാക്കുകള്‍ ഇപ്പോഴും എന്‍റെ ചെവിയില്‍ അലയടിക്കുന്നു......ഇന്ന് എന്നെ കാണാനോ, ആ ശബ്ദം എനിക്ക് കേള്‍ക്കാനോ ആദ്യേഹം ഇന്ന് ഭൂമിയില്‍ ജീവിച്ചിരിപ്പില്ല....... എന്നിരുന്നാലും എന്‍റെ അന്‍പതാം പോസ്റ്റ്‌ ഞാനിന്ന്‍ ഏറ്റവും ആദരിക്കുന്ന ആദ്യേഹത്തിങ്കല്‍ക്ക് സമര്‍പ്പിക്കുന്നു.....

നിങ്ങള്‍ തന്ന പ്രോഹത്സാഹനം കൊണ്ടുമാത്രമാണ് എനിക്ക് ഇവിടെ നിങ്ങള്ക്ക് മുന്‍പില്‍ എന്‍റെ അന്‍പതാം കാവ്യം അവതരിപ്പിക്കാന്‍ കഴിഞ്ഞത്.... നിങ്ങള്‍ തരുന്ന പ്രോഹത്സാഹനം മാത്രമേ ഇനിയുള്ള എന്‍റെ യാത്രക്ക് കരുത്തെകൂ എന്ന് ഞാന്‍ ഉറച്ച് വിശ്വസിക്കുന്നു.... എന്‍റെ ജീവിതം എന്ന ഒരു വലിയ പുസ്തകത്തിലെ ചെറിയ ഒരു താള് മാത്രമാണ് ഞാന്‍ നിങ്ങള്‍ക്ക്‌ വായിച്ച് തന്നത്.... ജീവിതത്തില്‍ തളര്‍ന്നുപോയ അവസരത്തിലും എന്നെ കൈപ്പിടിച്ച് ഉയര്‍ത്തിയ കുറച്ച് നല്ലവരായ മനുഷ്യമനസ്സുകള്‍ക്ക് എനിക്കുള്ള കടപ്പാട് ഞാന്‍ ഇവിടെ തുറന്ന് അറിയിക്കട്ടെ..... ഇതുവരെ എനിക്ക് തന്ന പിന്തുണ ഇനിയും ഉണ്ടാകണം എന്ന് വീണ്ടും അഭ്യര്‍ത്ഥിച്ചു കൊണ്ട് എന്‍റെ അന്‍പത്തൊന്നാം പോസ്റ്റിലെക്ക് ഞാന്‍ പറക്കട്ടെ..........





2010, നവംബർ 25, വ്യാഴാഴ്‌ച

വാലത്സ്യായാനചരിതം....




ഹോംവര്‍ക്ക്‌ തരണമെങ്കില്‍ അത് ടീച്ചര്‍മാര്‍ക്കേ കഴിയൂ എന്ന് മനസ്സില്‍ വീണ്ടും വീണ്ടും ഉറപ്പിച്ചോളൂ... ഇത് പറയാന്‍ കാരണം ബ്രിട്ടനിലെ ബര്‍ക്‌ഡേല്‍ ഹൈസ്‌കൂളില്‍ നിന്നും എനിക്ക് കിട്ടിയ ഈ റിപ്പോര്‍ട്ടിന്‍റെ അടിസ്ഥാനത്തിലാണ്.... അല്ലെങ്കില്‍ സ്വന്തം മക്കളെപ്പോലെ കരുതെണ്ടതും ആ കുഞ്ഞുങ്ങള്‍ക്ക്‌ വിദ്യ പകര്‍ന്നു നല്‍കേണ്ടതും ആയ ഈ ടീച്ചര്‍ ഇത്തരം പോക്രിത്തരങ്ങള്‍ കാണിച്ച് കൂട്ടുകയും ചെയ്തപ്പോള്‍ കേരളത്തിലെ ഈ ജോലിയില്‍ മുഴുകുന്ന നല്ലവരായ ടീച്ചര്‍മാരോട് എനിക്ക് സഹതാപം തോന്നുന്നു.... സത്യത്തില്‍ ഇപ്പോഴും ഇതുപോലെ നമ്മളൊന്നും അറിയാതെ കേരളത്തിലും ഇത്തരം കുരുത്തക്കേടുകള്‍ നടക്കുന്നുണ്ടാകാം എന്നാരു കണ്ടു..... അപ്പോള്‍ മുകളില്‍ പറഞ്ഞ ടീച്ചര്‍ എന്താ ചെയ്തത് എന്ന് നിങ്ങള്‍ക്ക്‌ സംശയം തോന്നാം ആല്ലേ?.... തുടര്‍ന്നു വായിച്ചാലും....

ബ്രിട്ടനിലെ ബര്‍ക്‌ഡേല്‍ ഹൈസ്‌കൂളിലെ നീന്തല്‍പഠിപ്പിക്കുന്നതും ക്ലാസ്‌ റൂം അസിസ്റ്റന്റ് ആയും ജോലി ചെയ്യുന്ന മുപ്പത്തിയേഴ് വയസ്സുകാരി ഹിന എന്ന് പേരുള്ള ഈ ടീച്ചര്‍ 15 വയസ്സുമാത്രമുള്ള രണ്ട് ആണ്‍കുട്ടികളുമായി ദീര്‍ഘകാലം ലംഗികവേഴ്ച്ചയില്‍ ഏര്‍പ്പെട്ടിരുന്നതായി അവിടുത്തെ ലിവര്‍പൂള്‍ ക്രൌണ്‍ കോടതി കണ്ടത്തിയത്രേ!!!.... ഹോ!! കേള്‍ക്കുമ്പോള്‍ കുളിരുന്നു അല്ലെ?..... സത്യത്തില്‍ ഈ ടീച്ചറെ നമുക്കൊക്കെ നന്നായി മിസ്സ്‌ ചെയ്യുന്നു.... ഈ നാറിയ കോടതിക്ക്‌ ഇതില്‍ ഇടപെടാന്‍ ഒരു ആവകാശവുമില്ല എന്നാണെനിക്ക് പറയാനുള്ളത്.... കിട്ടിയവന് കിട്ടി...കൊടുക്കേണ്ടവള്‍ കൊടുത്തു... അപ്പോള്‍ നഷ്ടം ആര്‍ക്കുമില്ല... ലഭാമേ ഉള്ളുതാനും..... ഈ ടീച്ചര്‍ ഇപ്പറഞ്ഞ രണ്ട് കുട്ടികളെയും ഫോണില്‍ വീട്ടിലേക്ക്‌ വിളിച്ചവരുത്തി അവരോട് തന്‍റെ താത്പര്യം അങ്ങ് വെളിപ്പെടുത്തിയത്രേ... പില്ലേരാണെങ്കിലോ ഇതൊക്കെ നോക്കിനടക്കുകയാവാം ഒരു പക്ഷെ... കേട്ട പാതി കേക്കാത്ത പാതി പിള്ളേരങ്ങ് ടീച്ചറെ കേറി മെടഞ്ഞു..... പിന്നെ ഇതൊക്കെ ഒരു ശീലമാക്കിയപ്പോള്‍ ആണത്രേ ലോകം ഇത് അറിയുന്നത്......പാവം ടീച്ചര്‍!!!...

തുടര്‍ന്ന്‍ ഈ കുട്ടികളുടെ മതാപ്പിതാക്കളുടെ പരാതിയിന്‍മേല്‍ പോലീസ്‌ ഇവരെ അറസ്റ്റ്‌ ചെയ്യുകയും കോടതിക്ക്‌ മുന്‍പില്‍ ഹാജരാക്കുകയും ചെയ്തു.... കുറ്റം സമ്മതിച്ച ഇവര്‍ക്ക്‌ 16 മാസത്തെ തടവ് കൂളായി എഴുതിക്കൊടുത്തു കോടതി.... നോക്കൂ ഈ കോടതി ഒന്ന് മനസിലാക്കാതെയാണ് വിധി പുറപ്പെടുവിച്ചിരിക്കുന്നത്.... മനുഷ്യരക്തത്തിന്‍റെ രുചി അറിഞ്ഞ നായ വീണ്ടും വീണ്ടും മറ്റുള്ളവരെ കടിക്കാന്‍ വരുന്നതുപോലെത്തന്നെയാണ് ഇപ്പറഞ്ഞ കാര്യത്തിലും ഉണ്ടാകുക എന്ന് നമ്മള്‍ മനസിലാക്കുക... ഇത്തരം മാനസികവളര്‍ച്ച ഇല്ലാത്ത സ്ത്രീകളെ കേരളത്തിലും നമുക്ക്‌ കാണാന്‍ കഴിയും... സ്വൊന്തം ഭര്‍ത്താവില്‍ സംതൃപ്ത്തരാവും ഇവര്‍... എന്നാല്‍ എന്തോ ജനിതകതകരാറുകള്‍ കൊണ്ടോ മറ്റോ ഇത്തരം പ്രവര്‍ത്തികള്‍ അവര്‍ സാഹസികമായി ചെയ്യാന്‍ ശ്രമിക്കുന്നു.... ഈ പ്രശ്നത്തില്‍ ടീച്ചറെ 16 അല്ല 50 വര്ഷം ജയില്ലിട്ടാലും മാനസികമായ ഇത്തരം പ്രശ്നങ്ങള്‍ അവരില്‍ ഉറങ്ങിക്കിടക്കുന്നകാലം വരെ പുറത്തുവന്നാലും ഇപ്പറഞ്ഞ വേല അവര്‍ തുടരും.. അത് തീര്‍ച്ച......

2010, നവംബർ 23, ചൊവ്വാഴ്ച

മിസ്‌റിയക്ഷിയും ഞാനും...



കമ്പനിയുടെ ദുബായ്‌ ബ്രാഞ്ച് ഓഫീസിലെ സര്‍വ്വര്‍ കത്തിപ്പോയത്തില്‍ ജിഎമ്ന്റെ സഹിക്കാന്‍ കഴിയാത്ത തെറികേട്ട് കാറുമെടുത്ത് തിരിച്ച് അബുദാബിയിലെ റൂമിലേക്ക്‌ വന്നണഞ്ഞപ്പോള്‍ മണി രാത്രി പന്ത്രണ്ട്... മാതാവേ ഇനി വീണ്ടും ഓഫീസിലേക്ക്‌ പോകാന്‍ വെറും വിരലിലെണ്ണാവുന്ന മണിക്കൂറുകള്‍ മാത്രം... ഈ നശിച്ച ജോലിക്ക് എന്തായാലും ഉണ്ടാകാന്‍ പോകുന്ന എന്റെ കൊച്ചിനെ വിടില്ല എന്ന് ഞാന്‍ അപ്പഴേ മനസ്സില്‍ ഉറപ്പിച്ചു.....ഈ ജോലി എടുക്കുന്നവന്റെ ഭാവി നിര്‍ണ്ണയിക്കുന്നത് ആ മനുഷ്യന്‍ തന്നെ നിര്‍മ്മിച്ച ഇത്തരം ഉപകരണത്തിന്റെ ആയുസ്സ് പോലെയിരിക്കും... ഇതുമൂലം ഉണ്ടാക്കുന്ന ടെന്‍ഷനുകള്‍ കൊണ്ടു പല രാത്രികളും നിന്ദ്രവിഹിനങ്ങളാക്കുന്നത് അതനുഭവിച്ചവര്‍ക്കല്ലെ മനസ്സിലാകൂ എന്ന് തോന്നി...... താമസക്കാരനായി കൂടെയുണ്ടായിരുന്ന കമ്പനിയിലെ മറ്റൊരു മാനേജര്‍ നാട്ടിലേക്ക്‌ പൊണ്ടാട്ടിയുമായി ഭക്തകുചേല റീലോഡഡ് കളിക്കാന്‍ പോയതുകൊണ്ട് റൂം തീര്‍ത്തും ശൂന്യവും ഇരുട്ടും നിറഞ്ഞതായും കാണപ്പെട്ടു....റൂം തുറന്നപ്പോള്‍ തൊട്ട് എനിക്ക് എന്തെന്നില്ലാത്ത ഒരു കുളിര് തോന്നി.. എസിയൊക്കെ റൂം പൂട്ടി പുറത്തേക്ക്‌ പോകുമ്പോള്‍ തന്നെ ഓഫ് ചെയ്യുന്നത് കൊണ്ട് പിന്നെ തണുത്തിട്ടല്ല എന്നെനിക്ക്‌ തോന്നി... ഒരു പ്രത്യേക ഊദിന്‍റെ മണവും അനുഭവപ്പെട്ടു... ഇനിയിപ്പോ നാത്തൂര്‍ എല്ലാറൂമിലും ഊദു ഫ്രീയായി അടിക്കാന്‍ തുടങ്ങിയോ എന്ന് വിചാരിച്ച് ഇട്ട വസ്ത്രങ്ങള്‍ എല്ലാം ഊരി വലിച്ചെറിഞ്ഞു തീര്‍ത്തും നഗ്നനായിത്തന്നെ ബാത്ത്‌റൂമിലേക്ക് കുളിക്കാന്‍ ഓടിക്കയറി......

കുളികഴിഞ്ഞ് ഈറനായ ശരീരത്തോടെ രാത്രി ഇടുന്ന നൈറ്റ്ഡ്രസ്സ്‌ ഇടുമ്പോള്‍ തൊട്ട് ഈ റൂമില്‍ ഞാന്‍ അല്ലാതെ മറ്റാരോ കൂടെയുള്ളത് പോലെ എനിക്ക് തോന്നി..... തൊട്ടടുത്ത റൂമില്‍ നല്ല മുഴുത്തയിനം ഇംഗ്ലിഷ്പെണ്‍കുട്ടികള്‍ ഫാമിലിയായി താമസിക്കുന്ന കാര്യം അപ്പോഴാണ്‌ ഓര്‍ത്തത്... ദൈവമേ!! കുളിക്കാന്‍ കയറിയ അവസരത്തില്‍ രാത്രി ഉറക്കം കിട്ടാതെ എന്റെ റൂമില്‍ കയറി എന്‍റെ കുളിസീന്‍ കാണാന്‍ എങ്ങാനും കയറിയോ?... എന്ന് തോന്നി വാതില്‍ നോക്കിയപ്പോള്‍ അത് ഭദ്രമായി ലോക്ക് ചെയ്തിട്ടും ഉണ്ട്.... ഇനിയിപ്പോ ആരാണപ്പാ?..എന്ന് തോന്നി........ആ കല്ലി വല്ലി എന്ന് മനസ്സില്‍ പറഞ്ഞു എന്‍റെ ഇഷ്ട്രകാമുകിയായ കിടക്കയിലേക്ക് ഒരു ട്രിപ്പില്‍ ജമ്പ്‌ നടത്തി പുതച്ച് കിടന്നു.....അപ്പോഴാണ് ഓര്‍ത്തത് ലൈറ്റ് ഓഫ് ചെയ്യാന്‍ മറന്നത്.. വീണ്ടും എണീറ്റ് ചെന്ന് ലൈറ്റ് ഓഫ് ചെയ്ത് തിരിഞ്ഞ് നടന്നപ്പോള്‍ ഒരു സ്ത്രീയുടെടെതെന്നു തോന്നിക്കുന്ന തണുത്ത കരതലം തോളില്‍ പതിഞ്ഞപ്പോള്‍ ഞെട്ടിത്തെറിച്ചു ആഹ് എന്ന് വിളിച്ച് ഭയന്ന് ഓടി മാറി...

റൂം മുഴുവനും ഇരുട്ട് നിറഞ്ഞിരുന്ന സ്ഥലത്ത്‌ ഇപ്പോള്‍ പുകമറ നിറഞ്ഞ അവസ്ഥയില്‍ ആണിപ്പോള്‍... ആരായിത്?...പേടിച്ചിട്ടാണ് ചോദിച്ചതെങ്കിലും തിരിച്ച് എവിടെനിന്നും റിപ്ലേ ഇല്ലാത്തത് എന്നിലെ ഭയത്തെ ഇരട്ടിപ്പിച്ചു.... ഭയന്ന്‍ തരിഞ്ഞു കിടക്കയിലേക്ക് നോക്കിയപ്പോള്‍ രക്തം വാര്‍ന്ന്‍ പോയെക്കാവുന്ന ആ കാഴ്ച കണ്ട് നിലവിളിക്കാന്‍ കഴിയാതെ കണ്ണും തുറിച്ച് നിന്നുപോയി.... ഞാന്‍ കിടക്കുന്ന കിടക്കയില്‍ ഓരം ചേര്‍ന്ന് ഇരിക്കുന്ന ഒരു രൂപം... സൂക്ഷിച്ച് നോക്കിയപ്പോള്‍ അതൊരു സ്ത്രീ രൂപം അല്ലെ എന്ന് എനിക്ക് തോന്നി... ആരാണ്?... അവൈലബിള്‍ ദൈര്യത്ത്തില്‍ നിന്ന് കുറച്ച് എടുത്ത് ചോദിച്ചു.... അതിനു മറുപടി കൊലുസ് കിലുങ്ങുന്നത് പോലെയുള്ള ചിരിയായിരുന്നു....

കുറച്ചൊക്കെ ദൈര്യം സംഭരിച്ച് അടുത്ത്‌ ചെന്നപ്പോള്‍ കണ്ട കാഴ്ച എന്നെ വളരെയധികം അമ്പരപ്പെടുത്തുന്നതായിരുന്നു.... ആദ്യകാഴ്ച്ചയില്‍ തന്നെ ഇരിക്കുന്നവള്‍ സുന്ദരിയാണെന്ന് മനസ്സിലായി.... പക്ഷെ ഇവളെങ്ങനെ ഞാന്‍ അറിയാതെ എന്‍റെ മുറിയില്‍ വന്നു... ദൈവമേ ഞാന്‍ ഒന്നും ഇടാതെ ബാത്രൂമില്‍ പോയതും അതുപോലെത്തന്നെ തിരിച്ച് വന്നതും ഇനി ഇവളെങ്ങാനും കണ്ടോ ആവോ? ഇതൊക്കെ ആലോചിച്ച് പറ്റിയ മണ്ടത്തരം ഓര്‍ത്തു നില്‍ക്കുമ്പോള്‍ പ്രത്യേക ശംബ്ദത്തോടെ ഇതിന്‍റെ ഭാഗത്ത്‌ നിന്ന് ഒരു ചോദ്യം....

ഷൂ അം ത്തഫക്യര്‍ ?....

ങേ!! ചോദ്യം കേട്ട് ഞാന്‍ അന്തം വിട്ട് നിന്നു....

എന്ത്? എന്‍റെ മാതാവേ ഇതെന്ത് ഭാഷയാണ്?.... അറബിയാണ് എന്ന് പിന്നീട് മനസ്സിലായി.... പക്ഷെ തിരിച്ച് പറയാനാണെങ്കില്‍ അറിയുകയും ഇല്ല..... വീണ്ടും ഞാന്‍ പ്രിതിസന്ധിയില്‍ ആയി....

ഷൂ അം ത്തഫക്യര്‍ ?...

ദൈര്യം സംഭരിച്ച് ഞാന്‍ മറുപടി അങ്ങ് തുടങ്ങി....

ദേ പെണ്ണുമ്പിള്ളെ എനിക്ക് ഈ ഭാഷയൊന്നും അറിയില്ല...ആരാ നീ ? ചോദിച്ചത് കേട്ടില്ലേ? നീ എങ്ങിനെ കയറി ഇവിടെ?..... ദൈര്യം ഒട്ടും കൈമുതലായിട്ടില്ലെങ്കിലും കിട്ടിയ ഭാഷയായ ഇംഗ്ലീഷ് കൊണ്ട് ഞാന്‍ ഒരു മറുകടകന്‍ അങ്ങ് എറിഞ്ഞു...

ഹ ഹ ഹ......(വീണ്ടും ചിരി)

ദേ വീണ്ടും ചിരി.... നീ ആരാ പെണ്ണെ.....

ഞാന്‍... ഞാന്‍ ആരാണെന്ന് അറിയണോ?.... (മലയാളത്തില്‍)

ദേ.....!! ഇവള്‍ മലയാളവും പറയുന്നു.... ഓ! കുറച്ച് ആശ്വാസം തോന്നി...

ആ പറ.. നീ ആരാ... ഇതെന്‍റെ റൂമാ... അനുവാദമില്ലാതെ ആരാ നിന്നെ ഇങ്ങോട്ട് കയറ്റി വിട്ടത്?..... അതൊക്കെ പോട്ടെ ആരാ നീ????.......

ഞാന്‍ .... ഞാന്‍ യക്ഷി.....!!!!!

ങേ!!!!!!!

ഞെട്ടലില്‍ നിന്ന് പുറത്തുവരാന്‍ എനിക്ക് നിമിഷങ്ങള്‍ വേണ്ടിവന്നു......

യക്ഷിയോ?..... വീണ്ടും ചോദിച്ചു.....

എന്താടാ ചെക്കാ.... നിനക്ക് വിശ്വാസം വരുന്നില്ലേ?.... അതും പറഞ്ഞുകൊണ്ട് പേടിപ്പെടുത്തുന്ന ദ്രംഷ്ട പുറത്തെടുത്തു കത്തുന്ന കണ്ണുകളോടെ എന്നെ ക്രൂരമായി ഒന്ന് നോക്കി....

യ്യോ!!!! വേണ്ടാ വേണ്ടായേ... എനിക്ക് വിശ്വാസമായി..... കൈ ഉയര്‍ത്തിക്കൊണ്ട് ഞാന്‍ വിലക്കി... മനസ്സില്‍ തോന്നി .... യക്ഷിയാ.... നോക്കിയും കണ്ടും കളിച്ചില്ലേല്‍ പോകുന്നത് തന്‍റെ പൂ പോലത്തെ ഈ ശരീരമാ....ഇനി സൂക്ഷിക്കണം.....

ശരി യക്ഷി.... എനിക്ക് വിശ്വാസമായി... നീയെന്തിനാടീ എന്‍റെ റൂമിലേക്ക് വന്നത്...

അതിന് മറുപടി ഒരു തേങ്ങലായിരുന്നു.......

നിര്‍ത്താതെയുള്ള ആ തേങ്ങല്‍ കേട്ട് എനിക്കും വിഷമമായി....പാവം യക്ഷി... ഇനി ഞാന്‍ ചൂടായിട്ട് പറഞ്ഞത് അതിന് വേദനിച്ചോ മറ്റോ ആവോ?......

ഏയ് എന്തായിത് ?....... ഞാന്‍ വെറുതെ ചോദിച്ചതല്ലേ.....?.... ശരി പോട്ടെ.... എനിക്ക് എന്താണെന്ന് അറിയണമെന്നുണ്ടായിരുന്നു അതാ....

ഞങ്ങള്‍ക്ക് എപ്പോഴും എവിടെയും കയറിവരാം... എന്നും പറഞ്ഞ് അത് പാവം കരച്ചില്‍ നിര്‍ത്താതെ മൂക്ക് പിഴിഞ്ഞു.....

ഹേയ് ... ഇത് പുലിവാലായല്ലോ!!!... ദേ നോക്ക് നീ ഒന്ന് കരയാതിരിക്കടോ... ഒന്നുമില്ലേലും താന്‍ ഒരു യക്ഷിയല്ലേ?...... ഇനി നീ കരഞ്ഞാല്‍ എനിക്കും വിഷമമാകും... ഞാനും കരയും......

അത് കേട്ടതും വെള്ളം നിര്‍ത്താന്‍ മലമ്പുഴ ഡാമിന്റെ ഷട്ടര്‍ അടക്കുന്ന മാതിരി എവിടെ നിന്നാണാവോ പെട്ടന്ന് കരച്ചില്‍ നിര്‍ത്തി... എന്നിട്ട് പുഞ്ചിരിയോടെ എന്നോട് പറഞ്ഞു... എനിക്കറിയാം നിങ്ങള്‍ക്ക്‌ പെണ്‍കുട്ടികള്‍ കരയുന്നത് കാണുന്നത് ഇഷ്ടമല്ല എന്ന്...

ഏയ്‌.. അതൊന്നും അല്ല ഇന്ന് കേരളത്തിലെ സ്ത്രീകള്‍ അവരവരുടെ ഭര്‍ത്താക്കന്മാരെ ഇപ്പോഴും വരുതിയില്‍ നിര്ത്തുന്നത് ഈ കണ്ണീര് കാണിച്ചിട്ടാ...... ഞാനും അതില്‍ ഭിന്നനാവാന്‍ വഴിയില്ല.......

നിങ്ങള്‍ കേരളീയനാണോ ?....

അതെ അപ്പൊ നീയ്യോ?.... മല്ലു യക്ഷിയല്ലേ?.....

അല്ല....

അയ്യോ... പിന്നെയീ മലയാളം ?......

ഞങ്ങള്‍ക്ക്‌ എല്ലാ ഭാഷയും സംസാരിക്കാന്‍ കഴിയും..... ഞാന്‍ .... എന്‍റെ ശരീരം ഈജ്ജിപ്തില്‍ ആണ്...

അപ്പൊ നീ അറബിപ്പെണ്ണ്‍ ആണ്.... മിസ്‌റിയക്ഷി ആണല്ലേ?........

മ്............... യക്ഷി ഒരു ദീര്‍ഘനിശ്വാസത്തോടെ ഒന്ന് മൂളി.....

ഞാന്‍ ഒന്ന് ചോദിക്കട്ടെ?......

മ്..... എന്താ?....... സംശയത്തോടെ എന്നോട് ചോദിച്ചു.....

നീ ഞാന്‍ കുളിക്കാന്‍ പോകുന്നത് കണ്ടോ???...... സത്യം പറ?.....

മ്....

എന്നിട്ട്.....?......

ഞാന്‍ കണ്ണടച്ചു.......പോരെ ?

ഹോ !! ആശ്വാസമായി.......

ഹി ഹി ഹി അവള്‍ കുലുങ്ങിച്ചിരിച്ചു

ശരി .... പക്ഷെ എന്‍റെ റൂമില്‍ നീ എന്തിനാ വന്നത്.....?

ഇത് നിങ്ങളുടെ റൂം ഒരു വര്‍ഷങ്ങള്‍ക്ക് മുന്‍പ് മുതലല്ലേ ആയോള്ളൂ... അതിന് മുന്‍പുള്ള പത്ത് വര്ഷം ഇതെന്‍റെ റൂം ആയിരുന്നു....

എന്ന് വച്ചാല്‍?

ഞാന്‍ ഇവിടെയാണ് അവസാനിച്ചത് ...... നിങ്ങള്‍ ഉറങ്ങുന്ന ഈ സ്ഥലത്ത്... കണ്ണീരോടെ ചൂണ്ടിക്കാണിച്ചവള്‍ പറഞ്ഞു....

ങേ!!! ഭയത്തോടെ ഞാന്‍ അവളെ നോക്കി...

പേടിക്കണ്ട നിങ്ങളെ ഞാന്‍ ഒന്നും ചെയ്യില്ല.... ചെയ്യേണ്ട ആള്‍ ഇന്നീ ബില്‍ഡിങ്ങില്‍ അഞ്ചാമത്തെ ഫ്ലാറ്റില്‍ വന്നിട്ടുണ്ട് വീണ്ടും പത്ത്‌ വര്‍ഷങ്ങള്‍ക്ക് ശേഷം......

അപ്പൊ ?... നീ ആ ആളെ കൊല്ലാനാണോ വന്നത്?

അതെ.... വളരെ ആത്മവിശ്വാസത്തോടെ അവള്‍ പറഞ്ഞു....

എങ്ങിനെ നീ മരിച്ചത്......

കൊന്നതാ... ശ്വാസം മുട്ടിച്ച്.... പറയുമ്പോള്‍ കണ്ണില്‍ കനലെരിയുന്നുണ്ടായിരുന്നു.....

എന്തിന്???.........

സ്നേഹിച്ചതിന്.....

അപ്പൊ എന്നിട്ട് അവന്‍ നിന്നെ വഞ്ചിക്കുകയായിരുന്നോ?....

അതെ...

ഇതൊക്കെ നീ എന്നോട് പറയുന്നതെന്തിനാ?........

ഞങ്ങള്‍ ഒരിക്കലും പാപം ചെയ്യാന്‍ പാടുള്ളതല്ല... പക്ഷെ ചെയ്‌താല്‍ പിന്നെ ഒരിക്കലും സ്വര്‍ഗത്തില്‍ കയറുകയില്ല..... പക്ഷെ എനിക്ക് അവനെ വേണം... അങ്ങിനെ ചെയ്‌താല്‍ അതിന് മുന്‍പ് ഒരു ദേവഗണത്തില്‍ പെട്ട ഒരാളോട് ഇത് പറയണം എന്നുണ്ട്... അതാ ഞാന്‍ ഇവിടെ വന്നത്........

ഓഹോ....

കുറച്ച് സമയം കൊണ്ട് തന്നെ എനിക്ക് യക്ഷിയുമായി നല്ലൊരു റിലെഷന്ഷിപ്പ്‌ ഉണ്ടാക്കിയെടുക്കാന്‍ കഴിഞ്ഞു എന്ന് മാത്രമല്ല യക്ഷിയുടെ കഥ ചോദിച്ചറിയാനും കഴിഞ്ഞു.....

യക്ഷിയുടെ കഥകേട്ടപ്പോള്‍ പാവം എനിക്ക് അതിനോട് സഹതാപം തോന്നി...

പ്രണയം നടിച്ച് കൂടെ പാര്‍പ്പിക്കുകയും, തലയില്‍ കുടുങ്ങും എന്നായപ്പോള്‍ ശ്വാസം മുട്ടിച്ച് കൊന്നത് വരെ പറഞ്ഞ് നിര്‍ത്തിയപ്പോള്‍ എന്തോ ആ ആത്മാവിനോട് ഒരു പ്രതേക സ്നേഹം എനിക്ക് തോന്നി....

എല്ലാം പറഞ്ഞ് യാത്ര പറയുമ്പോള്‍ നിറകണ്ണോടെ യക്ഷി എന്നോടിങ്ങനെ ചോദിച്ചു....

നമുക്ക്‌ ഈ ലോകത്ത്‌ ഇനിയൊരിക്കലും കാണാന്‍ കഴിഞ്ഞെന്നു വരില്ല.... പക്ഷെ നിങ്ങളും ഞങ്ങളില്‍ ഒരംഗമായി ഒരു നാള്‍ മാറും.... നിങ്ങളുടെ ഈ ശരീരവും വിട്ട് ഒരു കൂടുമാറ്റം.... അന്ന് ഞാന്‍ ഇതുപോലെ നിങ്ങളുടെ അടുത്തിരുന്നോട്ടെ? .......

തീര്‍ച്ചയായും.... നമുക്ക്‌ ഒരിക്കല്‍ വീണ്ടും കാണാം.... പറയുമ്പോള്‍ എന്‍റെ കണ്ണില്‍ നനവ്‌ പടരുന്നത് പോലെ തോന്നി.....

എന്നാല്‍ ഞാന്‍ പോട്ടെ.... എന്നെ കാണണമെങ്കില്‍ നക്ഷത്രങ്ങളുള്ള രാത്രികളില്‍ ആകാശത്തിലേക്ക് നോക്കി എന്നെ ഓര്‍ത്താല്‍ മാത്രം മതി.... ഞാന്‍ അത് കാണും...

എന്ന് പറഞ്ഞുകൊണ്ട് ഒരു വലിയ പുകപടലം സൃഷ്ടിച്ചുകൊണ്ട് അപ്രത്യക്ഷമായി.....

പിറ്റേന്ന് ലിഫ്റ്റിറങ്ങി താഴത്തെക്ക് വന്ന ഞാന്‍ കണ്ടത്‌ കുറെയേറെ പോലീസുകാര്‍ വണ്ടിയില്‍ കയറി പോകുന്നതും... അതിന് പിറകെ ഒരു ആമ്ബുലെന്സും....

ഒന്നും മനസ്സിലാകാതെ തൊട്ടടുത്ത റിസപ്ഷനില്‍ ഇരിക്കുന്ന ഫിലിപ്പിന്‍സ് ലേഡിയോട് അന്യേഷിച്ചപ്പോള്‍ ഞെട്ടിക്കുന്ന വാര്‍ത്തയാണ് എനിക്ക് അറിയാന്‍ കഴിഞ്ഞത്....

മുകളിലത്തെ അഞ്ചാമത്തെ ഫ്ലാറ്റിലെ ഒരു മുറിയില്‍ ഇന്നലെ വന്നു മുറിയെടുത്ത ഒരു ഈജിപ്ത്കാരന്‍ ഇന്ന് രാവിലെ മുറി തുറന്നു നോക്കുമ്പോള്‍ മരിച്ച നിലയില്‍ കാണപ്പെട്ടിരുന്നു...അതുകൂടെ മറ്റൊന്നും ഞാന്‍ അറിഞ്ഞു......

''ആ ശരീരത്തില്‍ ഒരു തുള്ളി രക്തം പോലും ശേഷിച്ചിരുന്നില്ലത്രേ''

അന്ന് രാത്രി കോര്‍ണിഷിലെ കടല്ത്തീരത്തുകൂടെ കപ്പലണ്ടിയും കൊറിച്ച് കൊണ്ട് നടക്കുമ്പോള്‍ വെറുതെ ആകാശത്തേക്ക് നോക്കിയ ഞാന്‍ അത്ഭുതപ്പെട്ടുപോയി....

കൂട്ടത്തോടെ ഉദിച്ചു നില്‍ക്കുന്ന നക്ഷത്രങ്ങള്‍ക്കിടയിലെ ഒരു നക്ഷത്രത്തിന് ഇന്നെന്തോ ഒരു പ്രത്യേക തിളക്കം പോലെ...!!

ഇനി തനിക്ക്‌ തോന്നിയതാവുമോ എന്ന് തോന്നി...

പെട്ടന്ന്‍ എന്‍റെ ചിന്തയില്‍ ഒരു വെള്ളിടിവെട്ടി.... വീണ്ടും ഞാന്‍ ആകാശത്തേക്ക് നോക്കി...

അപ്പോള്‍ തോന്നി... അതെ... ആ നക്ഷത്രം എന്നെത്തന്നെ നോക്കിക്കൊണ്ട് പുഞ്ചിരിക്കുകയാണ്....

അതൊരുപക്ഷേ ഇനി അവളാകുമോ?......

ആ നക്ഷത്രത്തെ നോക്കി ഞാന്‍ പുഞ്ചിരിച്ചപ്പോള്‍, അതുവരെ കാണാത്ത ഒരു പ്രത്യേകം ചന്തം എനിക്ക് തോന്നി...

അതെ.... അതവള്‍ തന്നെ........

ഒരു പക്ഷെ ആ പാവം എന്‍റെ വരവും നോക്കിയിരിക്കുകയാവാം.........

എന്നെയും കാത്ത്‌..........

2010, നവംബർ 22, തിങ്കളാഴ്‌ച

ഡോ: സുഗുണന്‍ തെക്കുംമൂട്ടിലിന്‍റെ പത്ത്‌ കല്‍പ്പനകള്‍......



നാട്ടില്‍ പോകുംമ്പോളൊക്കെ പെണ്ണ് കാണാന്‍ എന്ന മോഹവുമായില്‍ ഒരുപാട് പുലിമടയില്‍ ഞാന്‍ കയറിയിറങ്ങാറുണ്ടായിരുന്നു... ഫലം തഥൈവ!!... നെടുമ്പാശ്ശേരി എയര്‍പോര്‍ട്ടില്‍ എന്നെയും എടുത്ത്‌ കൊണ്ട് അബുദാബിയില്‍ നിന്നുള്ള ഇത്തിഹാദു ഫ്ലൈറ്റ് ലാന്റു ചെയ്തതില്‍ പിന്നെ കേരളത്തിലെ സുന്ദരികളായ തരുണീമണികള്‍ ഏതു മടയില്‍ ആണാവോ എന്നെയും ഭയന്ന്‍ കയറിയിരിക്കുന്നത് എന്ന് എനിക്ക് പലപ്പോഴും തോന്നിയിട്ടുണ്ട്....അങ്ങിനെ പെണ്ണ് കെട്ടാന്‍ വേണ്ടി കരുതിവച്ച സ്വര്‍ണ്ണം പലപ്പോളും എന്നെ നോക്കി ''എന്നെ നിങ്ങള്‍ കമ്യൂണിസ്റ്റ്‌ ആക്കും'' എന്ന് പറഞ്ഞു കട്ടത്തെറി വിളിക്കാനും തുടങ്ങി....

എന്തിനും ഒരു പരിഹാരം വേണമല്ലോ!!... ഗൂഗിളില്‍ കയറി പരാതി അങ്ങ് അടിച്ച് കൊടുത്തു.... എന്ത് തെണ്ടിത്തരം എഴുതിച്ചോദിച്ചാലും ചിരിച്ച് കൊണ്ട് ഉത്തരം തരുന്ന ഗൂഗിള്‍ചേട്ടന് ഇതൊക്കെ അത്ര വലുതാണോ?....പുള്ളി ഓണ്ലൈനായി കണ്സല്‍ട്ട് ചെയ്യാന്‍ വേണ്ടി ഒരു ലിങ്ക് അങ്ങ് തന്നു.... അങ്ങിനെയാണ് ഡോക്ടര്‍ സുഗുണന്‍ തെക്കുംമൂട്ടിലിനെ ഓണ്‍ലൈനില്‍ കിട്ടുന്നത്.....ആദ്യം തന്നെ പറയട്ടെ, നല്ലൊരു തങ്കക്കുടം പോലൊരു മനുഷ്യന്‍... ആ ആദ്യേഹവുമായി കണ്സല്‍ട്ട് ചെയ്തതിന്റെ പ്രസക്തമായ ഭാഗങ്ങള്‍ ഇവിടെ ഇടുന്നു....ലക്ഷങ്ങള്‍ മാസവരുമാനം ഉണ്ടായിട്ടും പെണ്ണ് കിട്ടാത്ത സ്വദേശത്തും വിദേശത്തും ജോലിചെയ്യ്ത് പണ്ടാരമടങ്ങുന്ന എല്ലാ ചെറുപ്പക്കാര്‍ക്കും ഒരു പക്ഷെ ഇത് ഉപകാരം ചെയ്യും.....

വിരല്‍: ഹലോ സുഗുണന്‍ ഡോക്ടറല്ലേ?

സുഗുണന്‍: പറയടെയ്!!...

വിര: ഡോക്ടര്‍ ഞാന്‍ ഒരു പ്രശ്നത്തില്‍ പെട്ടിരിക്കുകയാണ്!!...

സുഗു: അതെനിക്കറിയാം... പ്രശ്നം ഇല്ലെങ്കില്‍ പിന്നെ നീയൊക്കെ ഇവിടെ വന്ന് കട്ടത്തെറി എഴുതി പോകാറല്ലേ പതിവ്....

വിര: ഇല്ല ഡോക്ടര്‍.. ഞാന്‍ അത്തരക്കാരനല്ല...

സുഗു: ഓക്കേ എന്നാ നിന്‍റെ പ്രശ്നം?. മൊഴിയടെ....

വിര: ഡോക്ടര്‍ എനിക്ക് പെണ്ണ് കിട്ടുന്നില്ല.....

സുഗു: ഹ ഹ ഹ അപ്പൊ നീ ആണല്ലേ? (കൊലച്ചിരി)

വിര: ദേ പോക്രിത്തരം പറഞ്ഞാലുണ്ടല്ലോ... ആ...(ദേഷ്യം മുഖത്ത് വെച്ച്കെട്ടി)

സുഗു: ഡേയ്... നീ അങ്ങ് കയറി റൈസ് ആവാതെ....

വിര: ആ അങ്ങിനെ വഴിക്ക്‌ വാ...

സുഗു: തമ്പുരാന് ഇപ്പൊ വയസ്സ് എത്രയായി?

വിര: ദേ ഈ കര്‍ക്കിടത്തില്‍ക്ക് ഇരുപത്താറു തികഞ്ഞു...

സുഗു: അപ്പൊ കഞ്ഞി ആണല്ലേ?.....

വിര: എന്ത് എന്ത്?.....(ദേഷ്യം രണ്ട്)

സുഗു: അല്ല അല്ല ഈ കര്‍ക്കിടകം എന്ന് കേട്ടപ്പോള്‍ കഞ്ഞിയെ ഓര്‍മ്മവന്നു അതാ......

വിര: ഉവ്വ്‌ ഉവ്വ് .. മനസ്സിലായി.......ഞാന്‍ ചോദിച്ചതിന് ഉത്തരം താ മാഷേ...

സുഗു: ശരി നിങ്ങള്‍ പെണ്ണ്‍ കാണാന്‍ പോയിട്ട് ഉള്ള ദുരനുഭവം എന്തെങ്കിലും ഒന്ന് എന്‍റെ മുന്നില്‍ വെളംബൂ.....

വിര: ഏകദേശം പത്ത് നാല്‍പതു കൊച്ചുങ്ങളെ കണ്ടു...

സുഗു: എന്നിട്ട്...

വിര: ഒന്നിനേം കണ്ടിട്ട് കണ്ണിനു ക്ലച്ച് പിടിക്കുന്നില്ല....

സുഗു: അപ്പൊ പെണ്ണല്ല പ്രശ്നം , തന്‍റെ കണ്ണാ......

വിര: ദേ, നിങ്ങളുടെ വളിച്ച തമാശ കേള്‍ക്കാനല്ല ഞാന്‍ ഈ ലാപ്പും തുറന്നു വച്ചിരിക്കുന്നത്... പറഞ്ഞേക്കാം.....

സുഗു: ശരി താങ്കള്‍ക്ക് കല്യാണം എളുപ്പം നടക്കാനുള്ള പത്ത് കല്‍പ്പനകള്‍ ഞാന്‍ മെയില്‍ വഴി അയച്ചു തരാം... എന്താ തന്‍റെ ഐഡി?

വിര: പെണ്ണിനെവേണം@റോക്കറ്റ്മെയില്‍.കോം എന്നാ....

സുഗു: ശരി ഇപ്പൊ എത്തും നോക്ക്....


കട്ട്!!!!!!!........



ഓടിപ്പോയി മെയിലില്‍ കയറി നോക്കി... എന്നെയും കാത്ത് സുഗുണന്‍ മെയില്‍ സുഷുപ്തിയില്‍ അപ്പോള്‍ ആറാടി കെടുക്കുന്നുണ്ടായിരുന്നു...എടുത്തു നോക്കിയപ്പോള്‍ കണ്ണ് തള്ളിപ്പോയി........... അതിന്റെ പ്രസക്തഭാഗങ്ങള്‍ താഴെ കൊടുക്കുന്നു....

1) കല്യാണം കഴിക്കാന്‍ പ്ലാനുണ്ടെങ്കില്‍ പെണ്ണ് കാണാന്‍ ഒരിക്കലും തന്ത തള്ളമാരെ ആദ്യം വിടാതിരിക്കുക... കഴിയുമെങ്കില്‍ നിങ്ങള്‍ തന്നെ ആദ്യം പോയി കണ്ടാല്‍ നിങ്ങള്‍ക്ക്‌ പെണ്ണിന്റെയും പെണ്ണിന് നിങ്ങളുടെയും ചോര കുടിക്കാന്‍ എളുപ്പത്തില്‍ കഴിയും...

2) പെണ്ണ് കാണാന്‍ പോകുമ്പോള്‍ ശരിക്കും പറഞ്ഞാല്‍ ബൈക്കില്‍ പോകാതിരിക്കാന്‍ പരമാവധി ശ്രമിക്കുക.... ഇന്നുള്ള ഇവളുമാരുടെയൊക്കെ മനസ്സില്‍ എന്തെങ്കിലും മാറ്റം വരുത്തണമെങ്കില്‍ കഴിയുമെങ്കില്‍ കാറാക്കുക... (പ്രൈവറ്റ് രജിസ്ട്രേഷന്‍ നിര്‍ബന്ധം)

3) നിങ്ങളുടെ തലമുടി വിവാഹജീവിതത്തില്‍ പ്രധാന പങ്ക് വഹിക്കുന്നുണ്ട്.... കഴിയുമെങ്കില്‍ തലയുടെ മുകളില്‍ കൂണ്‍ രൂപത്തിലോ, അല്ലെങ്കില്‍ ആമയുടെ തോട് തലയുടെ മുകളില്‍ കമഴ്ത്തിയ രീതിയിലോ മുടി വെട്ടി ശരിയാക്കുക......പെണ്‍കുട്ടി ഇതൊക്കെക്കണ്ട് അമ്പരന്ന് ഒരു പക്ഷെ കല്യാണത്തിന് സമ്മതിക്കാന്‍ വഴിയുണ്ട്....

4) പെണ്ണ് കാണാന്‍ പോകുമ്പോള്‍ ഇടേണ്ട വേഷത്തെക്കുറിച്ച് പ്രത്യേകം പറയേണ്ടതില്ലല്ലോ.... നീല ഷര്‍ട്ടും കഴിയുമെങ്കില്‍ ചുവന്ന പാന്റും ധരിക്കാന്‍ ശ്രമിക്കുക.... അതും നിങ്ങള്‍ എത്ര തടിയുള്ള ആളാണെങ്കിലും ഷര്‍ട്ട്‌ 32 സൈസില്‍ കൂടാന്‍ പാടില്ല..... കാരണം പെണ്‍കുട്ടിക്ക്‌ നിങ്ങളുടെ കൊഴുപ്പ് കൊണ്ട് ഉരുണ്ടുകൂടിയ മസിലെല്ലാം കാണുന്നതിന് ഇതേറെ സഹായിക്കും.....

5) വിദേശത്ത്‌ ജോലിചെയ്യുന്ന ആളാണ്‌ നിങ്ങള്‍ എങ്കില്‍ പെണ്ണ് കാണാന്‍ ചെന്നാല്‍ പെണ്ണിന്റെ വീട്ടിലുള്ള ഏനക്കേട് പിടിച്ച പെണ്ണിന്‍റെ തന്തയോ ബന്ധുക്കാരോ നിങ്ങളുടെ ജോലി എന്താണെന്നോ മറ്റോ ചോദിച്ചാല്‍ ജോലി ഒരിക്കലും മലയാളീകരിച്ച് പറയാതിരിക്കുക... ഉദാഹരണത്തിന് ഗള്‍ഫില്‍ മണ്ണും മണലും നിറച്ച് ഉന്തിക്കൊണ്ട് നടക്കുന്ന ജോലിയാണ് നിങ്ങള്‍ക്ക്‌ എങ്കില്‍ ഇവിടെ 'അര്‍ബാന ഓപ്പറേറ്റര്‍' എന്ന് മാത്രമേ പറയാന്‍ പാടൂ... ആ പാവങ്ങള്‍ ഇതെന്തോ വലിയ ജോലിയാണെന്ന് കരുതി പെണ്ണിനെ എത്രയും വേഗം തലയില്‍ വച്ച് കെട്ടാന്‍ ശ്രമിക്കുന്നത് നിങ്ങള്ക്ക് കാണാം...

6) മൊബൈല്‍ വിവാഹജീവിതത്തില്‍ ഒരു അഭിവാജ്യഗടകം ആണെന്ന് പ്രത്യേകിച്ച് പറയേണ്ടതില്ലല്ലോ... വീടിന്‍റെ ആധാരം കൊണ്ട് പണയം വച്ചിട്ടാണെലും ഇന്ന് വിപണിയില്‍ കിട്ടുന്ന ഏറ്റവും പുതിയ മൊബൈല്‍ തന്നെ കയ്യില്‍ കരുതുക... പെണ്ണിന്‍റെ മുന്‍പില്‍ വച്ച് അതെടുക്കുകയും ബാലന്‍സ് ഒന്നും കാണില്ലേലും പെണ്ണ് കാണത്തക്കവണ്ണം എവിടേക്കെങ്കിലും വിളിക്കാന്‍ നോക്കുക.... കേരളത്തില്‍ കസ്റ്റമര്‍ കെയറിലേക്ക് വിളിക്കാന്‍ കാശു വേണ്ടാത്തതുകൊണ്ട് വേണമെങ്കില്‍ അതിലേക്കും വിളിക്കാം.......

7) പെണ്ണുമായി സംസാരിക്കുമ്പോള്‍ പെണ്ണിന്‍റെ അറിവ് തന്‍റെ അറിവിന്‍റെ ഏഴയലത്ത് പോലും വരില്ല എന്ന് വരുത്തിത്തീര്‍ക്കേണ്ടത് നിങ്ങളുടെ ഭാവിജീവിതത്തില്‍ വളരെയേറെ ഗുണം ചെയ്യും....എന്നാല്‍ സൌന്ദര്യത്തിന്‍റെ കാര്യത്തിലാണേല്‍ അവളുടെ ഏഴയലത്ത് പോലും ആരും വരില്ലന്നും തട്ടിവിട്ടോളണം... ഇത് നിങ്ങളെക്കുറിച്ച് പെണ്ണില്‍ ചെറിയ തോതിലൊന്നുമല്ലാത്ത അഭിപ്രായമാറ്റങ്ങള്‍ വരുത്താന്‍ സാധിച്ചേക്കും....

8) ഹോട്ടലാണെന്നു കരുതി ബാര്‍ബര്‍ഷോപ്പില്‍ കയറിയ തൊണ്ണൂറുകളിലെ വളിച്ച തമാശയോന്നും വെളംബാതെ കിട്ടിയ സമയം കൊണ്ട് പെണ്ണിനോട് താന്‍ ചെയ്ത സാഹസികതകള്‍ തെല്ലും വെള്ളം ചേര്‍ക്കാതെ തട്ടിവിടാന്‍ ഒരിക്കലും മറക്കരുത്... ഉദാഹരണത്തിന് മുങ്ങാംകുഴിയിട്ടു ഞാന്‍ മുപ്പതുമിനിട്ട് വെള്ളത്തിനടിയില്‍ കുട്ടികാലത്ത് കിടക്കാറുണ്ട് എന്നോ അല്ലെങ്കില്‍ ചോട്ടേം മാണിയിലും കിട്ടിയ വെള്ളിക്കപ്പ്‌ ഇപ്പോഴും വീട്ടില്‍ ഹോര്‍ലിക്സ് കുപ്പിയില്‍ സൂക്ഷിച്ചിട്ടുണ്ട് എന്നോ, അങ്ങിനെ ആ ലൈനില്‍ അങ്ങ് പോയാല്‍ മതി..... അപ്പൊത്തന്നെ കല്യാണം ഉറപ്പിക്കാം...

9) ഇന്നത്തെക്കാലത്ത് ആമ്പിള്ളെര്‍ക്ക് ലൌലറ്റര്‍ കൊടുക്കാത്തവരോ അതുമല്ലെങ്കില്‍ ഒരു ചെറിയ സൈറ്റ് എറിയാത്തവരോ ആയ പെണ്‍കുട്ടികളെ ഒരു പക്ഷെ ചന്ദ്രനില്‍ മാത്രമേ നമുക്ക് കാണാന്‍ കഴിയൂ..... ആയതിനാല്‍ എത്ര സംശയരോഗം ഉള്ളവാനാണ് നിങ്ങളെങ്കിലും അതൊന്നും പെണ്ണിന്‍റെ മുന്നില്‍ തുടക്കത്തിലെ പ്രകടിപ്പിക്കരുത്.... പ്രേമത്തെ ഞാന്‍ വെറുക്കുന്നു എന്നൊന്നും പെണ്ണിന്‍റെ മുന്നില്‍ വീമ്പടിച്ചെക്കരുത്..... പകരം പ്രേമം എന്നാല്‍ അനന്തസാഗരം ആണെന്നും പ്രേമിക്കാന്‍ കഴിവുള്ളവരെ ഞാന്‍ വളരെ ഇഷ്ടപ്പെടുന്നു എന്നൊക്കെ തട്ടിവിടാം...കല്യാണം ഉറപ്പ്....

10) ഇനിയുള്ള പ്രധാന കാര്യം നിങ്ങള്‍ ചോദിച്ചറിയെണ്ടത്, പെണ്ണ് ഇന്ന് കേരളത്തിലെ പ്രശസ്‌ത ബ്ലോഗറായ വിരല്‍ത്തുമ്പിന്‍റെ ബ്ലോഗ്‌ സ്ഥിരമായി വായിക്കാറുണ്ടോ എന്നാണു.... ഒരു വട്ടം ആ ബ്ലോഗില്‍ പോയിട്ടുണ്ട് എന്നെങ്ങാനും പറഞ്ഞാല്‍ പിന്നെ ഒന്നും ചോദിക്കാതെ പുറത്ത് ഇറങ്ങിക്കോളണം.... കാരണം ആ ബ്ലോഗ്‌ വായിച്ചവര്‍ക്കൊക്കെ പലപ്പോഴും അതിന്‍റെ അവതാരകനോട് പ്രത്യേകം അടുപ്പവും(എന്തോ പറഞ്ഞറിയിക്കാന്‍ പറ്റാത്ത ഒരിത്) പ്രണയവും മൊട്ടിടുന്നതായി ഇന്ത്യന്‍ മെഡിക്കല്‍ അസോസിയേഷന്‍ കണ്ടെത്തിയിട്ടുണ്ട്..... ആയതിനാല്‍ ആ ബ്ലോഗ്‌ വായിക്കുന്ന പെണ്‍കുട്ടിയേയോ അവളുടെ വീടിന്‍റെ നൂറുമീറ്റര്‍ പരിധിയിലോ നിങ്ങള്‍ പെണ്ണ് അന്യേഷിക്കാതിരിക്കലാണ് നിങ്ങളുടെ ഭാവി ദാമ്പത്യജീവിതത്തിന് ഉത്തമം...... അത് പ്രത്യേകം മറക്കാതിരിക്കുക........

കടപ്പാട്: ഡോ:സുഗുണന്‍ തെക്കുംമൂട്ടില്‍
ഉഴിച്ചില്‍ വിദഗ്ധന്‍ (മസാജ് സെന്റര്‍)
ദുബായ്,ദേര-വെസ്റ്റ്‌

2010, നവംബർ 21, ഞായറാഴ്‌ച

ഇന്ത്യ എന്ന ചക്കരക്കുടം.



ആദ്യം തന്നെ അങ്ങ് പറഞ്ഞേക്കാം തെറ്റിദ്ധരിക്കരുത്..... ഇന്ത്യ എന്നാല്‍ ഐറ്റം ഡാന്‍സ്കാരിയായ ഒരു സിനിമാതാരത്തെപ്പോലെയാണ്.. സിനിമയില്‍ മുഖം കിട്ടാന്‍ എതവന്റെയും മുന്നില്‍ കിടന്നു കൊടുക്കാനും റെഡിയായിരിക്കുന്നവളെപ്പോലെ... അല്ലെങ്കിലും മുന്‍പ്‌ ഞാന്‍ പ്രവചിച്ചിരുന്നു എന്നാലും നിങ്ങളില്‍ വിശ്വാസം വരുത്താന്‍ വീണ്ടും ഞാന്‍ ഓര്‍മിപ്പിക്കട്ടെ' കോണ്ഗ്രസ് എന്നാല്‍ പണം എന്ന ചോര കുടിക്കുന്ന കുറെയേറെ അട്ടകളുള്ള ഒരു പാര്‍ട്ടി ആണ്...... അല്ലെങ്കില്‍ നോക്കൂ... ഇന്നിപ്പോള്‍ വന്നവന്‍ വന്നവന്‍ എല്ലാം കക്കുന്നു...പിടിക്കപ്പെടുന്നു.... എന്തായിത്.... ഞങ്ങളുടെ പാര്‍ട്ടി സെക്രട്ടറി പിണറായി സാറിനെതിരെ എന്തായിരുന്നു ഇവമ്മാരോക്കെ ചെയ്തുകൂട്ടിയിരുന്നത്.... പാവം അത് കേരളം നന്നായിക്കോട്ടേ, നേരെവാ നേരെപോ എന്നൊക്കെ വിചാരിച്ച് അതും ഇതും ഒന്നും നോക്കാതെയാണ് ലാവലിന്‍ കമ്പനിയുമായി കരാര്‍ ഒപ്പ് വച്ചത്.... ഇത് പണ്ടാരം ഇങ്ങനെയൊക്കെയായിത്തീരും എന്ന് ആ പാവം സ്വപ്നത്തില്‍ പോലും കരുതിയിട്ടുണ്ടാവില്ല.... ഇപ്പൊ എവിടെ ഈ ഖദര്‍ പ്രമാണിമാര്‍?....നിങ്ങളുടെ പാര്‍ട്ടിയില്‍ ഇനി പുണ്യാളന്‍മാര്‍ ബാക്കിയുണ്ടാകുമോ ഇനി ശേഷിച്ച കാലം ഇന്ത്യ ഭരിക്കാന്‍?......

പാവങ്ങളുടെ വീട് കട്ടു,,, ചവാന്‍റെ പണി പോയി.... ഇപ്പോഴിതാ മറ്റൊരു കുംഭകോണം...സ്പെക്ട്രം കുംഭകോണം.... ടെലികോം മന്ത്രിയായിരുന്ന രാജബമ്പാലയുടെ പണിയും പോയി,,,,,പിടിച്ചതിനേക്കാള്‍ വലുതാണ്‌ മടയില്‍ എന്ന് പറഞ്ഞത് പോലെയായി ഇപ്പോള്‍ കോണ്ഗ്രസ്സിന്റെ അവസ്ഥ,,,,, അന്യെഷിച്ച് നോക്കുമ്പോള്‍ ഇന്നിന്ത്യയിലുള്ള പല വമ്പന്‍ ബിനാമികള്‍ക്കും ഇതില്‍ പങ്ക് ഉണ്ടെന്നു പറയുമ്പോള്‍ ഇന്ത്യയിലെ മധ്യവര്‍ത്തികളായ നമ്മലളെപ്പോലുള്ളവര്‍ ഈ കേന്ദ്രത്തിനുമുമ്പില്‍ വടി കൊടുത്ത്‌ അടി വാങ്ങിയില്ലേ എന്ന രീതിയില്‍ നില്‍ക്കേണ്ട അവസ്ഥയാണ്..... എന്തായാലും സി ബി ഐ ക്ക് ഇനി ഒരു അഞ്ച് വര്‍ഷത്തേക്ക് പണിയായി.... ഇന്ന് കേരളത്തിലെ ചെറുപ്പക്കാരോട്.... പഠിക്കുകയാണ് എങ്കില്‍ സി ബി ഐ യില്‍ കയറിക്കൂടാന്‍ കഴിയാവുന്ന എന്തെങ്കിലും ഒക്കെ പഠിക്കാന്‍ നോക്കുക... മാന്ദ്യം ഇതിനു മാത്രം നോക്കണ്ട..... കേസുകള്‍ അതാത് ഭരിക്കുന്ന മേലാളന്മാര്‍ തന്നെ മുറക്ക്‌ തന്നോളും....
Related Posts Plugin for WordPress, Blogger...