മുട്ടുവിന്‍ തുറക്കപ്പെടും....

അഹങ്കരിക്കാം എന്നാല്‍ അതിനും ഉണ്ട് ഒരു സ്റ്റാന്‍ഡെഡ്.... അല്ലെങ്കില്‍ ഇവമ്മരോക്കെ എന്താ വിചാരിച്ചത്.... ലോകകപ്പ് എന്നാല്‍ എന്താ വട്ടുകളി ആണന്നോ?...ങേ?.... അല്ലെങ്കില്‍ത്തന്നെ ജി സി സി യില്‍ ആകെ മൂട്ടയുടെ വലുപ്പം മാത്രം ഉള്ള സ്ഥലം.. ആ അവര്‍ക്കോ അമേരിക്കയേക്കാള്‍ അഹങ്കാരം.... കഷ്ടം... 2022 ലെ ലോകകപ്പിന് ആദിത്യം വഹിക്കാന്‍ ഖത്തര്‍ കുറേക്കാലമായി ഫിഫയുടെ കുടുംബത്ത് കയറിയിറങ്ങുന്നു..... എന്നിട്ടെന്തായി... കരച്ചില്‍ കേട്ടാണോ എന്തോ ഫിഫയില്‍ നിന്ന് കുറച്ച് കാര്‍ന്നോമ്മാര്‍ വന്ന്‍ നോക്കിപ്പോയി... കൂടെ നല്ലൊരു റിപ്പോര്‍ട്ടും കൊടുത്തു... ഒരു ഫുട്ബാള്‍ ഗ്രൌണ്ടിന്റെ വലിപ്പം മാത്രമുള്ള ഈ രാജ്യത്ത്‌ കളിക്കാന്‍ ഇനി സ്ഥലമില്ല എന്ന്..... അമ്പടി പുളുസൂ!!!!!

എന്തായാലും ഖത്തറിന്റെ ലോകകപ്പ് മോഹങ്ങള്‍ക്ക് വലിയൊരു കരിനിഴല്‍ ആണ് വീണതെന്ന് പറയാലോ.....നമുക്കെല്ലാവര്‍ക്കും അറിയാം ഇന്ന് ലോകം കാല്‍പന്തുകളിക്ക് എത്രത്തോളം പ്രാധാന്യം നല്‍കുന്നു എന്ന കാര്യം... ചരിത്രം നോക്കുകയാണെങ്കില്‍ ഫിഫ ചെറിയ രാഷ്ട്രങ്ങളില്‍ കളിക്ക് അനുമതി കൊടുത്തതു 1930 ല്‍ ഉറുഗ്വേയില്‍ മാത്രമാണ്...ആ സമയത്ത്‌ കളിക്കാന്‍ 13 രാഷ്ട്രങ്ങളെ ഉണ്ടായിരുന്നുള്ളൂ എന്ന് നമ്മള്‍ മനസ്സിലാക്കണം...... എന്നാല്‍ അതിനു ശേഷം ലോകം വളര്‍ന്നു ഫുട്ബോളും അതിന്‍റെ കൂടെയങ്ങ് വളര്‍ന്നു.... എന്നിപ്പോ അതാണോ സ്ഥിതി.. കളിക്കാന്‍ 32 രാജ്യങ്ങള്‍ നിരനിരയായി നില്ല്ക്കുന്നു....ഖത്തര്‍ പെട്ടോ?..... ശരിക്കും ഖത്തറില്‍ സ്റ്റെടിയങ്ങള്‍ തമ്മിലുള്ള ദൂരം വെറും ഒരു മണിക്കൂര്‍ യാത്ര മാത്രം മതി എന്ന് പറയുമ്പോള്‍ ലോകത്തിന്‍റെ നാനാഭാഗത്തുനിന്നും വരുന്ന ഫുട്ബോള്‍ പ്രേമികളെ ഉള്‍ക്കൊള്ളിക്കാന്‍ ഖത്തര്‍ കുറച്ചൊന്നും അല്ല പാടുപെടുക.... കാത്തിരുന്നു കാണാം.....

എന്തൊക്കെയായാലും ഖത്തര്‍ ഇപ്പറഞ്ഞ വെല്ലുവിളി ഏറ്റെടുത്തിട്ടുണ്ട്... എവിടെ... ഏഷ്യന്‍ ഗൈസ് നമ്മള്‍ ആരും മറന്നിട്ടില്ല.... അവസാനം എന്തായി?..... അന്ന് കെട്ടിപ്പൊക്കിയ സ്റ്റേഡിയങ്ങളെല്ലാം ഇപ്പോഴും ഈ രാഷ്ടം ബാദ്യതയാല്‍ തലയിലേറ്റി നടക്കുന്നു...ഏതു മേഖലയിലും മത്സരം ഉണ്ടാകുമല്ലോ... ഇപ്പറഞ്ഞ ലോകപ്പിന് ആദിത്യമരുളാന്‍ ഖത്തറിന്‍റെ എതിരാളികള്‍ ആരൊക്കെയാണ് എന്നറിയണ്ടെ... ഞെട്ടരുത്‌ നിങ്ങള്‍....ജപ്പാന്‍, ഓസ്ട്രേലിയ, ദക്ഷിണ കൊറിയ എന്നീ രാജ്യങ്ങളൊക്കെ ലക്ഷം ലക്ഷം പിന്നാലെ എന്നും പറഞ്ഞ് നടക്കുന്നത്... എന്തായാലും 2022 ല്‍ ഖത്തറില്‍ ഫിഫ ലോകകപ്പിന് വേണ്ടി ഒരുക്കുന്ന 12 സ്റ്റേഡിയങ്ങളില്‍ ചിലത് ഞാന്‍ താഴെകൊടുക്കുന്നു....ഇതൊക്കെ ഉള്ളതാവണെ എന്ന് നമുക്ക്‌ എല്ലാവര്‍ക്കും ആര്‍മാദിച്ച് പ്രാര്‍ഥിക്കാം......

വിരല്‍ത്തുമ്പിന്‍റെ പെരുന്നാള്‍ സന്ദേശം...

സ്നേഹത്തിന്‍റെയും സാഹോദര്യത്തിന്റെയും ത്യാഗസ്മരണകളുണര്‍ത്തിക്കൊണ്ട് ഒരു ബലിപെരുന്നാള്‍ കൂടി നമുക്ക് വന്നണയുന്നു..... പണ്ട് കുട്ടിയായിരിക്കുമ്പോള്‍ ഉമ്മ തയ്പ്പിച്ച് തരുന്ന പതുവസ്ത്രവും അണിയിപ്പിച്ച് ''ന്‍റെ കുട്ടിയെ നോക്കിക്കോളണെ'' എന്ന് പറഞ്ഞ് പെരുന്നാള്‍നമസ്കാരം കൂടാന്‍ മുതിര്‍ന്നവരുടെ കൂടെ എന്നെ പറഞ്ഞയക്കുമ്പോള്‍ ഞാനെന്ന കുഞ്ഞന്റെ കുഞ്ഞ് മനസ്സില്‍ വേദന നിറയാറുള്ള പല സന്ദര്‍ഭങ്ങളും ജീവിതത്തില്‍ ഉണ്ടാവാറുണ്ടായിരുന്നു... എന്‍റെ കൂടെ വീട് വക്കാനും മണ്ണപ്പം ചുടാനും ഒക്കെ സഹായിക്കുന്ന എന്‍റെ ബാല്യകാലസുഹൃത്തുക്കള്‍ അവരവരുടെ ഉപ്പമാരുടെ കയ്യും പിടിച്ച് പള്ളിയിലേക്ക്‌ പോകുന്നത് കാണുമ്പോള്‍ ഉപ്പയുണ്ടായിട്ടും ഞാന്‍ ഇവിടെയും അനാഥനായല്ലോ എന്ന ചിന്ത സങ്കടങ്ങളില്‍ നിന്ന് സങ്കടങ്ങളിലേക്ക് എന്നെ പലപ്പോഴും എത്തിച്ചിരുന്നു.......ഒരു പക്ഷെ എന്നെപ്പോലെ തന്നെയാകാം ഗള്‍ഫുകാരായിരുന്ന ഉപ്പമാരുള്ള മക്കളായ നിങ്ങളില്‍ പലവരും.....ഇപ്രാവശ്യവും പെരുന്നാളിന് പുതുവസ്ത്രം വാങ്ങാത്തത്തിനു ഉമ്മ ചീത്ത വിളിക്കുമ്പോള്‍ ഉള്ളില്‍ വേദനയുണ്ടെങ്കിലും അത് മറച്ചുവച്ച് ''ഞാന്‍ പിശുക്കനാന്നൂ'' എന്നൊരു ഉത്തരത്തില്‍ ഒതുക്കാറുണ്ടു എല്ലായ്പ്പോഴും........

ഇന്ന് കേരളത്തിലും വിദേശത്തും ജോലിചെയ്തു ജീവിക്കുന്ന കുടുംബസ്ഥരായ മുസ്ലിം ചെറുപ്പക്കാര്‍ ഇന്ന് ഒട്ടനവധിയുണ്ട്.... ഇതെഴുതുന്നത് ഈറനണിഞ്ഞിട്ടാണെങ്കിലും ഞാന്‍ എന്‍റെ ഒരു ആശയും ആഗ്രഹവും നിങ്ങളോട് പങ്കുവക്കട്ടെ... നാട്ടില്‍ ഉള്ളവരായ ഉപ്പമാരാണു നിങ്ങള്‍ എങ്കില്‍ നിങ്ങള്‍ നിങ്ങളുടെ മക്കളെയും കൂട്ടി മാത്രമേ പെരുന്നാള്‍ നമസ്കാരത്തില്‍ പങ്കുകൊള്ളാവൂ.... കാരണം കുട്ടികളുടെ ലോകം എന്നാല്‍ ആ ലോകം നമ്മളെല്ലാം ചിന്തിക്കുന്നതിനും അപ്പുറത്താണ്... ഭാവിയില്‍ എന്‍റെ മകന് എന്നോട് ഒരു സ്നേഹവുമില്ല എന്ന തോന്നല്‍ നിങ്ങളില്‍ ഉണ്ടാകാതിരിക്കാന്‍ ഇപ്പോള്‍ തന്നെ അവരുടെ മനസ്സില്‍ ഇത്തരം മെമ്മറബില്‍ മോമെന്‍സ് നിങ്ങള്‍ ഉണ്ടാക്കിയെടുക്കേണ്ടത് അത്യാവശ്യമാണ്.... ഇനി വിദേശത്താണ് നിങ്ങള്‍ എങ്കില്‍ പെരുന്നാള്‍ ദിവസം രാവിലെത്തന്നെ നിങ്ങള്‍ ആ കുഞ്ഞിനെ വിളിക്കണം....എന്നിട്ട് നിങ്ങള്‍ അവനോടു പറയണം.... ''ഉപ്പാക്ക് വലിയ ആശയുണ്ടായിരുന്നു നിന്നേം ഉമ്മാനേം കൂട്ടി ഈ പെരുന്നാളെങ്കിലും കൂടാന്‍... പക്ഷേയിങ്കില് എനിക്കതിന് യോഗമില്ല... എന്നാലും ഉപ്പ എപ്പോഴും ന്‍റെ കുട്ടിയുടെ കൂടെയുണ്ട് എന്ന് കരുതി കുട്ടികളുടെ കൂടെ നീ പള്ളീ പോകണം... ഈ ഉപ്പാക്ക് വേണ്ടി നീയ്യും ഉമ്മയും എപ്പോഴും ദുആ ചെയ്യണം....;'' എന്നൊക്കെ........

ഇനി കേരളത്തിലെ കുടുംബസ്ഥരല്ലാത്ത ചെറുപ്പക്കാരായ എന്‍റെ മുസ്ലിം സഹോദരന്മാരോട് എനിക്കൊന്നു പറയാനുണ്ട്... നോക്കൂ നിങ്ങള്‍ ഇന്ന് ഏറ്റവും ഭാഗ്യം ചെയ്തവരാണ്‌.... കുടുംബത്തിന്റെ കൂടെ ഈ പെരുന്നാള്‍ കൂടാനും അവരോടൊപ്പം ആ നല്ല ദിനം ആഘോഷിക്കാനും കഴിഞ്ഞതില്‍.... മറ്റൊന്ന് ഓര്‍ക്കുക... ഈ ലോകത്ത്‌ മനുഷ്യന് അത്യാവിശ്യം, ആവശ്യം, അനാവശ്യം എന്നീ കാര്യങ്ങള്‍ ഉണ്ട്.... അത്യാവശ്യമാണ് ആണ് എന്ന തോന്നുന്ന കാര്യങ്ങള്‍ മാത്രം ജീവിതത്തില്‍ ചെയ്യാന്‍ ശ്രമിക്കുക.... ദൂര്‍ത്ത് ജീവിതത്തില്‍ നിന്ന് ഒഴിവാക്കാന്‍ എപ്പോഴും ശ്രമിക്കുക.... അതുപോലെത്തന്നെ ആവശ്യമാണ് എന്ന് തോന്നുന്നതെങ്കില്‍ മാത്രം ആവശ്യമുള്ളത് ചെയ്യുക.... നാട്ടുകാരും കൂട്ടുകാരും എന്തുതന്നെ പറഞ്ഞാലും അതില്‍ ഒന്നും വഴിപ്പെടാതെ നമ്മുടെ കുടുംബത്തിന്റെ നന്മ മാത്രം മുന്നില്‍ കണ്ട്കൊണ്ട് ജീവിതം മുന്നോട്ട് നയിക്കുക.... എപ്പോഴും ഓര്‍ക്കണം ''കരയുമ്പോള്‍ കൂടെ കരയാന്‍ നമ്മളും നമ്മുടെ നിഴലും മാത്രമേ ഉണ്ടാകൂ എന്നും ചിരിക്കുമ്പോള്‍ മാത്രമേ ഇപ്പറഞ്ഞ നാട്ടുകാരും കൂട്ടുകാരും ഒക്കെ ഉണ്ടാകൂ എന്നുള്ളതും''......

പിന്നെ അനാവശ്യം....

ചെയ്യരുത് എന്ന് ഞാന്‍ വീണ്ടും വീണ്ടും നിങ്ങളോട് അപേക്ഷിക്കുന്നു... കൂട്ടുകാരുമൊത്ത്‌ ബാറില്‍ പോയി മദ്യപിക്കുക, അതുമല്ലെങ്കില്‍ പണം വച്ച് ചൂതാട്ടം നടത്തുക, ശരീരം പണത്തിന് വേണ്ടി കാഴ്ച്ചവക്കുന്ന സ്ത്രീകളെ പ്രാപിക്കാന്‍ പോകുക.... അരുത് പ്ലീസ്.... നമ്മുടെ അടുത്ത തലമുറകള്‍ ഇതെല്ലം കാണുന്നുണ്ട്... ഇന്ന് നമ്മള്‍ ചെയ്യുന്നതെന്താണോ അത് നമ്മളുടെ മക്കള്‍ കണ്ട് പഠിച്ച് ആ പാത പിന്തുടര്‍ന്നാല്‍ പട്ടിണി കിടന്നും ത്യാഗം സഹിച്ചും ഇന്ന് ഇസ്ലാം എന്ന മതം ലോകത്തിന് നല്‍കിയ ആ റസൂലിനെയും ആദ്യേഹത്തിന്റെ അനുയായികളെയും അവഹേളിക്കുന്നതിന് തുല്യമല്ലേ അത്??... അത് മറക്കരുത്.....ഈ മനുഷ്യജന്മം എത്ര മനോഹരമാണ് അല്ലേ?.. അപ്പോള്‍ ആ ജന്മത്തില്‍ മനുഷ്യനായി ജീവിക്കാന്‍ ശ്രമിക്കുക.... മനുഷ്യനായി ജനിച്ച് മൃഗതുല്യമായ ജീവിതം നയിക്കാതെ നോക്കാന്‍ എപ്പോഴും ശ്രമിക്കുക......

നിങ്ങള്‍ക്കറിയാം ഒരു ഉപ്പയുടെയും മകന്‍റെയും മുന്നില്‍ ദൈവം മനുഷ്യനില്‍ കര്‍മ്മത്തിന്റെയും ധര്‍മ്മത്തിന്‍റെയും പ്രാധാന്യം എന്താണ് എന്ന് കാണിച്ചു കൊടുത്ത ആ സുദിനത്തിലൂടെയാണ് നമ്മള്‍ ഇപ്പോള്‍ പോയിക്കൊണ്ടിരിക്കുന്നത്... ആ ദിനത്തില്‍ ധര്‍മ്മത്തില്‍ ഉറച്ച് നിന്ന് കര്‍മ്മം ചെയ്യാന്‍ നിങ്ങളോടു ഞാന്‍ ഉത്ഘോഷിക്കുന്നു.... അന്യമതസ്ഥരെയും അവര്‍ ആരാധിക്കുന്ന മതത്തെയും എന്നും എപ്പോഴും സ്നേഹിക്കുകയും ആദരിക്കുകയും ചെയ്യണം എന്ന് പറഞ്ഞ നമ്മുടെയെല്ലാം ഹൃദയമായ റസൂലിനെയും ഇവിടെ ഞാന്‍ സ്മരിക്കട്ടെ.......

എന്‍റെ എല്ലാ കൂടപ്പിറപ്പുകള്‍ക്കും വീണ്ടും ഒരു ബലിപെരുന്നാള്‍ കൂടി ആശംസിച്ച് ഞാന്‍ ഇവിടെ ഉപസംഹരിക്കട്ടെ.....

നിങ്ങളുടെ കൊച്ചനുജന്‍,

വിരല്‍ത്തുമ്പ്.

പെണ്‍ഗാന്ധിക്ക് സ്വാഗതം....

സത്യം എന്നാല്‍ അത് വെളിച്ചം ആണ്....അതെത്ര കൈക്കുള്ളില്‍ ഒളിപ്പിച്ചാലും മുറിക്കുള്ളില്‍ അടച്ചിട്ടാലും ഒരു കാലത്ത് ഏത് അന്ധകാരത്തേയെല്ലാം അതിജീവിച്ച് അത് പുറത്ത് വരും....പട്ടാളഭരണത്താല്‍ അടിച്ചമര്‍ത്തപ്പെട്ട ഒരുജനതയുടെ സ്വാതന്ത്ര്യത്തിന് വേണ്ടി പതിനഞ്ചുവര്ഷം സ്വന്തം ജീവിതം ഹോമിച്ച ആങ്ങ്‌ സാന്‍ സ്യൂച്ചിയെ ഇക്കഴിഞ്ഞ ശനിയാഴ്ച വീട്ടുതടങ്കലില്‍ നിന്നും മ്യാന്‍മാര്‍ ഭരണകൂടം മോചിപ്പിച്ചു....1991ല്‍ നോബല്‍ സമ്മാന ജ്യെത്രിയുമായ ഇവര്‍ 1989 ജൂലൈ 20 മുതല്‍ വീട്ടുതടങ്കലിലാക്കിയ ഇവരുടെ മനശക്തിയെ തോല്പിക്കാന്‍ കഴിയാതെ മ്യാന്‍മാര്‍ പട്ടാള സര്‍ക്കാര്‍ ഇവരുടെ മുന്നില്‍ മുട്ടുമടക്കി എന്ന് പറയുമ്പോള്‍ ലോകത്താകമാനം ഉള്ള സ്ത്രീകള്‍ക്ക് ഇതൊരു അഭിമാനിക്കാനുള്ള അവസരമല്ലേ?...

ജനാധിപത്യത്തിനു വേണ്ടി ഗാന്ധിയന്‍ ശൈലിയില്‍ പോരാടിക്കൊണ്ടിരിക്കുന്ന ഇവര്‍ ഗാന്ധിയുടെ അഹിംസ തത്വത്തില്‍ വളരെ ആകൃഷ്ടരായിരുന്നത്രേ.... നമ്മുടെ രാഷ്ട്രപിതാവിന്റെ ശൈലികള്‍ സ്വതന്ത്രത്തിനു വേണ്ടി മറ്റൊരു രാഷ്ട്രത്തിന്‍റെ പ്രധമവനിത പിന്തുടരുന്നു എന്ന് പറയുമ്പോള്‍ ഭാരതാംബയുടെ ഉദരത്തില്‍ പിറന്ന ഞാനും നിങ്ങളും എത്ര ഭാഗ്യം ചെയ്തവരാ...അല്ലെ?....ഒന്നുമില്ലേലും ഇന്ന് നമുക്കും നമ്മുടെ കൂടപ്പിറപ്പുകള്‍ക്കും തോക്കുകളുടെ നിഴലില്ലാതെ എവിടെയും സഞ്ചരിക്കാനുള്ള അവസ്ഥ ആ രാഷ്ട്രപിതാവായിട്ട് ഉണ്ടാക്കിത്തന്നില്ലേ..... അതിന് ആ മഹാത്മാവിനോട് എത്ര നന്ദി പറഞ്ഞാലാ തീരുക....

മോചിക്കപ്പെട്ട ഇവര്‍ മ്യാന്‍മാറിലെ ജനങ്ങളെ അഭിസംബോധന ചെയ്ത് കൊണ്ടു പറഞ്ഞ വാക്കുകള്‍ ആരെയും വികാരാധീനനാക്കുന്ന ഒന്നായിരുന്നു... ''നമ്മള്‍ ഒന്നിച്ച് പ്രവര്‍ത്തിക്കും... സ്വന്തം നാടിന് വേണ്ടി നമുക്ക് ഒന്നിച്ച് പോരാടാം''... കണ്ണീരോടെയാണ് മ്യാന്മാര്‍ സമൂഹം ആ വാക്കുകള്‍ ഏറ്റുവാങ്ങിയത്.... തകര്‍ന്ന്‍ കിടക്കുന്ന ആ ജനതയെ അവരുടെ കൈകളാല്‍ സ്വാതന്ത്ര്യം നേടിക്കൊടുക്കാന്‍ കഴിയട്ടെ എന്ന് നമുക്കും ഈ നിമിഷത്തില്‍ പ്രാര്‍ത്ഥിക്കാം........

ഇനി നീ എന്‍റെതല്ല.....

പ്രേയസിയാക്കുവാന്‍ ഒരുപാടു മോഹിച്ചു.....
എന്‍റെ പ്രാണന്‍ നിനക്കായ് ഞാന്‍ നേദിച്ചു......
എന്‍ മനമാം ഗോപുരത്തില്‍ നിന്നെ ഞാന്‍ പ്രതിഷ്ടിച്ചു.....
പ്രണയദിനത്തില്‍ എന്‍റെ പ്രണയമെന്ന ലാവ നിന്‍ മരുവില്‍ ഞാന്‍ ഒഴുക്കി....
നിന്നോടുള്ള എന്നിലെ സ്നേഹം സ്വാര്‍ത്മായിരുന്നു.....
ആ സ്നേഹം ശിവലിംഗങ്ങളെക്കാള്‍ ദൃഡമായിരുന്നു....
കടല്‍ത്തിരകളെക്കാള്‍ ശക്തിയുണ്ടായിരുന്നു......
എന്നിട്ടും നീ എന്നെ തിരിച്ചറിഞ്ഞില്ലല്ലോ.......

ഇനി നീ എന്റേതല്ല.....
ഇനി നീ എന്റേതല്ല.........
പാനപാത്രത്തില്‍ എന്‍റെ രക്തത്തുള്ളികള്‍ നിനക്കായ്‌ ഇനിയില്ല.....
സഖീ കാണാം ഇനി അടുത്ത ജന്മത്തില്‍.....
ഇനിയൊരു ദേവജന്മം എനിക്ക് ഭവാന്‍ തരുമെങ്കില്‍......

അങ്ങാടി തോറ്റതിന് അമ്മയോടോ!!......

അന്ന് നാലാം ക്ലാസില്‍ പഠിക്കുമ്പോള്‍ എന്‍റെ നിഷ്കളങ്കമായ പ്രേമാഭ്യര്‍ത്ഥന നിരസിച്ച സജ്ന എന്ന സുന്ദരിയുടെ ഭാഗില്‍ അവളറിയാതെ ചീഞ്ഞ മുട്ട ഇട്ട് പൊട്ടിച്ച് നാറ്റിച്ച ചരിത്രം ആണ് എനിക്കുള്ളത്.. കാലം കഴിഞ്ഞ് ഇപ്പോള്‍ രണ്ട് കുട്ടികളുടെ തള്ളയായ അവളെ ഞാന്‍ കഴിഞ്ഞ പ്രാവശ്യം നാട്ടില്‍ പോയി കണ്ടപ്പോള്‍ പ്രതികാരമുട്ടക്കഥയുടെ രഹസ്യം 17 വര്‍ഷങ്ങക്ക് ശേഷം വെളിപ്പെടുത്തിയതില്‍പിന്നെ എന്നെക്കണ്ടാല്‍ അടുക്കളയില്‍ നിന്ന് ചൂല് എടുത്ത്‌ കൊണ്ടുവന്ന് കയ്യില്‍വച്ചേ ഇപ്പോള്‍ അവളെന്നോട് സംസാരിക്കാറുള്ളൂ.....എന്‍റെ അവസ്ഥ അപ്പോള്‍ എങ്ങിനെയായിരുന്നോ അതുപോലത്തന്നെയാണ് ഇപ്പോള്‍ നമ്മുടെ അമേരിക്കയുടെ അവസ്ഥയും....കഴുത്ത് മുറിച്ച് അപ്പുറത്തേക്ക് മാറ്റിവച്ചാലും വീണ്ടും കൂടുന്ന ഫിഡല്‍കാസ്ട്രോയുമായി 60 വര്‍ഷത്തില്‍ കൂടുതല്‍ കാലം ശീതസമരത്തില്‍ മുഴുകുന്ന അമേരിക്കയോട് എനിക്കൊന്ന് ചോദിക്കാനുണ്ട്.... ഉളുപ്പില്ലേ ഇനിയും നിങ്ങള്‍ക്ക്?.. അങ്ങാടി തോറ്റതിന് അമ്മയോടോ????.....

ഞാനൊരു കമ്യൂണിസ്റ്റ്കാരന്‍ ആണോ അല്ലയോ എന്നൊരു ചോദ്യത്തിന് ഇപ്പോള്‍ പ്രസക്തിയില്ലെങ്കിലും, ഇന്ന് കേരളത്തില്‍ ഞാന്‍ ഏറ്റവും സ്നേഹിക്കുന്ന കമ്യൂണിസ്റ്റ് നേതാവാണ് സഖാവ് ഇ എം എസ് നമ്പൂതിരിപ്പാട്. സഖാവ് നായനാരെ വിസ്മരിക്കുന്നുണ്ടെങ്കിലും ഇന്ന് കേരളം കണ്ട ജനപ്രിയ മുഖ്യമന്ത്രിമാരില്‍ ശ്രദ്ദേയനായ വ്യെക്തിയായിരുന്നു സഖാവ് ഇ എം എസ്.....മണ്‍മറഞ്ഞ് പോയ ആ നായകന് ശേഷം കോമാളിവേഷം കെട്ടി ആ സീറ്റില്‍ മുഖ്യമന്ത്രി എന്ന പേരില്‍ പലവരും വിലസിയിട്ടുണ്ടങ്കിലും, കേരളത്തിലെ ജനങ്ങള്‍ക്ക്‌ വേണ്ടി എന്തെങ്കിലും ഒക്കെ ചെയ്യാന്‍ കഴിഞ്ഞിട്ടുള്ളത് അത് ആദ്യേഹത്തിന് മാത്രമാണ് എന്ന് ഞാന്‍ ഇവിടെ വിസ്മരിക്കട്ടെ.... അദ്യേഹം എഴുതിയിട്ടുള്ള പലബുക്കുകളും വായിക്കാനിടയായ എനിക്ക് തോന്നിയിട്ടുള്ളത്‌ സാമ്രാജ്യത്വശക്തികളെ എന്നും എതിര്‍ത്തു പോന്നിരുന്ന ആദ്യേഹത്തിന് ക്യൂബയുടെ പ്രിയ നേതാവ് കാസ്ട്രോയുടെ ആശയങ്ങളുമായി ചെറുതൊന്നുമല്ലാത്ത സാമ്യമില്ലേ എന്ന്..... അങ്ങിനെയാണെങ്കില്‍ ആരാണ് ഈ കാസ്ട്രോ?...

സാമ്രാജ്യത്വശക്തികളായ ബ്രിട്ടന്റെയും അമേരിക്കയുടെയും മുമ്പില്‍ മുട്ട് മടക്കാത്ത ഒരുവന്‍ അതുകൊണ്ട് തന്നെ ആ അമേരിക്കയുടെ ഏറ്റവും വലിയ ശത്രുവും ഇന്നും കണ്ണിലെ കരടും ആയ ക്യൂബയുടെ കമ്യൂണിസ്റ്റ് പാര്‍ട്ടിയുടെ പിതാവും മുപ്പത് വര്‍ഷത്തില്‍ കൂടുതല്‍ പ്രസിഡന്റ് ആയിരുന്ന ക്യൂബയുടെ ജനനായകന്‍ ആണ് ഫിഡെല്‍കാസ്ട്രോ...പൊതുവേ അമേരിക്കക്കാര്‍ക്ക് കമ്യൂണിസ്റ്റ്കാര്‍ എന്നാല്‍, ചെകുത്താന് കുരിശ് എങ്ങിനെയാണോ അതുപോലെയാണ്.... അമേരിക്ക ഏകദേശം 600 തവണ കൊല്ലാന്‍ ശ്രമിച്ചിരുന്നത്രേ ഈ കാസ്ട്രോയെ... പക്ഷെ എന്തോ ഈശ്വരന്‍ വലിയവനാണല്ലോ!!.... പലപ്പോഴും നലനാരിഴക്കാണു ദൈവവിശ്വാസം ഇല്ലാത്ത കാസ്ട്രോയെ പുള്ളിക്കാരന്‍ രക്ഷപ്പെടുത്തിയിരുന്നത്..തൊട്ടപ്പുറത്തെ വേലിക്ക്‌ പുറത്ത് നില്‍ക്കുന്നവനെ കൊല്ലാന്‍ കഴിയാത്ത അമേരിക്കയാണ് ഇന്ന് അഫ്ഗാനില്‍ മലമുകളില്‍ എവിടെയോ കഴിയുന്നു എന്ന് പറയപ്പെടുന്ന ലാദന്‍ചേട്ടനെ പിടിക്കാന്‍ വലവീശി നടക്കുന്നത്....ഉവ്വ് ഉവ്വേ!!കുറച്ച് പുളിക്കും.....

ഇക്കഴിഞ്ഞ വ്യാഴാഴ്ച ഞാന്‍ ഏറെ പ്രിയപ്പെട്ടിരുന്ന ഗൈമായ കാള്‍ ഓഫ് ഡ്യൂട്ടിയുടെ പുതിയ വേര്‍ഷന്‍ ഇറങ്ങുകയുണ്ടായി...ഇറങ്ങിയ എല്ലാ വെര്‍ഷനും കംബ്ലീറ്റ്‌ ചെയ്തിട്ടുള്ള എനിക്ക് പട്ടാളഗയിംസ് എന്നാല്‍ അത് കാള്‍ ഓഫ് ഡ്യൂട്ടി തന്നെയാണ്.. ബെര്‍ലിനും സ്റ്റാലിന്‍ഗാഡും പിടിച്ചടക്കുമ്പോള്‍ ഒരു രാഷ്ട്രത്തെ തോല്‍പ്പിക്കുന്ന പ്രതീതി...ഹൊ!!!!... അങ്ങിനെ മനസ്സില്‍ മോഹം കൊണ്ടാണ് എട്ട് ജിബി വരുന്ന ഈ സാധനം ടോറന്റില്‍ നിന്നും ഡൌണ്ലോഡ് ചെയ്തത്.... ഇന്സ്ടാല്‍ ചെയ്തു നോക്കി ഗിമിന്റെ ഒബ്ജക്റ്റ് കണ്ട ഞാന്‍ ഞെട്ടി കുരിശു വരച്ചു പോയി.... മാതാവേ!!! ക്യൂബന്‍ നേതാവ് കാസ്ട്രോയുടെ കൊല്ലപ്പെടലില്‍ ആണ് ഗയിം അവസാനിക്കുന്നത്....എന്തായിത്?.... കഴിഞ്ഞകാല ചരിത്രങ്ങളെ ആസ്പദമാക്കി ഉണ്ടാക്കിയ ഒന്നാണ് ഇതെങ്കില്‍ നമുക്ക് ഉള്‍കൊള്ളാന്‍ കഴിയും.. ഇത് ജീവിച്ചിരിക്കുന്ന ഒരാള്‍, അതും ഇതുണ്ടാക്കിത്തന്ന അമേരിക്കയുടെ മുഖ്യശത്രുവിനെ കൊല്ലാന്‍ വേണ്ടിയും... എഫ് ബി ഐ എന്ന പ്രസ്ഥാനം നീലച്ചിത്രങ്ങള്‍ നോക്കി വെള്ളമിറക്കി സെന്‍സര്‍ ചെയ്യുന്ന സമയത്ത്‌ ഇത് ചിലപ്പോള്‍ സെന്‍സര്‍ ചെയ്യാന്‍ മറന്നതാവാം ഒരു പക്ഷെ!!!....ആ ഗൈമിന്റെ സെന്‍സര്‍ ചെയ്യാത്ത പ്രസക്തഭാഗങ്ങള്‍ താഴെകൊടുക്കുന്നു.....

">

ഇനി എന്തോരോക്കെ ആണെങ്കിലും അമേരിക്ക ഇപ്പണി ചെയ്തത് തന്തയില്ലായ്മത്തരം ആയിപ്പോയി എന്നാണു എനിക്ക് പറയാനുള്ളത്... ലോകത്താകമാനം ഗയിം പ്രേമികള്‍ കളിക്കാന്‍ താല്പര്യപ്പെടുന്ന ഒരു ഗയിം.. അത് സ്വന്തം താല്പര്യങ്ങള്‍ക്ക് വളച്ചൊടിക്കാന്‍ ശ്രമിക്കുക,,അമേരിക്കയിലെയും ലോകത്തിലെയും ഇപ്പോഴുള്ളതും ഇനി വരാനിരിക്കുന്നതും ആയ തലമുറയ്ക്ക് കാസ്ട്രോ എന്നാല്‍ ഇതുവരെ ലോകം കണ്ട ഏറ്റവും വലിയ നികൃഷ്ട ജീവിയെന്നു പുതുതലമുറയില്‍ കുത്തിവക്കാന്‍ ശ്രമിക്കുക.... കഷ്ടം... എന്തായാലും ഞാന്‍ ഈ ഗയിം ബഹിഷ്കരിച്ചു കഴിഞ്ഞു....ഇന്നിവന്‍ കാസ്ട്രോയെ വച്ച് ഗയിം എടുത്താല്‍ നാളെ ഇവനൊക്കെ നമ്മുടെ രാഷ്ടപിതാവായ ഗാന്ധിജിയെ വച്ച് ഫ്രീഡംഗയിം എന്നപേരില്‍ ഉണ്ടാക്കിയെടുക്കില്ല എന്നാരു കണ്ടു....അപ്പോഴും ക്യൂബക്ക് മുന്നില്‍ തോറ്റു വളിച്ചു നില്‍ക്കുന്ന അമേരിക്കയോട് എനിക്ക് ഒന്നേ ചോദിക്കാനുള്ളൂ....""അങ്ങാടി തോറ്റതിന് അമ്മയോടോ?''''.......

ഡ്യൂബ്ലിക്കെറ്റ് ഗാന്ധി....

ഹോ!! ഇപ്പോഴും വിശ്വസിക്കാന്‍ കഴിയുന്നില്ല....വീണ്ടും വീണ്ടും നുള്ളിനോക്കി...അതെ സത്യമാണ്!!.... ദേ നോക്കൂ എനിക്ക് രോമാഞ്ച്ത്തില്‍ നിന്നും ഇപ്പോഴും മുക്തി നേടാന്‍ കഴുയുന്നില്ല... സത്യായിട്ടും!!.. അല്ലെങ്കില്‍ നമ്മുടെ കൃഷിമന്ത്രി അങ്ങനെ പറയാതിരിക്കണം.. മീഡിയയെല്ലാം കവര്ചെയ്ത സ്ഥിതിക്ക് 'ഞാന്‍ നിഷേധിക്കുന്നു' എന്നൊന്നും ഇനി പുള്ളിക്ക് പറയാന്‍ പറ്റില്ല... ഇനി എന്താണ് പറഞ്ഞത് എന്നല്ലേ?.....'' എന്റൊസള്‍ഫാന്‍ നിരോധിച്ചിട്ടു മതി കേന്ദ്രത്തില്‍ നിന്നും ഉള്ള പഠനം എന്ന്'' നിങ്ങള്‍ പറയൂ നമ്മുടെ കേരളത്തില്‍ ഇത്രയും കാലം ഈ കീടനാശിനി കൊണ്ട് ദുരിതം അനുഭവിക്കുന്ന ജനങ്ങള്ക്ക് ‌ വേണ്ടി എതെങ്കിലും മന്ത്രിമാര്‍ ഇതുപോലെ ഒരു പ്രസ്താവന ഇറക്കിയിട്ടുണ്ടോ?.....അപ്പൊ ഇത്രയും ജനങ്ങള്ക്ക് മുന്പില്‍ ഈ ഗഡി ആരായി?.അടുത്ത നോബല്‍മ്മാനം കിട്ടാന്‍ വേണ്ടി നമ്മുടെ കൃഷിമന്ത്രിയെ നോമിനേറ്റ് ചെയ്യാന്‍ എന്റെ എല്ലാ സഹോദര ബ്ലോഗര്‍മാരോട് ഞാന്‍ വിനീതമായി അഭ്യര്ത്ഥിക്കുന്നു...അടുത്ത നമ്മുടെ ഗാന്ധിയാ....അത് മറക്കരുത്....

എന്റോസള്‍ഫാന്‍ മാരകമായ വിഷമുള്ള കീടനാശിനി ആണെന്നും അത് നിരോധിച്ചിട്ട് മതി ഇനി പഠനം എന്നൊക്കെ പറഞ്ഞപ്പോള്‍ എനിക്ക് ചോദിക്കാനുള്ളത് ഇന്നലെവരെ ഈ പുള്ളി കേരളത്തില്‍ ഉണ്ടായിന്നില്ലേ എന്നാണു?...ഇന്നലെവരെ ഈ സാധനം ജനങ്ങള്‍ക്ക് സബ്‌സിഡി ഇനത്തില്‍ നല്കിപ്പോന്നിരുന്ന അമൃതായിരുന്നോ?..കഷ്ടം!!! മന്ത്രി ഒന്ന് മനസ്സിലാക്കണം... ഇത് മാരക വിഷമാണെന്നും ഗര്‍ഭസ്ഥശിശുവിന്റെ ജീവനുവരെ അപകടകരമായ ഒന്നാണെന്നും മറ്റും ഇലക്ഷന്‍ സമയത്ത്‌ ദൈവങ്ങള്‍ എന്ന് വിശേഷിപ്പിക്കുകയും അല്ലാത്തപ്പോള്‍ കഴുതകള്‍ എന്നും അഭിസംബോധന ചെയ്യുന്ന പൊതുജനം നിങ്ങളൊക്കെ കരുതുന്നതുപോലെയുള്ള വിഡ്ഢികളല്ല എന്ന്....ഇത് ഇന്ത്യയിലെ ജനങ്ങള്ക്ക് തീര്ത്തും ഹാനികരമാണ് എന്നതില്‍ സംശയമില്ല. പിന്നെ നിങ്ങള്‍ പറയുന്ന ഈ പഠനം എന്തിനാണ് എന്ന് എനിക്കിപ്പോഴും മനസ്സിലാകുന്നില്ല....ഇന്ന് കേരളത്തിലെ ഞങ്ങളെപ്പോലെയുള്ള ബ്ലോഗര്‍മാര്‍ മാത്രം വിചാരിച്ചാല്‍ നന്നാവുന്നതല്ല കേരളരാഷ്ട്രീയം എന്ന് ഉത്തമബോദ്യം എനിക്കുണ്ട്...എന്നാലും വീണ്ടും ഒരു മാവേലിനാട് ആകാന്‍ വേണ്ടി പലപ്പോഴും ഞങ്ങളൊക്കെ മനസ്സറിഞ്ഞ് പ്രാര്‍ഥിക്കാറുമുണ്ട്...

ലോകത്താകമാനം ഈ കീടനാശിനി ഉപയോഗിക്കുന്നത് നിരോധിച്ചിട്ടുള്ളതാണ്...ഇന്ത്യ കുതിക്കുന്നു, പായുന്നു എന്നൊക്കെ പറയുമ്പോള്‍ ഇപ്പറഞ്ഞതില്‍ മാത്രം ഇന്ത്യ മറക്കുന്നു, ഉറങ്ങുന്നു എന്നോക്കയാവാം!!!... അല്ലെങ്കിലും ഇന്ത്യ പിന്നെ വേസ്റ്റുകള്‍ കൊണ്ട് തള്ളാവുന്ന റീസൈക്കിള്‍ ബിന്നാണല്ലോ.... ഇവിടുത്തെ രാഷ്ട്രീയക്കാരോ, അതിനൊക്കെ പറ്റിയ നല്ല മാര്‍ക്കറ്റിംഗ് എക്സിക്യുട്ടീവുകളും ....ഇപ്പോഴും ഇപ്പറഞ്ഞ സാധനം നമ്മള്‍ പൂര്ണ്ണയമായും നിരോധിച്ചിട്ടില്ല എന്ന് പറയുമ്പോള്‍ ഇവിടുത്തെ രാഷ്രീയബുജികള്ക്ക് ജനങ്ങള്ക്ക് ‌ മുന്പില്‍ എന്ത് പ്രതിബദ്ധതയാണ് ഉള്ളത്?...ഇവിടെയാണ് നമ്മള്‍ മറ്റുള്ള രാഷ്ട്രങ്ങളെ അഭിനന്ദിക്കുന്നത്....അവരൊക്കെ അവരുടെ രാഷ്ട്രങ്ങളുടെ ജനങ്ങള്ക്ക് ഉപകാരപ്രദമായ കാര്യങ്ങള്‍ ചെയ്യുമ്പോള്‍, ഇവിടെ സ്വന്തം പാര്ട്ടി യെ എങ്ങനെ വളര്ത്താം എന്ന തന്ത്രപ്പാടിലാണ് രാഷ്ട്രീയമേലാളന്മാര്‍....

ഈ കീടനാശിനിയെക്കുറിച്ചുള്ള റിപ്പോര്‍കള്‍ സമര്പ്പിച്ചും, ഉന്നതര്‍ക്ക് മുന്പില്‍ ആഫ്റ്റര്‍ ഇഫക്റ്റ്‌ കാണിച്ചു കൊടുത്തു നമ്മളൊക്കെ.. എന്നിട്ട് എടുത്ത തീരുമാനമോ, തഥൈവ... ഇവിടെ കൃഷിമന്ത്രി അമറാന്‍ കാരണം എന്താണെന്ന് എനിക്കറിയാം ....ഇന്ന് കേരളത്തിന് സ്വന്തമായി കൃഷിമന്ത്രിയൊക്കെ ഉണ്ടെങ്കിലും കൃഷി ചെയ്യപ്പെട്ടതൊക്കെ ഇപ്പോഴും വരുന്നത് അന്യസംസ്ഥാനങ്ങളില്‍ നിന്നാണ് എന്നൊക്കെ നമുക്ക് അറിയാം... ഇങ്ങനെ വരുന്ന പച്ചക്കറികളില്‍ 80%ഉം വിഷം കലര്‍താനെണെന്നു തെളിഞ്ഞിട്ടുമുണ്ട്... അപ്പോള്‍ ഈ എന്റൊസള്‍ഫാന്‍ തിന്നുന്നതാരാ...നമ്മളുതന്നെ!!! കാരണം തമിഴ്‌നാട്‌ ഇപ്പറഞ്ഞതൊക്കെ അവിടെ ആര്മ്മാദിച്ചാണ് ഉപയോഗിക്കുന്നത്......നോക്കിക്കോളൂ നമുക്ക് ശേഷം ഉണ്ടാകുന്ന തലമുറകള്‍ ഇനി ഒരുപക്ഷെ തല കൂടുതല്‍ വളര്‍ന്നതും അല്ലങ്കില്‍ രണ്ട് കാല് കൂടുതല്‍ ഉള്ളവരും ഒക്കെയാകാം.....ഇനിയെങ്കിലും രാഷ്ട്രീയക്കാര്‍ ഒന്ന് മനസ്സിലാക്കിയാല്‍ നന്ന്... പണ്ട് തീപ്പൊരി പ്രസംഗങ്ങള്‍ നടത്തിയും വിപ്ലവഗാനങ്ങള്‍ കേള്പ്പിച്ചും ജനങ്ങളെ കയ്യിലെടുത്തു എങ്കില്‍, ഇന്ന് ബുദ്ധിയുള്ള കേരളത്തിലെ കുറച്ച് നല്ല ജനങ്ങള്ക്ക് ‌ മുന്പില്‍ ഇനി ഇവമ്മാര്‍ കുറചൊന്നല്ല വിയര്പ്പ് ഒഴുക്കേണ്ടി വരുക!!....

ഈ കീടനാശിനി കേരളത്തിന്റെ കുറച്ച് ഭാഗത്തെ മാരകമായ പ്രശ്നമുണ്ടാക്കുന്നുള്ളൂ... എന്നാല്‍ മൂന്നരലക്ഷം ജനങ്ങള്ക്ക് ഭീഷണി ആയ മറ്റൊന്നുണ്ട് ഇന്ന് കേരളത്തിന്‍റെ മറുഭാഗത്ത്.... മുല്ലപ്പെരിയാര്‍ അണക്കെട്ട്... അതിന് ഇനിയിപ്പോ ഈ ഗാന്ധിയങ്കിള്‍ ഇങ്ങനെ പറയാതിരുന്നാല്‍ മതിയായിരുന്നു...'' പറ്റില്ല പറ്റില്ല ഡാം പൊട്ടട്ടെ എന്നിട്ട് മതി ഇനിയൊരു പുനരന്യേഷണം....'' എന്ന്!!!!!

ചോരയുടെ വില...

പട്ടാമ്പി കോളേജില്‍ പ്രീഡിഗ്രിക്കു പഠിക്കുന്ന സമയത്ത്‌ NCC സിലക്ഷന്‍ കിട്ടിയപ്പോള്‍ മനസ്സില്‍ എന്‍റെ രാഷ്ട്രത്തിനെ സേവിക്കാന്‍ ഭാവിയില്‍ തനിക്ക് കഴിയുമല്ലോ എന്നൊരു സന്തോഷം ഉള്ളില്‍ ഉണ്ടായിരുന്നു.... എന്നാല്‍ മാതാശ്രീയുടെ സമയോജിതമായ ഇടപെടല്‍മൂലം എനിക്ക് അതിനു കഴിഞ്ഞില്ല എന്ന് മാത്രമല്ല ഇന്നിപ്പോ മറ്റൊരു രാഷ്ട്രത്തിന് വേണ്ടി ഞാന്‍ സേവനം അനുഷ്ടിച്ചു കൊണ്ടിരിക്കുകയും ചെയ്യുന്നു...അന്നൊക്കെ കാര്‍ഗില്‍ യുദ്ദം നടക്കുന്ന സമയത്ത്‌ പട്ടാളക്കാര്‍ നമ്മുടെ നാടിനു വേണ്ടി വീരമൃത്യുവരിച്ച കഥകളും ടൈഗര്‍ ഹില്‍സ് കീഴടക്കിയ സംഭവങ്ങളും ഉമ്മാക്ക് പത്രം വായിച്ച് കേള്‍പ്പിച്ച് കൊടുക്കുമ്പോള്‍ എന്‍റെ NCC പ്രേമം വീണ്ടും ഞാന്‍ ഓര്‍മിപ്പിക്കുമായിരുന്നു.അപ്പോഴൊക്കെ ഉമ്മ പറയുന്ന വാക്കുകള്‍ എനിക്ക് ഇപ്പോഴും ഓര്‍മയുണ്ട് ''നീ ഇവിടെ നില്ക്കുമ്പോളെന്നെ എനിക്ക് സമാധാനല്യ, ഇനി ആ നാട്ടില്‍ പോയിട്ട് എന്തെങ്കിലും ഒക്കെ സംഭവിച്ചാല്‍?.....എന്തായാലും ആ ജോലിയില്‍ നിന്ന് കിട്ടുന്ന വേദനം അത് നിന്‍റെ ചോരയുടെ വിലയാ..... അത് ഈ ഉമ്മാക്ക് വേണ്ട!!!.... ആ ഉത്തരത്തില്‍ എന്‍റെ ഉമ്മക്ക് മുന്നില്‍ ഞാന്‍ തോറ്റുപോയി....

ഇന്നും നമ്മുടെ രാഷ്ട്രത്തിന് വേണ്ടി സേവനം അനുഷ്ടിക്കുന്ന പട്ടാളക്കാര്‍ അനവധിയുണ്ട്.... ഇന്ത്യയുടെ ഇങ്ങേ തലക്കില്‍ നമ്മളൊക്കെ പുതച്ച് മൂടിക്കിടന്നുറങ്ങുമ്പോള്‍ ഇന്ത്യയുടെ അങ്ങേത്തലക്കില്‍ നമുക്കുവേണ്ടി ആ പാവങ്ങള്‍ ഉണര്‍ന്നിരിക്കുന്നു... എപ്പോഴെങ്കിലും ആ അവരെ നമ്മളൊക്കെ ഓര്‍ക്കാന്‍ ശ്രമിച്ചിട്ടുണ്ടോ?.. അതിര്‍ത്തിയില്‍ നിന്നും വന്ന ഒരു വെടിയുണ്ടയുടെ ബലത്തില്‍ തീര്‍ന്നു ദേശീയപതാകയില്‍ പൊതിഞ്ഞ് കൊണ്ടുവരുന്ന ആ നിര്‍ജീവ ശരീരത്തില്‍ ഒരു റീത്ത്‌ സമര്‍പ്പിച്ചതില്‍ പിന്നെ ആ മനുഷ്യനില്‍ മാത്രം ആശ്രയിച്ച് ജീവിച്ചിരുന്ന പാവപ്പെട്ട ഒരു കുടുംബത്തിന്റെയും മോഹങ്ങള്‍ നശിച്ച വിധവയായ ആ സ്ത്രീയുടെയും പിന്നീടുള്ള ജീവിതം എന്തായിട്ടുണ്ടാകാം എന്ന് ആരെങ്കിലും ചിന്തിച്ചിട്ടുണ്ടോ?... എന്നാല്‍ ഇപ്പോള്‍ ആ പാവങ്ങളുടെ ചോരയാണ് ഇന്ന് നമ്മുടെ മഹാരാഷ്ട്ര മുഖ്യമന്ത്രിയായിരുന്ന ഇപ്പോള്‍ രാജിവെച്ച ശ്രീമാന്‍ അശോക് ചവാന്‍ കുടിച്ചുകൊണ്ടിരിക്കുന്നത്.... കഷ്ടം!!.... പൊതുവേ കള്ളമ്മാരാണ് രാഷ്ട്രീയക്കാര്‍ എന്ന് കേട്ടിട്ടുണ്ട്.. പക്ഷെ പിച്ചച്ചട്ടിയില്‍ കയ്യിട്ടുവാരുന്ന രാഷ്ട്രീയക്കാരനെ ആദ്യമായിട്ടാണ് കാണുന്നത്.. മുന്‍പ് ഒരു ഫെര്‍ണാണ്ടസ് എന്ന ഏമാന്‍ ശവപ്പെട്ടിയില്‍ തിരുമറി നടത്തിയ അങ്കം നമ്മളെല്ലാവരും കണ്ട് മറന്നിട്ടില്ല....ഇപ്പോഴിതാ ആ മരിച്ച ധീരയോദ്ധാക്കളുടെ വിധവകള്‍ക്ക് താമസിക്കാന്‍ ഉണ്ടാക്കിയ ഫ്ലാറ്റുകള്‍ സ്വന്തം ബന്ധുക്കള്‍ക്ക് മറിച്ച് നല്‍കിയ കാരണത്താല്‍ വീണ്ടും ഒരു രാഷ്ട്രീയ അട്ട പിടിയിലായിരിക്കുന്നു....

മുംബെയിലെ കൊളാബയില്‍ കാര്‍ഗില്‍ രക്തസാക്ഷികളുടെ വിധവകള്‍ക്ക് വേണ്ടി നിര്‍മിച്ച കെട്ടിടങ്ങളാണ് ഈ ഹറാമി മറിച്ചു പതിച്ച് നല്‍കിയത്‌.... ഒരു റിയാലിറ്റിഷോയും ഇല്ലാതെതന്നെ കൂട്ടത്തില്‍ പട്ടാളമേധാവികള്‍ക്കും ഫ്ലാറ്റ്‌ പതിച്ചുകിട്ടി...
ഇവനെയൊക്കെ എന്ത് ചെയ്യണം? നിങ്ങള്‍ തന്നെ പറയണം..... ഒരു രാജിയില്‍ ഒതുക്കാന്‍ ആണ് കോണ്ഗ്രസ് ഇപ്പോള്‍ ശ്രമിച്ചുകൊണ്ടിരിക്കുന്നത്... നമുക്കെല്ലാം അറിയാം ഇതുപോലെ ഒരുപാട് ചോരട്ടകല്‍ വിഹരിക്കുന്ന പാര്‍ട്ടിയാണിപ്പോള്‍ ഇപ്പോള്‍ ഇന്ത്യന്‍ നാഷ്ണല്‍ കോണ്ഗ്രസ് എന്ന പാര്‍ട്ടി... ഇപ്പറഞ്ഞവിറ്റകളെ ജനങ്ങള്‍ക്ക്‌ മുന്‍പാകെ നിര്‍ത്തി പരസ്യമായ വിചാരണ നടത്തി വെടിവച്ചു കൊല്ലാന്‍ കഴിവുള്ള ഏതെങ്കിലും കോണ്ഗ്രസ് ബുജികള്‍ ഇന്ന് ഇന്ത്യാമഹാരാജ്യത്ത് ഉണ്ടോ എന്ന് ഞാന്‍ പരസ്യമായിട്ട് തന്നെ വെല്ലുവിളിക്കുന്നു.... അല്ലാതെ തട്ടുകടയിലേക്ക് ഓടിക്കയറി ദോശ തിന്നലും പാവങ്ങളുടെ യുഗപുരുഷനായി നടിച്ച് പരസ്യമായി കെട്ടിപ്പിടിച്ച് ഉമ്മവെക്കുകയും രഹസ്യമായി ഈ അഴുക്കൊക്കെ കളയാന്‍ ഡെറ്റോള്‍ വെള്ളത്തില്‍ കുളിക്കുകയും ചെയ്യുന്ന രാഹുലിനെപ്പോലുള്ളവരുടെ വോട്ട് കിട്ടാനുള്ള മാര്‍ക്കറ്റിംഗ് ആക്റ്റിവിറ്റികള്‍ ഇപ്പറഞ്ഞ കൊണ്ഗ്രസ്സിലെ നമുക്ക് കാണാന്‍ കഴിയൂ....ശരിക്കും ഇന്ത്യയില്‍ രാജഭരണം തന്നെയാണ് നടപ്പിലാക്കേണ്ടത് എന്നാണെന്റെ അഭിപ്രായം... കക്കുകയാണെങ്കില്‍ ഒരുത്തനല്ലേ കക്കൂ....

അതിഥി ദേവോ ഭവ.....

ഇന്ത്യക്കാരാണ് നാമെന്ന് അഭിമാനിക്കാനുള്ള ഒരു അവസരംകൂടി നമ്മുക്ക് വന്നണഞ്ഞിരിക്കുന്നു...നമ്മുടെ വീട്ടില്‍ വന്നു കയറുന്നവന്‍, അവന്‍ ശത്രുവോ മിത്രമോ ആരുമാകട്ടെ ആ അവനെ സ്വീകരിക്കാനുള്ള നല്ലൊരു മനസ്സ്. അത് ഇന്ത്യന്‍ സംസ്കാരത്തില്‍ അല്ലാതെ മറ്റെവിടെയും നമുക്ക് കാണാന്‍ കഴിയില്ല...അമേരിക്കയ്ക്കു വേണ്ടി എന്തെങ്കിലും ഒക്കെ ചെയ്യണം എന്ന് കരുതി അധികാരത്തില്‍ കയറി എന്നാല്‍ ആ അമേരിക്ക എന്ന രാഷ്ട്രത്തിന് വേണ്ടി ഒരു ചുക്കും ചെയ്യാന്‍ കഴിയാതെ നില്‍ക്കുന്ന ഒരു പ്രസിഡന്റ് ആണ് ബരാക് ഒബാമ.... ആ പുള്ളിയും പെണ്ണുമ്പിള്ളയും കെട്ടിപ്പെറുക്കി ഇപ്പൊ ഇന്ത്യയിലും വന്ന് കയറിയിട്ടുണ്ട്..മുടക്കം തെറ്റാതെ ബാങ്കുകള്‍ എല്ലാം പൂട്ടുന്നു , ദിനം പ്രതി അഫ്ഗാനിസ്ഥാനിലും ഇറാഖിലും അമേരിക്കന്‍ പട്ടാളക്കാര്‍ തീവ്രവാദികളുടെ കയ്യാല്‍ സിംബിളായി കൊല്ലപ്പെടുന്നു, അവരുടെയൊക്കെ പക്ത്നിമാര്‍ വിധവകളാകുന്നു, ഇതൊന്നും പോരാഞ്ഞ് ആ നാട്ടില്‍ പണിയെടുക്കുന്ന എന്നെപ്പോലെയുള്ള ഐ ടി ജീനിയസ്സുകളുടെ പണിപോയി ഇപ്പോള്‍ വായും പൊളിച്ച് ഇരിക്കുന്നു.... ഇതൊക്കെ നടമാടുന്ന നാട്ടില്‍ നിന്ന് വന്നവരാണ് നമ്മുടെ ഇന്ത്യയുടെ ഭാവിയെക്കുറിച്ച് ഇങ്ങനെ വ്യാകുലപ്പെടുന്നത് എന്ന് കേള്‍ക്കുമ്പോള്‍ ഈ വന്ന പ്രസിഡന്റ് ഒബാമക്കും അമേരിക്കന്‍ നയതന്ത്രക്ന്ജര്‍ക്കും ഉള്ള തൊലിക്കട്ടി എത്രയുണ്ടാകും എന്നൊന്ന് ആലോചിച്ച് നോക്കൂ....

ഇന്ത്യ വളര്‍ന്ന് കൊണ്ടിരിക്കുകയാണ്‌ എന്നത് അമേരിക്കയില്‍ നിന്ന് 800 കോടി ഡോളര്‍ മുടക്കി ഇവിടെ വന്ന്‍ മൈക്കിന്റെ മുന്നില്‍ നിന്ന് പറഞ്ഞു തരേണ്ട ആവശ്യം ഇപ്പറഞ്ഞ ഒബാമക്ക് ഇല്ല.... മറ്റെല്ലാ രാഷ്ടങ്ങളില്‍ നിന്നും ഇന്ത്യയെ വ്യത്യസ്തനായ ബാലനാക്കുന്നത് ഇന്ത്യ പലപ്പോഴും എടുക്കുന്ന ന്യൂട്രലായ തീരുമാനങ്ങളാണ്...അല്ലെങ്കില്‍ ഇന്ത്യയുടെ ഹൃദമായ താജിനെ ആക്രമിച്ചത് പാക്കിസ്താനിലെ തീവ്രവാദി സംഘടനകള്‍ക്കും പരോക്ഷമായി അതില്‍ പാകിസ്ഥാനും പങ്കുണ്ടെന്ന് പരസ്യമായി തെളിയിച്ചിട്ടും ഇപ്പറഞ്ഞ ഇന്ത്യ അവര്‍ക്കെതിരെ ഒരു യുദ്ധമുഖരിതമായ ഒരു തീരുമാനങ്ങളും കൈകൊള്ളുന്നില്ല എന്നത് എടുത്തുകാണിക്കേണ്ട ഒന്നാണ്.....ചരിത്രത്തിന്റെ താളുകള്‍ മറിച്ചു നോക്കിയാല്‍ നമുക്കൊക്കെ കാണാം,ഒരു കാലത്ത്‌ അമേരിക്കയുടെ പാദസേവക്കാരനായി അതുവഴി കുവൈറ്റ് എന്ന സമ്പന്ന രാഷ്രത്തെ പിച്ചിച്ചീന്തിയ ആ സദ്ദാമിന്‍റെ അവസ്ഥ .....
എന്നിട്ട് അവസാനം എന്തുണ്ടായി? എണ്ണപ്പാടം മുന്നില്‍ കണ്ട് ആ ഇറാഖിനെ ആക്രമിച്ച് ഇപ്പറഞ്ഞ സദ്ദാമിനെ കഴുമരത്തില്‍ കയറ്റിയില്ലേ ഈ അമേരിക്ക... ഇപ്പോഴും കാശ്മീര്‍ പ്രശ്നത്തില്‍ അമേരിക്കയുടെ മാത്രം ഇടപെടല്‍ ആണ് സ്ഥിതി വീണ്ടും വീണ്ടും വഷളാക്കിക്കൊണ്ടിരിക്കുന്നത്.....

പാകിസ്ഥാനെക്കുറിച്ച് മുംബെ സെന്റു സേവിയേസ് കോളേജിലെ വിദ്യാര്‍ഥികള്‍ ചോദിച്ച ചോദ്യങ്ങള്‍ക്ക്‌ മൈക്കിന്റെ മുന്നില്‍ നിന്ന് ഉത്തരം പറയാന്‍ കഴിയാതെ പരുങ്ങുന്ന ഒബാമ ഇപ്പറഞ്ഞതിന് തെളിവല്ലേ?.... പാക്കിസ്ഥാനില്‍ നടമാടുന്ന തീവ്രവാദത്തില്‍ പാക്കിസ്ഥാനുള്ള പങ്കിനെക്കുറിച്ച് യു എസ് വെളിപ്പെടുത്താന്‍ എന്തിന് മടിക്കുന്നു എന്ന് ബുദ്ധിമാനായ ഒരു ഇന്ത്യന്‍ വിദ്യാര്‍ത്ഥിയുടെ ചോദ്യത്തിന് ലോകം ഇന്നും ബഹുമാനിക്കുന്ന വ്യെക്തിത്വമുള്ള ഒബാമ വിയര്‍ത്തു എന്ന് പറഞ്ഞാല്‍, ഇപ്പറഞ്ഞതിന് അമേരിക്കക്ക് പരോക്ഷമായി പങ്കില്ലേ എന്നാണ് എനിക്ക് ചോദിക്കാനുള്ളത്.....ആര്‍ക്കും ഒന്നും അറിയില്ലെങ്കിലും ഞങ്ങളെപ്പോലുള്ള മലയാളികള്‍ക്ക് ഒന്ന് അറിയാം... മുടക്കം തെറ്റാതെ വരുന്ന എമാന്മാര്‍ ഇവിടെയൊക്കെ വന്നു കയറുന്നത് നമ്മുടെയൊക്കെ ഇന്ത്യയെ വെളുപ്പിക്കാനൊന്നും അല്ലെന്നും, ഏഷ്യന്‍ വിപണിയിലെ മുഖ്യ അച്ച്തണ്ടായ ഇന്ത്യന്‍ മാര്‍ക്കറ്റില്‍ ഒരു പെട്ടിക്കടയെങ്കിലും തുറക്കാന്‍ കഴിഞ്ഞാല്‍ അത് അവര്‍ക്ക്‌ വലിയൊരു വിജയമാണ് എന്നതൊക്കെ.....

ശുദ്ദമായ ഗ്ലാസിലുള്ള വെള്ളത്തില്‍ ഒരു നുള്ളു ചളി വീണാല്‍ അതും മലിനമാകില്ലേ?....അതുപോലെത്തന്നെ ഇപ്പരഞ്ഞവരുമായി ഉള്ള ഇന്ത്യയുടെ സമ്പര്‍ക്കം നാളെ വീണ്ടും ഒരു ബ്രിട്ടീഷ് ഭരണത്തിന് കളമൊരുക്കും എന്നതിന് സംശയമില്ല....ആ കാലത്ത് സ്വാതന്ത്ര്യം കിട്ടാന്‍ വേണ്ടി നമ്മള്‍ ഇന്നും ഇന്ത്യയുടെ വികാരമായി മനസ്സില്‍ കൊണ്ടുനടക്കുന്ന ഗാന്ധിജിയെപ്പോലുള്ള വ്യെക്തികളെ ഇനി ഒരിക്കലും നമുക്ക്‌ കണ്ടെത്താന്‍ കഴിയുമില്ല.... ആ മഹാത്മാവ് കാണിച്ചുതന്ന സ്വയം പര്യാപ്തത എന്നത് ഉള്‍കൊണ്ട്കൊണ്ട് ഭരണം നയിക്കുക.... ഭിക്ഷ ചോദിച്ച് വീട്ടില്‍ കയറിവരുന്ന ഇപ്പറഞ്ഞവര്‍ക്കൊക്കെ എന്തെങ്കിലും ഒക്കെ കൊടുത്ത് ഒഴിവാക്കി അവിടം ചാണകവെള്ളം തളിച്ചു ശുദ്ദമാക്കുക....

വിടരാന്‍ കൊതിക്കുന്ന മൊട്ടുകള്‍....

‘’ഇന്ത്യ വളര്‍ന്നാ ഇന്ത്യക്ക് നന്ന്... പെരുന്നാളായി കുടുംബത്തിക്ക് കാശ് അയച്ചാല്‍ നിനക്ക്‌ നന്ന്’’

എന്ന മതാശ്രീയുടെ ഭീഷണികേട്ട് പേടിച്ച് കാശയക്കാന്‍ അബുദാബിയിലെ അല്‍-വാഹദാ മാളിലുള്ള അല്‍-ഫര്‍ധാന്‍ എക്സ്ചേഞ്ചില്‍ ക്യൂവില്‍ നില്ക്കുമ്പോള്‍ ആണ് ഞാന്‍ ശ്രദ്ധിച്ചത്.....രണ്ട് സുന്ദരികള്‍ (എന്റെ ആരാധികമാര്‍ ആകുമ്പോള്‍ മിനിമം സൌന്ദര്യം ഒക്കെ ഉണ്ടാകുമല്ലോ)എന്നെ ചൂണ്ടിക്കാട്ടി ആശ്ചര്യത്തോടെ എന്തോ മുറുമുറുക്കുന്നു..... ഇത് കണ്ട് പേടിച്ച് ‘മാതാവേ കാത്തോളണേ’ എന്ന് മനസ്സില്‍ പറഞ്ഞു.... അല്ലെങ്കിലേ അറബിപ്പെണ്ണ്ങ്ങള്‍ കാരണം പേടിച്ചിട്ടാണ് പുറത്തിറങ്ങി നടക്കുന്നത്...ഇനി ഇപ്പൊ ഈ വേലത്തരത്തിനു മല്ലുസ് സുന്ദരികളും ഇറങ്ങിയോ എന്ന് ചിന്തിച്ച് വ്യാകുലമാതാവിനെ വിളിച്ച് വ്യാകുലപ്പെട്ടു നില്ക്കുമ്പോള്‍ അതില്‍ ഒരുത്തി എന്‍റെ അടുത്ത്‌ വന്നുകൊണ്ട് എന്നോട് ഇങ്ങനെ മൊഴിഞ്ഞു....

വിരല്‍ത്തുമ്പ് എന്ന ബ്ലോഗ്‌ നിങ്ങളുടെയാണോ? അതിലെ ആള്‍ നിങ്ങളെപ്പോലെത്തന്നെ ഇരിക്കുന്നു....

അതെ, അത് ഞാന്‍ തന്നെയാണ്.... ശബ്ദം പുറത്ത്‌ വന്നില്ലെങ്കിലും ഉന്തിത്തള്ളി അങ്ങ് പറഞ്ഞു....

അയ്യോ!!! എന്നും പറഞ്ഞുകൊണ്ട് ആ ആയമ്മ മറ്റവളുടെ അടുത്തേക്ക് ഒറ്റരോട്ടം......

ഇതെന്താ ഇത്?....എന്ന് അന്തം വിട്ട് നില്ല്ക്കുമ്പോള്‍ രണ്ടും കൂടി പാഞ്ഞ് എന്റെത അടുത്തെത്തി.....

ഹായ്‌....രണ്ട് പേരെയും പേടിച്ചിട്ടാണെലും വിഷ് ചെയ്തു...

ഹായ്‌ വിരല്‍.... രണ്ട് പേരും അവതാര്‍ സിനിമയിലെ അത്ഭുതജീവിയെ നോക്കുന്നമാതിരി എന്നെ തുറിച്ചുനോക്കി കുറച്ച് നേരം....

ഹാപ്പി ദീവാലി.....ഇതിന് ഒരു അവസാനം കാണാന്‍ ഞാന്‍ തന്നെ ഇടപെട്ടു....

സെയിം ടു യു... അതില്‍ സൌന്ദര്യം കുറച്ച് കൂടുതലുള്ള കൊച്ച് മറുപടി തന്നു.....

എന്താ ഇവിടെ...അവര് ചോദ്യം തുടങ്ങി.....

ഞാന്‍ ഇവിടെ കുറച്ച് കാശ് അയക്കാന്‍ വന്നതാ....

എവിടെയാ താമസം.....

ഞാന്‍ ഇവിടെ കോര്നിഷിന്റെ മുന്നിലെ ഹില്ട്ടന്‍ ഹോട്ടലിന്റെ് മുകളിലാ....

ഓഹോ....ഞങ്ങള്‍ അതിന്റെയൊക്കെ അടുത്ത്‌ തന്നെയാ താമസം....

മ്..... പിന്നെ ഇവിടെ?.....

ചെറിയൊരു പര്ച്ചേ്സ്..... വെള്ളിയാഴ്‌ചയല്ലേ ....

പിന്നെ വിരല്‍ എന്ത് ചെയ്യുന്നു.....

ഞാന്‍ ഇവിടെ ഒരു ചെറിയ കമ്പനിയില്‍ ഐടിയിലെ ഹെഡ് ആണ്....

ഞങ്ങള്‍ ഇവിടെ ..............ഹോസ്പിറ്റലില്‍ നഴ്സ്മാരാണ്....

മ്.....ഗുഡ്...

വിരല്‍ നാട്ടില്‍.....?

തൃശൂരാ.... നിങ്ങള്‍?

ഞങ്ങള്‍ അങ്ങ് തെക്കാ.... കോട്ടയം....

പിന്നെ ഞങ്ങള്‍ ബ്ലോഗ്‌ ഒക്കെ വായിക്കാറുണ്ട്..... നന്നാകുന്നുണ്ട്....

താങ്ക്സ്.....

എന്താ സ്ത്രീകളോട് ഇത്രക്ക്‌ വിരോധം? കൊഞ്ചിക്കൊണ്ട് സുന്ദരികൊച്ച് ചോദിച്ചു.....

ഏയ്.... അങ്ങനെയൊന്നും ഇല്ല... എനിക്ക് സ്ത്രീകളോട് എന്നും സ്നേഹം മാത്രമേ ഉള്ളൂ.... പിന്നെ ചരിത്രാതീതകാലം മുതലേ സ്‌ത്രീകളെക്കുറിച്ച് നിങ്ങള്ക്ക് അറിയാവുന്നതല്ലേ?

ചരിത്രത്തില്‍ സ്ത്രീകള്‍ എന്നും മുന്നില്‍ തന്നെയല്ലേ? മദര്തെരേസ, മാതാ അമൃതാനന്ദമയീ, ഇന്ദിരാഗാന്ധി..... സുന്ദരിയുടെ കൂടെയുള്ള ഒരുത്തി എന്നെ കൊല്ലാന്‍ തന്നെയാണെന്ന് എനിക്ക് തോന്നി.....

നോക്കൂ കുട്ടി.. എനിക്ക് ഒരു മൈതാനപ്രസങ്കത്തിനു താല്പര്യമില്ല..... നിങ്ങള്‍ ഒന്ന് ചിന്തിച്ചോളൂ ..... ഹവ്വയുടെ ആഗ്രഹമല്ലേ ആദമിനെ സ്വര്ഗ്ഗത്തില്‍ നിന്നും പുറത്താക്കിയത്? പാഞ്ചാലിയുടെ സൗന്ദര്യം അല്ലെ യുദ്ധത്തില്‍ കലാശിച്ചത്?...... അങ്ങിനെ അങ്ങിനെ പോകുന്നു ചരിത്രങ്ങള്‍.... ഞാനും വിട്ടുകൊടുത്തില്ല....

മതി.... സുന്ദരി മറ്റവളെ ഭീഷണി രൂപത്തില്‍ നോക്കി....

ഓക്കേ ഒന്ന് ഞാന്‍ ചോദിക്കാന്‍ മറന്നു.... എന്താ നിങ്ങളുടെയൊക്കെ പേര്....

എന്റെ പേര് സൂസണ്‍ സുന്ദരി സ്വയം പരിചയപ്പെടുത്തി.... ഇവളുടെ പേര് മീന ചെറിയാന്‍...

മ്... ‘സൂസണ്‍’ പേര് എനിക്ക് ഇഷ്ടപ്പെട്ടു..

താങ്ക്സ്... നാണം മാറിമറിയുന്നത് എനിക്ക് കാണാമായിരുന്നു.....

ശരി നിങ്ങള്‍ ഒന്ന് പുറത്ത്‌ വൈറ്റ്‌ ചെയ്യൂ ഞാന്‍ കാശ് ഒന്നയക്കട്ടെ!! ഓക്കേ!!

ശരി ഞങള്‍ പുറത്ത്‌ നില്ക്കാം എന്ന് പറഞ്ഞ് ചന്തിയും കുലുക്കി രണ്ടും പുറത്തേക്ക്‌ പോയി.......

കാശ് അയച്ച് പുറത്തേക്ക് വന്നപ്പോള്‍ രണ്ടും എന്നെക്കാത്ത്‌ പുറത്ത്‌ നില്ക്കു ന്നുണ്ടായിരുന്നു...

വരൂ നമുക്ക്‌ ഒരു കോഫി കഴിക്കാം .... ഞാന്‍ ക്ഷണിച്ചു...

യ്യോ!! വേണ്ട.. സുന്ദരി മൊഴിഞ്ഞു...

ഏയ്‌ അത് പറ്റില്ല എന്നെവന്നു പരിചയപ്പെട്ട സ്ഥിതിക്ക് നിങ്ങള്‍ എന്റെു ഗസ്റ്റ്‌ അല്ലെ.... ? വരൂ..

മാളിലെ കോഫീഹൌസില്‍ ഇരിക്കുമ്പോള്‍ ഇടക്കിടെ സുന്ദരി എന്റെ കണ്ണിലേക്ക്‌ നോക്കുന്നുണ്ടായിരുന്നു....

വിരല്‍ വിവാഹിതനാണോ?

ഇല്ല....

എന്തേ? ആശ്ചര്യത്തോടെ ചോദിച്ചു സൂസണ്‍.....

മറ്റൊന്നും കൊണ്ടല്ല .... പ്രേയസിയെ നോക്കുന്നുണ്ട്.... ഇതുവരെ ഒന്നും മുന്നില്‍ വന്നിട്ടില്ല.... വന്നാല്‍ നോക്കാം......

എന്താ സൂസണ്‍ താനോ?

ഇല്ല... അത് പറയുമ്പോള്‍ ആ ശബ്ദത്തിന് വിറയല്‍ ഉണ്ടായിരുന്നു....

മ്...? നിങ്ങള്‍ക്കൊക്കെ വിവാഹം കഴിഞ്ഞാല്‍ ഇവിടെ ഒരുമിച്ച് താമസിക്കാമല്ലോ?

കല്യാണം കഴിക്കാന്‍ സമ്മതിക്കുന്നില്ല ശത്രുക്കള്‍..... പേരെന്താ നഴ്സ്.... ജോലിയോ വിദേശത്തും അതും ഒറ്റക്ക്‌... മുടങ്ങാന്‍ അതുപോരെ വിരല്‍?

മ്.... ശരിയാ സൂസണ്‍.... എല്ലാം ശരിയാകും... പിന്നെ ആര്‍ക്കാ ശത്രുക്കള്‍ ഇല്ലാത്തത്?

എന്താ വിരലിന് ഇതുപോലെ വല്ല അനുഭവവും? സൂസണ്‍ ആരാഞ്ഞു.....

എനിക്കും ഒരെണ്ണം ഇതുപോലെ ശരിയായതാ സൂസണ്‍!!!.....

എന്നിട്ട്?

ഗള്‍ഫില്‍നിന്ന് തന്നെ ഏതോ ഒരു തന്തക്ക് പിറക്കാത്തവന്‍ ഫോണ്‍ വിളിച്ച് അതങ്ങ് മുടക്കി.... ചെക്കന്‍ ആള് ശരിയല്ലാ... കച്ചറയാണ് എന്നൊക്കെ പറഞ്ഞ്.... അതും മനസ്സാലെ ഒരു ഉറുമ്പിനെപ്പോലും നോവിക്കാത്ത എന്നെക്കുറിച്ച്!!!...... പറയുമ്പോള്‍ മനസ്സ്‌ എവിടെയോക്കെയോ നീറുന്നുണ്ടായിരുന്നു.....

ഇപ്പറഞ്ഞവനും ഭാര്യയും മക്കളുമൊക്കെ ഉണ്ടാകില്ലേ വിരല്‍?...

ഉണ്ടല്ലോ... പിന്നെന്താ ഭയം?തിരിച്ച് ഞാന്‍ ചോദിച്ചു....

ഇന്നല്ലങ്കില്‍ നാളെ ഇതിനൊക്കെ ദൈവം ശിക്ഷ കൊടുക്കും വിരല്‍ അത് തീര്‍ച്ച.... അത് പറയുമ്പോള്‍ അവളുടെ കണ്ണുകളില്‍ രണ്ട് തീ ഗോളങ്ങള്‍ എരിയുന്നുണ്ടായിരുന്നു.....

മ്.... അവര്‍ ചെയ്യുന്നത് എന്തെന്ന്‍ അവര്‍ അറിയുന്നില്ല... അവരോട് ക്ഷമിക്കൂ കര്‍ത്താവേ, എന്ന് പറയൂ സൂസണ്‍..... ചിരിച്ചുകൊണ്ട് ആണ് ഞാന്‍ അത് പറഞ്ഞത്....

നിങ്ങള്‍ ക്രിസ്റ്റ്യന്‍ ആണോ?

ആല്ല ഞാന്‍ മുസ്ലീമാ...

പിന്നെയീ ബൈബിള്‍ വചനങ്ങള്‍ കൂടുതലായും ബ്ലോഗില്‍ കാണാറുണ്ടല്ലോ?

ഞാന്‍ എല്ലാ വേദഗ്രന്ഥങ്ങളും വായിച്ചിട്ടുണ്ട് സൂസണ്‍..... ബൈബിള്‍ എന്നെ വളരെയധികം ആകര്‍ഷിച്ച ഒരു വേദഗ്രന്ഥമാണ്....

എന്നാല്‍ പറയൂ നമ്മുടെ ശത്രുക്കളെ നമുക്ക് ഏതു ഗണത്തില്‍ കൂട്ടാം...

പണത്തിന്റെ മായാലോകത്തില്‍ ഭ്രമിച്ച് വെറും 32 വെള്ളിക്കാശിനു സ്വന്തം കൂടപ്പിറപ്പിനെപ്പോലെ കണ്ട ആ ക്രിസ്തുവിനെ ഒറ്റിക്കൊടുത്ത്, പിന്നീട് ചെയ്ത തെറ്റില്‍ നീറി സ്വയം കഴുമരം വരിച്ച ആ യൂദാസിനെ സൂസന് അറിയുമല്ലോ?

അറിയാം....

എന്നാല്‍ ആ ഗണത്തില്‍ നമുക്ക് നമ്മുടെ ശത്രുക്കളെ കാണാം....

അതെ വിരല്‍ ... പറയുമ്പോള്‍ സൂസന്റെ കണ്ണില്‍ വെള്ളം നിറയുന്നുണ്ടായിരുന്നു....

ശരി എനിക്ക് പോകാന്‍ നേരമായി കൂട്ടുകാരികളെ....

അവര്‍ സമ്മതിച്ചില്ലെങ്കിലും ബില്ല് ഞാന്‍ തന്നെ പേ ചെയ്തു.... ഞങ്ങള്‍ കോഫീ ഹൌസില്‍ നിന്നും പുറത്തിറങ്ങി....

ശരി കാണാം..... നിങ്ങള്‍ എന്റെ ബ്ലോഗ്‌ കഴിയുമെങ്കില്‍ എന്നും വായിക്കണം..

തീര്‍്ച്ചയായും വിരല്‍.....

എന്റെ ഫോണ്‍നമ്പര്‍‍ ചോദിച്ചെങ്കിലും അത് അവര്‍ക്ക് ‌ നല്കാവന്‍ നിരസിച്ചു കൊണ്ട് പുറത്തുള്ള കാര്‍ എടുത്ത്‌ റോഡിലേക്ക്‌ ഇറങ്ങിയപ്പോള്‍ സൂസന്‍ എന്ന നിഷകളങ്കമായ മുഖമുള്ള സുന്ദരി അപ്പോള്‍ മനസ്സില്‍ മറയാതെ ഉണ്ടായിരുന്നു.....

അപ്പോഴും ഒരു നിരാശ മനസ്സില്‍ തത്തിക്കളിക്കുന്നുണ്ടായിരുന്നു.....

‘എന്തേ സൂസനെ എനിക്ക് വേണ്ടി ദൈവം ഒരു മുസ്ലീമാക്കി ജനിപ്പിച്ചില്ല...?’

‘പ്രേയസിയാകാന്‍ കൊതിച്ച അവളെപ്പോലെയുള്ള ഒരു പെണ്‍കുട്ടി എന്നെങ്കിലും എന്റെ മുന്നില്‍ വരുമോ?.....’

ഞങ്ങള്‍ക്കു‌ മുന്നിലുള്ള ആ ശത്രുവിന്റെ മുഖം അപ്പോള്‍ എത്ര വികൃതമാണ് എന്ന് എനിക്ക് തോന്നി........

ബ്ലോഗൈകജീവിതം.....

ഇന്ന് കേരളത്തിലെ ബ്ലോഗ്‌ എഴുതി പോസ്റ്റ്‌ ഇടുന്നവര്‍ക്കും ഇനി ഇപ്പറഞ്ഞ ബ്ലോഗ്‌ പുതിയതായി എഴുതുവാന്‍ പോകുന്നവരും അറിഞ്ഞിരിക്കേണ്ട പ്രധാനപ്പെട്ട ഒന്നാണ് ഇന്ന് വിരല്‍സ്യായന ഗുരു ഇവിടെ അവതരിപ്പിക്കാന്‍ പോകുന്നത്...ബ്ലോഗൈകജീവിതം എന്നാല്‍ അത് പ്രാകൃതമായ വികാരത്തെയാണ് പ്രധാനമായും സൂചിപ്പിക്കുന്നത്..... ഇന്ന് കേരളത്തിലുള്ള ചുരുക്കം ചെറുപ്പക്കാര്‍ എന്നും ബ്ലോഗ്‌ ചെയ്യാന്‍ വേണ്ടി മാത്രം ബ്ലോഗ്‌ തുടങ്ങുന്നവര്‍ ഉണ്ട്... പക്ഷേ തുടര്ച്ചയായ പോസ്റ്റിങ്ങിലൂടെ ഇപ്പറഞ്ഞവര്‍ വേഗം തന്നെ ബ്ലോഗ്‌ മടുത്ത് പൂട്ടിക്കെട്ടി നിരാശരായി ഇരിക്കുന്നത് നമുക്ക് പലപ്പോഴായി കാണാന്‍ സാധിക്കും....അത്തരം ആളുകള്ക്ക് താഴെക്കൊടുക്കുന്ന നിര്ദേശങ്ങള്‍ വളരെയധികം ഉപകാരപ്രദമായിരിക്കും....

1) ബ്ലോഗ്സ്പോട്ട് നിങ്ങള്ക്ക് അനുവദിച്ചു തരുന്ന ബ്ലോഗിനെ പരാമാവധി സ്നേഹിക്കുകയും അംഗീകരിക്കുകയും ചെയ്യുക..

2) ബ്ലോഗില്‍ ഇടുന്ന പോസ്സ്റ്റുകള്‍ എപ്പോഴും ആനന്ദകരമാക്കാന്‍ ശ്രമിക്കുക,,,

3) ചിലസമയങ്ങളില്‍ ബ്ലോഗ്‌ തന്നെ നിങ്ങളോട് സര്‍വര്‍ എറര്‍ അതുമല്ലെകില്‍ നെറ്റ്‌വര്ക്ക്‌ ഈസ്‌ നോട്ട് റെസ്പോണ്‍ണ്ടിങ്ങ് ദിസ്‌ ടൈം എന്നൊക്കെ പറയാനുള്ള സാധ്യത തള്ളിക്കളയാനാവില്ല....ആ സമയങ്ങളില്‍ നിങ്ങള്‍ ബ്ലോഗില്‍ വീണ്ടും വീണ്ടും പോസ്റ്റിട്ട് പബ്ലിഷ് ബട്ടന്‍ അമര്ത്തി ശല്യപ്പെടുത്താതിരിക്കാന്‍ ശ്രമിക്കുക...

4) കഴിയുമെങ്കില്‍ ടെമ്പ്ലേറ്റുകള്‍ മാറ്റിയും പുതിയതരം വൈഡ്‌ജെറ്റുകള്‍ കൊണ്ടുവന്നും ബ്ലോഗിനെ ആകര്ഷ്ണമുള്ളതാക്കുക.... അത് നിങ്ങളുടെ ബ്ലോഗിങ്ങിന് ദീര്ഘികാല പോസ്റ്റിങ്ങിനു നിങ്ങളെ സഹായിക്കും....

5) ദിവസവും പോസ്റ്റ്‌ ഇടുന്ന ബ്ലോഗന്‍ ആണ് നിങ്ങളെങ്കില്‍ ഇടുന്ന പോസ്സ്റുകളില്‍ പുതിയ ആശയങ്ങള്‍ കൊണ്ടുവരാം.. ഉദാഹരണത്തിന് വിഷങ്ങളുടെ വിശദീകരണം, ഒരെകാര്യത്തെക്കുറിച്ച് ദീര്ഘമായ ഒറ്റപോസ്റ്റ് വിശദീകരണം അങ്ങിനെ അങ്ങിനെ......

6) ചിലര്‍ മറ്റുള്ളവരുടെ ബ്ലോഗിനെ ആഗ്രഹിക്കുകയും അതിന്റെ അഡ്മിനിസ്ട്രെറ്റര്‍ ആകാനുള്ള പ്രവണതകള്‍ ഇന്ന് നമുക്ക്‌ കാണാന്‍ സാധിക്കും.. തരം കിട്ടിയാല്‍ ആരും അറിയാതെ ആ ബ്ലോഗില്‍ കയറി പോസ്റ്റ് ഇടാറും ഉണ്ട്....അത് ഒരിക്കലും ചെയ്യാതിരിക്കാന്‍ ശ്രമിക്കുക..... അത് പിന്നീട് ബ്ലോഗ്സ്പോട്ടിന്റെ് ഇടപെടല്മൂലം നിങ്ങളുടെ സ്വന്തം ബ്ലോഗിന്റെ പോളിസിക്ക് തന്നെ കുഴപ്പമുണ്ടായേക്കാം....

7) ഒരേസമയം രണ്ടില്കൂടുതല്‍ ബ്ലോഗ്‌ കൈകാര്യം ചെയ്യുന്നവര്‍ ഉണ്ട്... അത്തരം ആളുകളോട്...കഴിയുമെങ്കില്‍ നിങ്ങള്ക്കുള്ള എല്ലാബ്ലോഗിനോടും ഒരേ മനോഭാവം വച്ചുപുലര്‍ത്തുക,,,,,,

8) പോസ്റ്റുന്ന സമയത്തിലുള്ള വെത്യസ്ഥത നിങ്ങള്ക്ക് എപ്പോഴും നിങ്ങളുടെ ബ്ലോഗിനോട് ‌ ഒരു പ്രത്യേക താത്പര്യം എപ്പോഴും ജനിപ്പിക്കും..... കഴിയുമെങ്കില്‍ ബ്രാഹ്മണമുഹൂര്‍ത്തത്തില്‍ പോസ്റ്റ്‌ ചെയ്യാന്‍ ശ്രമിക്കുക....

ഇത്തരം കാര്യങ്ങള്‍ ശ്രദ്ധിച്ചാല്‍ നിങ്ങള്‍ക്കും കേരളത്തിലെ നല്ലൊരു ബ്ലോഗര്‍മാരുടെ പട്ടികയിലേക്ക് ഉയരാന്‍ കഴിയും.....

ധീര ഉഷ.....

പെണ്ണുങ്ങളായാല്‍ ഇങ്ങനെ വേണം.... ഉഷ വലതോ ഇടതോ ആവട്ടെ അവരുടെ കൂടെ പ്രതികരിക്കാന്‍ ഞാന്‍ മുന്നിലുണ്ടാകും.... എന്നീ ലോകത്ത്‌ എല്ലായിടത്തും സ്ത്രീകള്ക്ക് നേരെ അതിക്രമങ്ങള്‍ നടക്കുമ്പോള്‍ അതിനെ എതിര്‍ക്കാനോ തടയാനോ ഇന്ന് ഒരാള്ക്കും സാധിക്കുന്നില്ല...വനിതാകമ്മീഷന്‍ ജസ്റ്റിസ് ഡി.ശ്രീദേവിക്ക് പോലും.... ഇന്നൊരു സ്ത്രീ മാത്രം ഉള്ള വീട്ടില്‍ ഒരു പുരുഷനെ അവള്‍ക്കൊപ്പം കണ്ടാല്‍ അവര്‍ തമ്മില്‍ എന്തോ അവിഹിതബന്ധം ഉണ്ട് എന്ന് പറഞ്ഞ് നടക്കുന്ന നാടാണ് നമ്മുടെ കേരളം.... ഇത്തരം ഇല്ലാക്കഥ പ്രചരണങ്ങള്‍ കാരണം സമൂഹത്തില്‍ ഇന്നും പുറന്തള്ളപ്പെട്ട് വേദനയോടെ ജീവിക്കുന്ന ഒട്ടനവധി സ്ത്രീകളെ എനിക്കറിയാം..... ഇതിനൊക്കെ കാരണം നമ്മുടെ കേരളീയരുടെ ചിന്താഗതിയാണ്.... ഇന്ന് സുന്ദരിയായ ഒരു ടീച്ചര്‍ ക്ലാസെടുക്കാന്‍ കയറിവന്നാല്‍ അവരുടെ മാറിലേക്ക് നോക്കി സൈസ്‌ പറയുന്ന വിദ്യാര്ഥികളില്‍ നിന്ന്‌ തുടങ്ങണം ഇത്തരം ബോധവത്കരണം എന്നാണെനിക്ക് പറയാനുള്ളത്..... ഇനി നമ്മുടെ ഉഷയുടെ ഗതികേട് എന്താണെന്ന് അറിയണ്ടെ..... അത് വിചിത്രമായ ഒരു സംഭവമാണ്....

ഇതുവരെ ജനങ്ങള്‍ക്ക്‌ ചെയ്ത ദ്രോഹങ്ങള്‍ക്ക് ജനം തന്നെ തിരിച്ച് പണികൊടുക്കാറുള്ള പഞ്ചായത്ത് തിരഞ്ഞടുപ്പ് ഇപ്പോള്‍ കഴിഞ്ഞ വിവരം എല്ലാവര്‍ക്കും അറിയാവുന്നതാണല്ലോ.... ഇടത് നിരങ്ങിയ പഞ്ചായത്തുകളില്‍ വലതിനെ കുടിയിരുത്തിയും അല്ലാതെയും ഉള്ള മാറ്റങ്ങള്‍ കണ്ട തിരഞ്ഞെടുപ്പായിരുന്നു ഇക്കഴിഞ്ഞത്..... ഇപ്പറഞ്ഞ ഉഷയും ആലപ്പുഴ മുതുകുളം പഞ്ചായത്തിലെ 1‌5ാം വാര്‍ഡില്‍ വലതിനെ പ്രധിനിധീകരിച്ച് മത്സരിച്ചിരുന്നു.... ഇവരുടെ അച്ചന്‍ ഉള്‍പ്പെടെ കുടുംബക്കാരെല്ലാരും കൂടി പഞ്ചായത്ത് മുഴുവനായും വിഴുങ്ങാം എന്ന ഉദ്യെശത്തോടു കൂടിയാവാം ഗ്രാമവികസന മുന്നണി എന്ന പാര്ട്ടി രൂപികരിച്ച് ആ പാര്ട്ടിയുടെ പുണ്യാളത്തിയായി മിസ്സ്‌.അമ്മിണിയെ അവരോദിച്ചു, ആ അവള്‍ക്കെിതിരെയാണ് നമ്മുടെ ഈ ഉഷ മത്സരിച്ചത് എന്ന് കേള്‍ക്കുമ്പോള്‍ എന്റെു ശരീരത്തിലെ ഓരോ രോമകൂപങ്ങളും എണീറ്റ്‌ നിന്ന് ദേശീയഗാനം പാടുന്നു..

വിദ്യകൊണ്ട് എം എ ബിരുദധാരിയ ഉഷയെ കാലുവാരാന്‍ ഇലക്ഷന് മുന്‍പ് തന്നെ പ്രതിപക്ഷക്കരായ കുടുംബക്കാര്‍ ശ്രമിച്ചിരുന്നത്രേ.... എന്തോ കോണ്ഗ്രസ് പാര്ട്ടിയുടെ നല്ലവശങ്ങള്‍ മാത്രം അറിയാമായിരുന്ന ഉഷ ഇപ്പഞ്ഞിടത്ത് വീണില്ല എന്ന് മാത്രമല്ല 35 വോട്ടിന്റെ ഭൂരിപക്ഷത്തില്‍ പഞ്ചായത്തില്‍ നിന്ന് വിജയിക്കുകയും ചെയ്തു.... ഇനിയല്ലേ കാണാന്‍ കിടക്കുന്നത്.... വീട്ടില്‍ കോണ്ഗ്രെസ് അധികാരത്തില്‍ വന്നപ്പോള്‍ ഏതൊരു പ്രതിപക്ഷക്കാരും ചെയ്യുന്നതെ ഉഷയോട് വീട്ടുകാരും ചെയ്തോള്ളൂ.... തോല്‍വിയുടെ കാരണം കണ്ടെത്താന്‍ വീടുകാരെല്ലാം അവൈലബിള്‍ പിബി വിളിച്ചു കൂട്ടി ഒരുമിച്ചൊരു തീരുമാനം അങ്ങെടുത്തു..... അനുസരണചട്ട നിയമപ്രകാരം ഉഷയേയും മകളെയും പാര്ട്ടിയില്‍ നിന്നുമാത്രമല്ല വീട്ടില്‍ നിന്നും പടിയടച്ചു പിണ്ഡം വക്കുക എന്ന്..... കഷ്ടം!! ഇന്ന് നമ്മുടെ സ്ത്രീകള്‍ വീട്ടില്‍ പോലും സുരക്ഷിതരല്ല എന്ന് പറയുമ്പോള്‍ കേരളത്തിലെ സംസ്കാരത്തിന് പോലും തുരംഗം വക്കാവുന്ന രീതിയില്‍ മാറിയില്ലേ നമ്മുടെയീ രാഷ്ട്രീയസംസ്കാരം.......

എന്തോ എന്നെപ്പോലെയുള്ള കേരളത്തിലെ നല്ലവരായ ബ്ലോഗര്‍മ്മാരുടെ ഇടപെടല്‍ മൂലമോ മറ്റോ നാട്ടുകാരും സഹപ്രവര്ത്തകരും കൂടി ഇവര്ക്ക് ഒരു വീട് ശരിയാക്കിക്കൊടുത്തിട്ടുണ്ട് ....എന്തായാലും സ്വന്തം വീട്ടുകാര്‍ പുറത്താക്കിയപ്പോഴും അത് ചങ്കൂറ്റത്തോടെ നേരിട്ട ഉഷയെപ്പോലുള്ളവര്‍ കേരളത്തിലെ വനിതകള്ക്ക് എന്നും ഒരു മാതൃകയാണ്.... ഇതില്‍ നിന്നൊക്കെ എന്റെ ആരാധികമാരോട് എനിക്ക് പറയാനുള്ളത്‌.... ‘’ആര്‍ക്കും നിങ്ങളെ ചതിക്കാം, അത് നിങ്ങളുടെ അച്ഛനോ അമ്മക്കോ മറ്റാര്‍ക്കും.... പക്ഷെ നിങ്ങള്‍ ഒരിക്കലും നിങ്ങളെ ചതിക്കാതിരിക്കുക.... ധീരതയോടെ മുന്നോട്ട് പോകുക’’ അത് നല്ല കണ്ണുകൊണ്ട് കാണാന്‍ ഇന്നും കേരളത്തില്‍ കുറച്ച് നല്ലവരായ ചെറുപ്പക്കാര്‍ ഇപ്പോഴും ജീവിച്ചിരിപ്പുണ്ട്..............

രൂപക്കിട്ട് ഒരു കൊട്ട്......

മര്‍ഫി ലോയില്‍ പ്രവചിച്ചിരുന്നതുപോലെ ഇന്നീ ലോകത്ത് സംഭവിക്കാനുള്ളതൊക്കെ തീര്ച്ചയായും ഭവികും എന്ന് പറഞ്ഞത്തില്‍ മിക്യതും ഇന്നീ ലോകത്തില്‍ നടന്നു കഴിഞ്ഞിരിക്കുന്നു ....അതും വളരെയധികം വര്ഷ ങ്ങള്ക്കുശേഷം.... എന്നാല്‍ ഈ എളിയവന്‍ പറഞ്ഞ്‌ നാവ്‌ എടുത്തിട്ടില്ല...... 48 മണിക്കൂറിനുള്ളില്‍ ഇന്ത്യന്‍ ധനകാര്യവിദഗ്ദ്ധര്‍ തന്നെ ഞാനിപ്പറഞ്ഞത്‌ ശരിവെക്കുന്നു..... ഇന്നീകേരളത്തില്‍ ഉള്ള മിക്യവരും അഹങ്കാരികള്‍ ആണെന്നും അതില്‍ പൊങ്ങച്ചക്കാര്‍ ഏറെയുണ്ടന്നും.... ഭാവിയില്‍ ഇപ്പറഞ്ഞ സുഗുണന്മാര്‍ ക്ഷ ണ്ണ പ്പ മ്മ എന്നൊക്ക വരക്കുമെന്നും രണ്ട് ദിവസങ്ങള്ക്ക് മുന്പ്‌ ഞാന്‍ പ്രവചിച്ചിരുന്നു...... എന്നാല്‍ അവന്മാരൊടോക്കെ വീണ്ടും ഞാന്‍ പറയുന്നു... അനുഭവിക്കാന്‍ റെഡിയായി ഇരുന്നോളൂ മക്കളെ...... നിങ്ങളുടെയൊക്കെ ദിവസങ്ങള്‍ എണ്ണിക്കഴിഞ്ഞു........

ഇന്ന് നമ്മുടെ കൊച്ചുകേരളത്തിന്റെ മൊത്തം കയറ്റുമതിയുടെ വരുമാനത്തിലേറെയാണ് പ്രതിവര്ഷം നമ്മുടെ പ്രവാസികളില്‍ നിന്ന് കേരളത്തിലേക്ക്‌ ഒഴുകിയെത്തുന്ന പണത്തിന്റെ കണക്ക്......ഇത് ശരിയായ രീതിയില്‍ എത്തുന്നത്..... അപ്പോള്‍ ബ്ലാക്ക്‌ വഴി വരുന്നതോ?.... അതതിലും കൂടുതലാണ്..... മൊത്തം ആഭ്യന്തര ഉദ്പാദനത്തിന്റെ 18 ശതമാനം ഇപ്പറഞ്ഞ നല്ല പണം വരും എന്ന് പറയുമ്പോള്‍ പ്രവാസികളായ നമ്മളെയൊക്കെ ഈ നാറികളായ കേന്ദ്ര-കേരള സര്ക്കാറുകള്‍ പൂവിട്ടു പൂജിക്കേണ്ടെ??....... എന്നാല്‍ ഇപ്പറഞ്ഞ പ്രവാസികള്ക്ക് പാരയായി ഇന്ത്യ ഇപ്പോള്‍ വളര്‍ന്നു വളര്‍ന്നു വീര്ത്തുക്കൊണ്ടിരിക്കുകയാണത്രേ..... എവിടെ?....!!! കാശുള്ളവന്‍ ദിനംപ്രധി വണ്ടികള്‍ മാറ്റുന്നു... പലിശപ്പണം ഉള്ളവന്‍ പുതിയ വീടുകള്‍ വക്കുന്നു.... അംബാനിയെപ്പോലുള്ള അല്‍പമ്മാര്‍ പെണ്ണിനെ പ്രീതിപ്പെടുത്താന്‍ ലോകത്തിലെ ഏറ്റവും വലിയ കക്കൂസ് വീട് പണിയുന്നു എന്നതൊഴിച്ചാല്‍ കുമ്പിളില്‍ തന്നെയാണ് കോരേട്ടന് ഇപ്പോഴും കഞ്ഞി...........

ഉന്തിന്റെ കൂടെ ഒരു തള്ളു എന്ന് പറഞ്ഞത് പോലെയായി ഇപ്പൊ പ്രവാസികളുടെ അവസ്ഥ..... അല്ലെങ്കിലേ സാമ്പത്തികമാന്ദ്യം ബാധിച്ച് കേരളത്തിലെ മണ്ടരി പിടിച്ച തെങ്ങിന്റെ അവസ്ഥപോലെയായിരിക്കുന്നു ഇപ്പോള്‍ ഗള്ഫി്ന്റെ അവസ്ഥ..... ഇതിന്റെ് കൂടെ ഇപ്പോഴിതാ അയക്കുന്ന കാശിന് മൂല്യം കൂടി കുറഞ്ഞിരിക്കുന്നു...... കഴിഞ്ഞ വര്ഷം 1 ദിര്ഹമിന് 14 രൂപയിനത്തില്‍ യു എ ഇ എക്സ്ചെഞ്ചില്‍ നിന്ന് ഞാന്‍ നാട്ടിലേക്ക് കാശ് അയക്കുമ്പോള്‍ ഉള്ളില്‍ ഒരു അഹങ്കാരം ഒക്കെ ഉണ്ടായിരുന്നു.... ഇന്ന് ആ യു എ ഇ എക്സ്ചേഞ്ച് കാണുമ്പോള്‍ ഇപ്പോള്‍ എനിക്ക് ആട്ടിയോടിക്കാനാണ് തോന്നുന്നത്.... നാട്ടില്‍ ഒരു ദിവസത്തില്‍ മൂന്നു മണിക്കൂര്‍ മാത്രം ജോലി ചെയ്യുന്നവന് മാസം കണക്കിന് കൂലി കൂട്ടുമ്പോള്‍ ഇവിടെ പ്രവാസി ശമ്പളവര്‍ധന എന്ന ഒരു വാക്ക് കേട്ടിട്ട് വര്ഷ്ങ്ങളായിരിക്കുന്നു......

ഡോളറിനെതിരെ രൂപയുടെ മൂല്യത്തിന് ഉണ്ടായ വളര്ച്ചായാണ്‌ ഇന്നീ പ്രതിസന്ധിക്ക് കാരണമെന്ന് വിദഗ്ധര്‍ ചൂണ്ടിക്കാണിക്കുന്നത്.... 2008 ല്‍ 39 രൂപയില്നിന്ന് 2009 ല്‍ 52 രൂപയിലേക്ക് ഉയര്ന്ന ഡോളര്‍ ഇന്നിപ്പോള്‍ വീണ്ടും 42 ല്‍ ഉറച്ച് നില്ക്കുകയാണ്....അതൊക്കെപോട്ടെ....നമ്മുടെ ദിര്‍ഹത്തിനെതിരെ രൂപക്ക് ഉണ്ടായ 10% വളര്ച്ചയാണ് ഇന്ന് പ്രവാസികളെ വലയ്ക്കുന്നത്.... ഇന്ന് ഗള്ഫില്‍ എന്നെപ്പോലെ വളരെയധികം ശമ്പളം വാങ്ങുന്നവനും കുറച്ച് മാത്രം വേദനം ലഭിക്കുന്നവനും ഇപ്പറഞ്ഞ പ്രതിസന്ധിയില്‍ ഇനി എന്തുചെയ്യണം എന്നറിയാതെ ജീവിതം വഴിമുട്ടി നില്ക്കുകയാണ്......

സുഹൃത്തുക്കളെ!!! ഇന്ന് കേരളത്തിലെ 94% കുടുംബങ്ങളും ഗള്‍ഫെന്ന മയാലോകത്തെ ആശ്രയിച്ചാണ് ഇപ്പോഴും ജീവിക്കുന്നത്.... ഇന്ത്യ വളരുകയല്ലേ ഇനി ഇപ്പൊ എന്തിനാ നമ്മളൊക്കെ കാശ് അയക്കുന്നത് എന്ന് വിചാരിച്ച് ഒരു മാസം കാശ് അയക്കതിരുന്നാല്‍ നമ്മുടെ വീട്ടുകാര്‍ പട്ടിണിയാകും എന്നല്ലാതെ ഇപ്പറഞ്ഞ പ്രവാസിക്ക് ഒരു ഗുണവും സര്ക്കാരിന്റെ കയ്യില്‍ നിന്ന് പ്രതീക്ഷിക്കണ്ട.... വീണ്ടും ഞാന്‍ നിങ്ങളെ ഓര്മിപ്പിക്കുന്നു..... കേരളത്തില്‍ ഉള്ള ഒരു കൊലപാതകിക്കോ അല്ലെങ്കില്‍ അമ്പലംവിഴുങ്ങികള്ക്കോ നമ്മളെല്ലാം വോട്ട് ചെയ്തു അധികാരത്തില്‍ കയറ്റിയ രാഷ്ട്രീയ ബുജികള്‍ ഇപ്പോഴും തണല്‍ നല്കുന്നു.... ഇന്ന് നമ്മുടെ സംബത്‌വ്യവസ്ഥയുടെ നാട്ടല്ലായ പ്രവാസിയോ ഇന്നും പെരുവഴിയിലാണ്..... നാട്ടില്‍ രണ്ട് മാസത്തില്‍ കൂടുതല്‍ നിന്നാല്‍ പ്രവാസി ടാക്സ് കൊടുക്കണം എന്ന ഒരു നിയമം കേന്ദ്രത്തിന്റെ മേശപ്പുറത്ത് ഇപ്പോഴും അനുമതികാത്ത് കിടക്കുകയാണ്.... ഇനി നാളെ ഇവനൊക്കെ നമ്മുടെയെല്ലാം ഭാര്യമാരുടെ അവയവങ്ങള്ക്കും ഒരുപക്ഷെ ടാക്സ് ചുമത്തിയെക്കാം.... ആയതുകൊണ്ട് കിട്ടുന്ന ധനം സ്വരൂപിച്ച് ഒരു നല്ല ജീവിതം ഇനിയെങ്കിലും തുടങ്ങാന്‍ നോക്കുക.... പ്രതീക്ഷകളാണ് നമ്മുടെയെല്ലാം ജീവിതത്തിനെ മുന്നോട്ട് നയിക്കുന്നത്....ഒരു പക്ഷെ പ്രവാസിക്കും നല്ലൊരു ദിവസം വരും എന്ന് നമുക്ക്‌ ആശിക്കാം........

പെണ്ണ്‍ ഒരു സംഭവം തന്നെ......

ഹൊ! ഹോളിവുഡില്‍ ഒരുപാട് എണ്ണത്തിനെ കണ്ടിട്ടുണ്ട്... പക്ഷേങ്കില് ഇതുപോലെ ഒരെണ്ണത്തിനെ മഷിയിട്ട് നോക്കിയാല്‍ കിട്ടുകേലാ.... ആരെക്കുറിച്ചാ ഈ പറയുന്നത് അല്ലേ!! നമ്മുടെ മെഗാന്‍ ഫോക്സിനെക്കുറിച്ച്......എന്തായാലും കിടാവ് ഒരു സംഭവം തന്നെയാണെ.....ഇനി എന്താണ് ആ സംഭവം എന്നറിയേണ്ടെ...... ഇന്ന് ഹോളിവുഡിലെ സെലിബ്രേറ്റികളായ കിം കാദര്ഷിയാന്‍, പമേല, പാരിസ് ഹില്ട്ടന്‍ എന്നിവരെല്ലാം തുണിയുരിയുന്നത് സ്വയം എടുത്ത് കൊണ്ട് നാട്ടുകാര്ക്ക്‌ കാണാന്‍ വേണ്ടി വില്ക്കുമ്പോള്‍ ഈ പെണ്ണുമ്പിള്ളമാത്രം ഹോളിവുഡില്‍ ഇപ്പറഞ്ഞ നാറിയപണിക്ക് ഇതുവരെ ഇറങ്ങിപ്പുറപ്പെട്ടിട്ടുണ്ടായിരുന്നില്ല... ഇപ്പൊ സ്വന്തം അറിവില്ലാതെ എടുത്ത ഒരു ഫോട്ടോ രാവിലെ എണീറ്റ് കണ്ണ് തിരുമ്മി നെറ്റില്‍ കയറി നോക്കിയപ്പോള്‍ കണ്ട് ഞെട്ടിപ്പോയി മെഗാന്‍ കൊച്ച് വെട്ടുകത്തിയും എടുത്ത് ‘ഇത് നെറ്റില്‍ കയറ്റിയവനെ കയ്യിക്കിട്ടിയാല്‍ കൊല്ലും’ എന്ന് പറഞ്ഞു നടക്കുകയാണ് ഹോളിവുഡില്‍..... ഇവര്‍ പാഷന്‍ പ്ലേ എന്ന പടത്തിന്റെ ഫോട്ടോഷൂട്ടിന് ടോപ്പ്‌ ലെസ്‌ ആയി പോസ് ചെയ്തപ്പോള്‍ ഏതോ ഒരു വൃത്തികെട്ടവന്‍ (തങ്കപ്പന്‍) ഇവരറിയാതെ എടുത്ത ഫോട്ടോ അങ്ങ് എടുത്ത്‌ നെറ്റില്‍ ഇട്ടു..... ഇപ്പറഞ്ഞത് ഇപ്പോഴും നെറ്റില്‍ ഹൌസ്ഫുള്‍ ആയി ഓടിക്കൊണ്ടിരിക്കുകയാണ്..... കേള്ക്കുമ്പോള്‍ സങ്കടം കൊണ്ട് കണ്ണ് നിറയുന്നു അല്ലെ?.........

നോക്കൂ.... 20th സെഞ്ച്വറി ഫോക്സ്സ് ഹോം എന്റര്ടെഇന്മെന്റ് ബ്രിട്ടനില്‍ മാത്രം നടത്തിയ സര്‍വേയില്‍ 20% വിവാഹം കഴിഞ്ഞവരും കഴിക്കാത്തവരും ആയ ആണുങ്ങള്ക്ക് ഈ പെണ്ണുമ്പിള്ളയുമായി ‘അത്തള പിത്തള തവളാച്ചി’ കളിക്കാന്‍ താല്‍പര്യം ഉള്ളവരാണത്രേ!!!! ഹോ!! ഞാന്‍ അപ്പഴും പറഞ്ഞില്ലേ പെണ്ണ് ഒരു സംഭവമാണെന്ന്......എനിക്കതല്ല ഇവളുടെ എല്ലാ സിനിമകളും മുടക്കം തെറ്റാതെ കാണുന്ന എന്നെ ഇതില്‍ പങ്കുകൊള്ളിക്കാഞ്ഞതില്‍ എനിക്കുള്ള അതിയായ ദുഃഖം ഞാന്‍ ഈ അവസരത്തില്‍ രേഖപ്പെടുത്തുന്നു.... ഇതിനെയാണോ നമ്മളൊക്കെ അസമത്വം അനീതി എന്നൊക്കെ പറയുന്നത്???...... എന്തോ ഇനിക്കറിയാന്മേലാ ഇപ്പറഞ്ഞത്‌ നെറ്റില്‍ ചൂടപ്പം പോലെ വിറ്റുപോകുന്നുണ്ട്...

ഇനി ഇപ്പൊ ആലോചിച്ച് അമ്മാന്തിച്ച് നില്കാതെ എല്ലാ ചേട്ടമ്മാരും വേഗം തന്നെ ഗൂഗിള്ഗുരുവിനെ മനസ്സില്‍ ധ്യാനിച്ച്‌കൊണ്ട് അതങ്ങ് സേര്‍ച്ച് ചെയ്തുനോക്കിയാട്ടെ...... വേഗം വേഗം!!!!!

ലോകസുന്ദരി 2010

തുടക്കം തൊട്ടു ഒടുക്കം വരെ എന്നെപ്പോലെയുള്ള ഞെരംബുകളെ മുള്‍്മുനയില്‍ നിര്‍ത്തിക്കൊണ്ട് അമേരിക്കന്‍ വംശജയായ മിസ്സ്‌ അലക്സാട്രിയ മില്‍സ് 2010 ലെ ലോകസുന്ദരിപ്പട്ടം സ്വന്തമാക്കി...ഇന്ത്യയടക്കം ലോകത്തിന്റെ നാനാഭാഗത്തുനിന്നും ഉള്ള 119 സുന്ദരികളെ പിന്നിലാക്കിക്കൊണ്ടാണു അമേരിക്കയിലെ വിദ്യാര്ഥികൂടിയായ ഇവര്‍ ഈ അംഗീകാരം നേടിയെടുത്തത്‌.......

തിളക്കമുള്ള ഒരു വെള്ള ഗൌണ്‍ അണിഞ്ഞ്‌ ലോകത്തിന് മുന്‍പില്‍ വന്നു നിന്ന് കൊണ്ട് ജൂറിയുടെ ചോദ്യത്തിന് അവര്‍ ഒരു ചെറുപുഞ്ചിരിയോടെ നല്‍കിയ ഉത്തരം വളരെയധികം ശ്രദ്ധേയമായ ഒന്നാണ്.... അതും അമേരിക്കാരിയായ ഇവര്‍....

‘എന്റെി കഴിവിന്റെ പരമാവധി മറ്റുള്ളവരെ സഹായിക്കുക എന്നതാണ് എന്റെ ജീവിതലക്ഷ്യം’

സൌന്ദര്യംകൊണ്ട് ലോകത്തിലെ മറ്റെല്ലാ സുന്ദരികളെയും പിന്നിലാക്കി ഒന്നാം സ്ഥാനം സ്വന്തമാക്കിയ ഈ കൊച്ചു സുന്ദരിക്ക് എന്റെ വക ഒരു സ്പെഷ്യല്‍ കണ്ഗ്രാട്സ്.........

പൊങ്ങച്ചക്കാര്‍ക്ക്ഒരു നിവേദനം.....

കോളേജില്‍ പഠിക്കുന്ന കാലത്ത് റിലീസ്‌ സിനിമകള്‍ കാണുന്ന ശീലം എനിക്ക് പണ്ടെ ഉണ്ടായിരുന്നു... അന്ന്തൃശൂര്‍ രാഗം തിയറ്ററില്‍ ഇന്നത്തെ ചിന്താവിഷയം എന്ന സിനിമ കണ്ടുകൊണ്ടിരിക്കുമ്പോള്‍ അതില്‍ മോഹന്‍ലാല്‍ പറഞ്ഞ ഒരു ഡയലോഗ് ഞാന്‍ ഇപ്പോഴും ഓര്ക്കാറുണ്ട്.... ‘സ്വന്തം ഭാര്യയുടെ സൗന്ദര്യം കാണണമെങ്കില്‍ അയല്പക്കത്തെ വീട്ടിലെ ജനലിലൂടെ നോക്കണം’’ എന്ന്..... അന്നൊക്കെ അതൊരു പൈങ്കിളി ഡയലോഗ് ആണെന്നാണ് ഞാന്‍ കരുതിയത്.. എന്നാല്‍ ഇന്ന് കേരളത്തില്‍ നടമാടുന്ന ഇത്തരം കാട്ടിക്കൂട്ടലുകള്‍ കാണുമ്പോള്‍ ലാലേട്ടന്‍ പറഞ്ഞത് എത്ര ശരിയാണെന്ന് ഇപ്പോള്‍ എനിക്ക് തോന്നുന്നു.....ഇനി എന്താടാ ഉവ്വേ നീ കണ്ടത്? എന്ന് ചോദിക്കുന്ന കേരളീയനോടു.......ഇന്ന് കേരളത്തില്‍ ഓരോ മലയാളിയും കാശു കൊടുക്കാതെയോ ലോണെടുക്കാതെയോ സ്വയം അണിഞ്ഞുനടക്കുന്ന ഒന്നേ ഉള്ളൂ അവിടെ.. പൊങ്ങച്ചം!! ഇനി എന്താണി പൊങ്ങച്ചം?......

‘’മറ്റൊരുത്തന്റെ കഴിവില്‍ അസൂയപ്പെടുകയും, ആ കഴിവിനെ പരമാവധി സമൂഹത്തിന് മുമ്പില്‍ താറടിച്ചു കാണിക്കുകയും, എന്നാല്‍ അവനവനില്‍ ഇല്ലാത്ത ആ കഴിവിനെ ഉണ്ടെന്ന് സമൂഹത്തിന് മുന്പി്ല്‍ സ്വയം വരുത്തിത്തീര്ക്കുകയും ചെയ്യുന്ന ഒരു വ്യക്തിത്വഭാവത്തെയാണ് പൊതുവേ പൊങ്ങച്ചം എന്ന് പറയാറുള്ളത്’’ ഇത്തരം വ്യക്തികളെ ഇപ്പറഞ്ഞ സമൂഹം തന്നെ വളരെ നല്ല രീതിയില്‍ പ്രോഹല്ത്സാഹിപ്പിക്കുന്നും ഉണ്ട് ഈ കാലഘട്ടത്തില്‍.... പക്ഷെ ഈ വ്യക്തി അപ്പോഴും അറിയുന്നില്ല ഇതിന്റെയൊക്കെ അവസാനം എന്നത് തന്റെ പരാജയം ആണെന്ന്...........

കേരളത്തെക്കുറിച്ച് അറിയുന്നവനു മാത്രമേ ആ കേരളത്തെക്കുറിച്ച് എഴുതാന്‍ കഴിയൂ എന്ന് ഞാന്‍ ഇപ്പോഴും അടിയുറച്ചു വിശ്വസിക്കുന്നു...... എന്തിനാണ് കേരളീയര്‍ ഇതുപോലെ ഒന്നിന് അതും ഈ കാലഘട്ടത്തില്‍ അടിമപ്പെട്ടിരിക്കുന്നത്?....... കല്യാണം കഴിഞ്ഞ് പെണ്ണിന്റെ വീട്ടില്‍ നിന്നും പെണ്ണിന്റെ ഭാവിയിലെ ആവശ്യങ്ങള്ക്ക് അവരുടെ രക്ഷിതാക്കള്‍ കണ്ടറിഞ്ഞ് കൊടുക്കുന്ന പണ്ടവും പണവും ഒരു ലക്ഷ്യബോധമില്ലാതെ നശിപ്പിച്ച് ആ കാശുകൊണ്ട് വലിയ തരത്തിലുള്ള കാറും പുതിയ വസ്ത്രങ്ങളും വാങ്ങിച്ച് വിലസിനടക്കുന്ന ഒരുപറ്റം ചെറുപ്പക്കാര്‍ ജീവിക്കുന്ന നാടായിമാറി ഇപ്പോള്‍ കേരളം.... വളരെയധികം വിഷമം തോന്നുന്നുണ്ട് ഇതൊക്കെ കാണുമ്പോള്‍...... ഈ ചോദ്യത്തിന് എനിക്ക് ദുബായില്‍ നിന്നും ഉള്ള ഒരു സുഹൃത്തിന്റെ പക്കല്നി്ന്ന്‌ എനിക്ക് നല്ലൊരു ഉത്തരവും കിട്ടി. അത് ഞാനിതാ ഇവിടെ കൊടുക്കുന്നു..... ‘എന്ത്ര ശവിയെ നിയ്യീ പറേണെ.... ഇടാ നമുക്കും വേട്രാ നാട്ടില്‍ ഒരു വൈറ്റൊക്കെ?.... നിനക്കറിയോ ക്ടാവിന് അവള്ടെ തന്ത കൊടുത്ത നൂറുപവനില്‍ നിന്നും അറുപത് എടുത്ത്‌ വിറ്റാടാ ഒരു ഇന്നോവ എറക്കീത്... നാട്ട്ളൊക്കെ വല്ലോരും മൈന്റു ചെയ്യേണെല്‍ ഇപ്പൊ ഇങ്ങനൊക്കെ വേണോടാ!!!....

മതി.... ഉത്തരം കേട്ടു..... എനിക്ക് വയര് നിറഞ്ഞു.....കഷ്ടം!! കേരളത്തില്‍ ഇതുപോലെതന്നെ മണ്ടത്തരം ചെയ്യ്തതും ചെയ്യുന്നവരുമായ ചെറുപ്പക്കാര്ക്ക് ഇതുപോലെയുള്ള പല ന്യായീകരണങ്ങളും ഉണ്ടാകാം..... അതൊക്കെ ജീവിതത്തെക്കുറിച്ച് നല്ല കാഴ്ചപ്പാടുള്ള എന്നെപ്പോലെയുള്ള കേരളത്തിലെ കുറച്ച് നല്ലവരായ ചെറുപ്പക്കാര്ക്ക് ഉള്കൊള്ളാന്‍ ഇത്തിരി ബുദ്ധിമുട്ടുണ്ട്..... ആര് കണ്ടു!! ഇവനൊക്കെ സ്വന്തം ഭാര്യയുടെ കെട്ടുതാലി വരെ വിറ്റിട്ടാവും ഇതുപോലെ നെഞ്ചും വിരിച്ച് കാറ് കൊണ്ട് നടക്കുന്നുണ്ടാകുക....ഇന്ന് കേരളത്തിലെ ആത്മഹത്യ കാരണനിരക്ക് പരിശോധിക്കുകയാണെങ്കില്‍ അതില്‍ നമുക്ക്‌ ഇപ്പോള്‍ ഒരിക്കലും കാണാന്‍ സാധിക്കാത്ത ഒന്നാണ് ‘പട്ടിണിമൂലമുള്ള ആത്മഹത്യ’ എന്ന്..... സ്വന്തം സുഖങ്ങള്ക്ക് വേണ്ടിയെടുത്ത വലിയൊരു ബാങ്ക് ലോണും, കിട്ടാവുന്ന സ്ഥലത്തില്നി‍ന്ന് എല്ലാം എടുക്കുന്ന പലിശ പണവും..... പിന്നീട് അതൊന്നും തിരിച്ചടക്കാന്‍ കഴിയാതെയാവുമ്പോള്‍ ഇപ്പറഞ്ഞവരൊക്കെ സ്വയം എറ്റെടുക്കുന്ന പോംവഴിയാണ് ആത്മഹത്യ...... ഇനിയെങ്കിലും ഇതിനൊക്കെ ഇറങ്ങി പുറപ്പെടുന്നതിന് മുന്പെങ്കില്ലും താഴെകാണുന്ന ചോദ്യങ്ങള്ക്ക്ം സ്വയം ഉത്തരം കണ്ടെത്തുക....

1) നിങ്ങള്‍ ചിലവഴിക്കാന്‍ പോകുന്ന ധനത്തിന്റെ നാലില്‍ ഒരു ഭാഗം നിങ്ങള്ക്ക്്‌ മാസധനവരവ് ഉണ്ടോ?... (ഉദാഹരണത്തിന് നിങ്ങള്‍ ഈ മാസം മുപ്പതിനായിരത്തോളം രൂപ മുടക്കി ഒരു LED ടിവി വാങ്ങി എന്ന് കരുതുക.... എന്നാല്‍ നിങ്ങളുടെ ജോലിയില്‍ നിന്നും നിങ്ങള്ക്ക് (30000\4) ഈ മാസത്തെ ശമ്പളഇനത്തില്‍ 7500 രൂപ ഇതിനായി മാറ്റിവെക്കാന്‍ കഴിയുമോ?)

2) നിങ്ങള്‍ നാടുകാര്ക്ക് ‌ മുന്പില്‍ കാണിച്ചു കൂട്ടുന്ന ഇത്തരം പൊങ്ങച്ചങ്ങള്ക്ക് നാട്ടുകാരുടെ കയ്യില്‍ നിന്നും എന്തെങ്കിലും രീതിയിലുള്ള സൌജന്യ ധനസഹായം നിങ്ങള്ക്ക് ലഭിക്കുന്നുണ്ടോ? (ബോണസ്സ്, പൊങ്ങച്ചപ്രീതി അങ്ങിനെ അങ്ങിനെ.......)

3) ഒരു ലക്ഷത്തിന് മാസം പതിനായിരം രൂപ പലിശ ഈടാക്കുന്നവരില്‍ നിന്ന് എടുക്കുന്ന ധനത്തിന്റെ മുതല് പോട്ടെ പലിശയെങ്കിലും നിങ്ങള്ക്ക് മുടക്കം തെറ്റാതെ തിരിച്ച് അടക്കാന്‍ കഴിയുന്നുണ്ടോ? (Amount * 10%* 1 Month)

4) ‘’സമ്പത്ത് കാലത്ത് തൈ പത്ത്‌ വച്ചാല്‍... ആപത്ത്‌ കാലത്ത് കായ് പത്ത് തിന്നാം’’..... എന്ന മലയാളം ഫ്രൈംസ് നിങ്ങള്‍ എപ്പോഴെങ്കിലും നിങ്ങളുടെ ജീവിതത്തില്‍ പ്രാവര്ത്തികമാക്കാന്‍ ശ്രമിച്ചിട്ടുണ്ടോ?

5) സുഖത്തിന്റെ ഉച്ചിയില്‍ ആറാടുമ്പോള്‍ ഇനി ഇതൊന്നും ഇല്ലാത്ത കാലത്തെക്കുറിച്ച് എപ്പോഴെങ്കില്ലും ചിന്തിക്കാറുണ്ടോ നിങ്ങള്‍?.....

6) സാമ്പത്തികമാന്ദ്യം രൂക്ഷമായിരിക്കുന്ന ഈ കാലഘട്ടത്തില്‍ നിങ്ങളുടെ വരുമാനത്തില്‍ നിന്ന് നാലില്‍ ഒരു ഭാഗം ഭാവിയിലേക്കുള്ള കരുതല്‍ ധനം എന്ന ഇനത്തില്‍ കഴിയാവുന്ന എല്ലാമാസവും മാറ്റി വക്കാന്‍ നിങ്ങള്‍ ശ്രമിക്കാറുണ്ടോ? (മാസശമ്പളം 20,000 രൂപ ശമ്പളഇനത്തില്‍ കൈ പറ്റുന്നുണ്ട് നിങ്ങള്‍ എങ്കില്‍ മിനിമം 5,000 മെങ്കിലും മാറ്റിവക്കാന്‍)

ഇതൊക്കെ കേരളത്തിലുള്ള പ്രമാണിമാരുടെ അവസ്ഥയാണ്. എന്നാല്‍ പ്രവാസികളായ നമ്മളുടെയൊക്കെ കാര്യമാണെങ്കിലോ?.....അത് അതിലും വലുതാണ്‌...ഗള്ഫില്‍ വന്നിട്ട് ഒരു മാസം തികക്കില്ല ....അപ്പോഴേ തുടങ്ങും... റൂം പോര, എസി തണുപ്പില്ല, റൂമില്‍ സൌകര്യം തീരെയില്ല.....അങ്ങിനെ നീളുന്നു.... നിങ്ങള്‍ ചിന്തിക്കണം! നാട്ടില്‍ ഇവനൊക്കെ പാലസ്സിലാണ് പോലും കഴിഞ്ഞത് എന്ന് നമുക്കൊക്കെ തോന്നിപ്പോകും.... ഇനി അഞ്ച് ചൊള കിട്ടിത്തുടങ്ങിയാലോ! പിന്നെ കുട്ടിയെ ഇംഗ്ലീഷ് മീഡിയത്തില്‍ തന്നെ പഠിപ്പിക്കണം, വീട് വലുതാക്കണം, കഴിയുമെങ്കില്‍ പുത്തന്‍ ഇന്നോവ തന്നെ ഒരെണ്ണം വാങ്ങണം.... ഹൊ!!! കടുപ്പം തന്നെയാണേ!!!!....... എവിടെയെത്തി നമ്മുടെയൊക്കെ ചിന്ത എന്ന് നോക്കൂ സുഹൃത്ത്ക്കളെ!!!.... ഇവിടെയെങ്ങനെ ആണോ അതുപോലെയായിരിക്കും നാട്ടിലെയും ഇവന്റെയൊക്കെ വീട്ടിലെയും അവസ്ഥ.....അയച്ചുകൊടുക്കുന്ന കാശു അതെങ്ങനെ പൊട്ടിക്കാം എന്ന് അവര്‍ ഭംഗിയായി ചെയ്തോളും.........

നോക്കൂ സുഹൃത്ത്ക്കളെ.... ഇനിയെങ്കിലും നിങ്ങള്‍ കണ്ണ് തുറന്നോളൂ..... സാമ്പത്തികമാദ്യം ഇപ്പോഴും ലോകത്തില്നിംന്ന് വിട്ടുപോകുന്നില്ല... ഇന്ന് ഉണ്ടാക്കിയ ഒരു രൂപയോ അതുമല്ലെങ്കില്‍ ഒരു ദിര്ഹമോ കഴിയുമെങ്കില്‍ സമ്പാദിക്കിവാന്‍ ശ്രമിക്കുക..... കടം വേടിച്ചിട്ടോ അല്ലെങ്കില്‍ ഭാര്യയുടെ സ്വര്ണം വിറ്റിട്ടോ ലക്ഷ്വറി കാറുകള്‍ മേടിക്കാതിരിക്കുക..... കുറച്ച് കാലമേ ഈ മണല്ക്കാട്ടില്‍ നില്ക്കു ന്നത് എങ്കില്‍ അത് ഒരു ഉപകാരം ഉള്ള കാര്യത്തിന് ഉപയോഗിക്കുക....കടന്നു പോയ നാളുകള്‍ ഇനി തിരിച്ചുവരില്ല.. ജീവിതം, അത് മുന്നോട്ട് കുതിച്ച്കൊണ്ടിരിക്കുകയാണ്.... അതിനി ഒരിക്കലും പിറകോട്ട് നോക്കണ്ട....ഇന്നല്ലങ്കില്‍ നാളെ ഈ ആഡംബരങ്ങള്‍ നിലനിര്ത്താന്‍ കഴിയാതെ വന്നാലുള്ള അവസ്ഥ ഒന്ന് ആലോചിച്ച് നോക്കൂ.... അതുകൊണ്ട് പൊങ്ങച്ചത്തെ പരമാവധി അകറ്റിനിര്ത്തി ക്കൊണ്ട് സ്വയം കടങ്ങളില്‍ നിന്ന് രക്ഷപ്പെടാന്‍ ശ്രമിക്കുക.......


വാല്കകഷ്ണം: ഇത് വായിച്ച് പലവരും ഞെട്ടുന്നത് എനിക്ക് ഇവിടെയിരുന്ന് കാണാം.. ഇത് ഇവന്‍ എന്നെ ഉദ്യേശിച്ചാണ് എഴുതിയിരിക്കുന്നത് എന്ന് നിങ്ങള്ക്ക് തോന്നുന്നുണ്ടെങ്കില്‍ സുഹൃത്തെ ഇത് നിങ്ങളെ ഉദ്യേശിച്ച് തന്നെയാണ്‌ ഞാന്‍ എഴുതിയത് എന്ന് ഈ അവസരത്തില്‍ ഓര്മി്പ്പിക്കുന്നു...

കരിപുരണ്ട ജീവിതങ്ങള്‍.....

ചിഹ്നം വിളിച്ചു പായുന്ന ട്രെയിനിന്റെ ചൂളംവിളി ഓര്മകളില്‍ നിന്ന് യാഥാര്ത്ഥ്യലോകത്തേക്ക് എന്നെ വലിച്ചടുപ്പിച്ചു.... ട്രെയിനിന്റെ‍ ജനലിലൂടെ മെല്ലെ ഞാന്‍ പുറത്തേക്ക് നോക്കി.... ചുറ്റും പച്ചപ്പ് പുതച്ച പാടങ്ങള്‍.... എന്ത് ഭംഗിയാണ് ഇപ്പോഴും കേരളത്തിന് എന്ന് തോന്നി... നോക്കുന്നിടത്തെല്ലാം ഇപ്പോഴും പച്ചപ്പ്.... കൊടും ചൂടിലും പ്രവാസജീവിതത്തില്നിന്ന് പുറത്തേക്ക്‌ വന്നാല്‍ പിന്നെ കിട്ടുന്ന മുപ്പത് ദിവസങ്ങള്‍ എത്രവേഗമാണ് കഴിഞ്ഞു പോകുന്നത്.... പലപ്പോഴും എനിക്ക് തോന്നിയിട്ടുണ്ട് ... ഇവിടെ ജോലി ചെയ്തു ജീവിക്കുന്ന ഗവണ്മെന്റ് ഉദ്യോഗസ്ഥര്‍ എത്ര ഭാഗ്യം ചെയ്തവരാ !!! രാവിലെ ഭാര്യയേയും മക്കളെയും കണ്ട് ജോലിക്കു പോകാം... വൈകുന്നേരം അമ്പലപ്പറമ്പിലെ ആലിന്ചുവട്ടില്‍ കാറ്റ്ത്താടുന്ന ആലിലകള്ക്ക്ചോട്ടില്‍ കുത്തിയിരുന്ന് നമ്പൂതിരിമാര്‍ കൂട്ടത്തോടെ കൂടിയിരുന്നു പറയുന്ന നുണകള്‍ കേള്ക്കാം .....നാട്ടിലെ എല്ലാ മങ്കളകര്മങ്ങളിലും പങ്കുകൊള്ളാം..... ഇവിടെ പ്രവാസിക്കോ ?.... മരിക്കും വരെ വിഴുപ്പു പോലെ കൊണ്ടുനടക്കുന്ന കുറെയേറെ മനോവേദനകള്‍ മാത്രം.....ആലോചനകളിലും ട്രെയിന്‍ പള്ളിപ്പുറം എന്ന സ്റ്റേഷന്‍ വരെ എന്നെ കൊണ്ടെത്തിച്ചിരുന്നു....

ചായേ...ചായേ... എന്ന് വിളിച്ചുകൊണ്ട്‌ ഓടിനടക്കുന്ന തമിഴന്‍ പയ്യന്‍...ഭാഗ്യക്കുറി വില്ക്കുന്ന വികലാംഗ വൃദ്ധന്‍.. കാശ് പോരാ ഇനിയും വേണം എന്ന് പറഞ്ഞ് സ്വന്തം ശരീരം വച്ച് വിലപേശുന്ന വേശ്യകള്‍..... ഇതൊക്കെ എല്ലാ റെയില്‍്വേസ്റ്റേഷന്‍ പരിസരങ്ങളിലും കാണുന്ന കാഴ്ച്ചകള്‍ ആണെന്ന് എനിക്ക് തോന്നി.... ''ഒന്ന് മാറിയിരിക്കൂ...ഇത് എന്റെ സീറ്റാണ്''!!!... ഒരു സ്ത്രീശബ്ദം കേട്ടാണ് വാതിലിലേക്ക് നോക്കിയത്.... ഒരു സുന്ദരിയായ യുവതി കുട്ടിയെയും പിടിച്ചു കൊണ്ട്‌ എന്റെ അടുത്ത് നില്‍ക്കുന്നു... ഇതും പറഞ്ഞുകൊണ്ട് അവരുടെ ടിക്കറ്റ്‌ എന്റെ നേരെ നീട്ടി... നോക്കിയപ്പോള്‍ അവര്ക്ക് റെയില്‍വെ അലോട്ട് ചെയ്ത സീറ്റില്‍ ആണ് ഞാന് ഇരിക്കുന്നത്... വേഗം മാറിയിരുന്നു....എനിക്ക് അഭിമുഖം ആയി അവര്‍ ഇരുന്നു..... കോച്ചില്‍ ഞങ്ങള്‍ മൂന്നു പേര്‍ മാത്രം.....ട്രയിന്‍ സ്റ്റേഷനില്‍ നിന്നും ചലിക്കാന്‍ തുടങ്ങി....... വീണ്ടും പുറത്തെ കാഴ്ചകള്‍ എന്നെ ചിന്തകളില്‍ മുഴുക്കിയപ്പോള്‍ എന്നെ ഞെട്ടിച്ചുകൊണ്ട് പരിചയമുള്ള ഒരു ശബ്ദം എന്റെ കാതില്‍ അപ്രതീക്ഷിതമായി വന്നലച്ചു....

‘’നിസാം?’’’!!!...

വിളിവന്ന ഭാഗത്തേക്ക്‌ നോക്കി....ആദ്യം ആളെ മനസിലായില്ല..സൂക്ഷിച്ചു നോക്കിയപ്പോള്‍ ഞെട്ടിപ്പോയി .... ’നിര്‍മല’ ... എനിക്ക് ശ്വാസം മുട്ടുന്നത് പോലെ തോന്നി...പഴയകാല ഓര്മ്മകള്‍ ഒന്നൊന്നായി മുന്നിലേക്ക്‌ വരാന്‍ തുടങ്ങി....ചിരിക്കാന്‍ ശ്രമിക്കുമ്പോഴും അതിനൊന്നും കഴിയാത്തപോലെ.... ആശ്ചര്യം അവളുടെ മുഖത്ത്‌ അപ്പോഴും ഉണ്ടായിരുന്നു... ഇനിയൊരിക്കലും കാണാന്‍ കഴിയില്ല എന്ന്‍ കരുതിയ ആള്‍ മുന്നില്‍ നില്ക്കുമ്പോള്‍ ഉണ്ടാകുന്ന രീതിയിലുള്ള ഒന്ന്.....മനസ്സിലായോ എന്നെ ? ചോദ്യം പ്രതീക്ഷിച്ചതാണെങ്കിലും അതിന് മറുപടി പറയാന്‍ എന്റെ നാവിന് ശക്തി കുറഞ്ഞത് പോലെ തോന്നി..... മനസ്സിലായി എന്ന് തലകൊണ്ട് ഇളക്കിക്കാട്ടി....

നിസാം ഇപ്പൊ എവിടെയാ? നാട്ടിലുണ്ടോ ?
ഇല്ല നിര്‍മലാ.... ഞാന്‍ ഇപ്പൊ അബുദാബിയിലാ... മറുപടി അതില്‍ ഒതുക്കി....
എവിടേക്കാ ഒറ്റക്ക് യാത്ര?
കോഴിക്കോട്ടേക്കാ.....ഒരു സുഹൃത്തിന്റെ കല്യാണം ഉണ്ട്.... നിര്‍മലയോ?.....
തിരൂരിലേക്കാ... എന്റെ ഹസ്ബന്റിന്റെ വീട് അവിടെയാ.... കാറ്റില്‍ പാറിപ്പക്കുന്ന മുടി ഒതുക്കി വളരെ സന്തോഷവതിയായി അവള്‍ പറഞ്ഞു....
തന്റെു ഹസ്ബന്റ് എന്ത് ചെയ്യുന്നു ? എന്തെങ്കില്ലും ചോദിക്കണ്ടെ എന്ന് വിചാരിച്ച് ചോദിച്ചു....
പുള്ളിക്കാരന്‍ കൃഷിഭവനിലെ ഓഫീസറാ.... തിരൂരില്‍ തന്നെയാ....
മ്.... അപ്പൊ താന്‍ ഭാഗ്യവതിയാ....... ഞാന്‍ ചിരിച്ചുകൊണ്ട് അവളോട് പറഞ്ഞു...
എന്താ ആ ഭാഗ്യം ??.... അതുവരെ മുഖത്തുണ്ടായിരുന്ന ആ പ്രസന്നത പെട്ടന്ന് അവളില്‍ നിന്ന് മാഞ്ഞത് പോലെ എനിക്ക് തോന്നി......

പിന്നെ ഒന്നും പറഞ്ഞില്ല... ഒരു കാലത്ത്‌ പ്രേയസിയാക്കണം എന്ന് മനസ്സില്‍ കൊണ്ട്‌ നടന്നിരുന്ന ഒരു പെണ്ണ്.... ആറു വര്‍്ഷങ്ങള്‍ക്ക് ശേഷം ഇപ്പോള്‍ എന്നരികില്‍ ഒരു കുഞ്ഞുമായി എന്റെ കയ്യെത്തും ദൂരത്ത്...... റബ്ബേ ഇത് എന്ത് പരീക്ഷണം ആണിത്?.....കഴിഞ്ഞ അഞ്ച് വര്‍ഷവും പ്രവാസം എന്ന ആടുജീവിതത്തില്‍ ഇവളെ ഒരു തവണപോലും ഞാന്‍ ഓര്‍ത്തിട്ടില്ല... അത് മനപ്പൂര്‍വ്വം തന്നെ ആണ് എന്ന് പലപ്പോഴും തോന്നിയിട്ടുണ്ട്.... ജീവിതത്തില്‍ പലതും നഷ്ടപ്പെട്ടിട്ടുണ്ട്.... അതില്‍ നിര്‍മലയും ഒരു തീരാനഷ്ടം ആണെന്ന് തോന്നിയിട്ടുമുണ്ട്.... അന്ന് പട്ടാമ്പി കോളേജിലെ അവസാന വര്ഷആ ബിരുദാനന്തര ക്ലാസിനെ ഒരിക്കലും എനിക്ക് മറക്കാന്‍ കഴിയില്ല..... ഇവളെ കാണാന്‍ വേണ്ടി മാത്രം ആണ് ക്ലാസ്‌ കട്ട് ചെയ്യാതെ ഇരുന്നിട്ടുള്ളത്.... ഇടക്ക് ഉണ്ടാകുന്ന സമരം ഞങ്ങളുടെ പ്രണയത്തിന് ഒരു നല്ല മുഖം തന്നെ തന്നിരുന്നു....മരങ്ങള്ക്ക് ചുവട്ടിലൂടെ കൈകോര്‍ത്ത്‌ എത്രയോ തവണ നടന്നിട്ടുണ്ട്..... വിവാഹം എന്നത് അപ്പോഴൊന്നും ഞങ്ങള്ക്കിടയില്‍ ഉടലെടുത്തിരുന്നില്ല..... പക്ഷെ എന്നെ പ്രതിസന്ധിയില്‍ ആക്കിയത് അവള്ക്ക് പലവിവാഹങ്ങളും വരുന്നുണ്ടെന്നും, പാവം എന്നെ മാത്രം കണ്ടുകൊണ്ട്‌ അതെല്ലാം ഓരോരോ കാരണങ്ങള്‍ പറഞ്ഞ് അവള്‍ മുടക്കുന്നു എന്ന് ഞാന്‍ അറിഞ്ഞപ്പോള്‍ ആണ്... ഒരു ദിവസം വിഷമമുള്ള മുഖത്തോടെ വന്ന അവള്‍ ക്ലാസില്‍ കേറാതെ എന്നെയും വിളിച്ച് ലൈബ്രെറിയുടെ ഒഴിഞ്ഞ ഭാഗത്തേക്ക്‌ കൊണ്ട്‌ പോയി..... പിന്നീട് ഉണ്ടായ സംഭവങ്ങള്‍ ഇന്നും എനിക്ക് മറക്കാന്‍ പറ്റുന്നില്ല.....

നിസാം വയ്യ!!! എനിക്ക് ഇനി പിടിച്ചു നില്ക്കാന്‍... ഇനി വേറെ വഴിയില്ല....
എന്താ നിര്‍മലെ? വീട്ടില്‍ പ്രശ്നം വല്ലതും ?
മ്.....
എന്താ?......
നിസ്സാമിന് അറിയാലോ.... ആലോചനകള്‍ ദിവസം വരുന്നു.....ഇന്നലെയും വന്നു ഒരെണ്ണം....
എന്നിട്ട്?
ഞാന്‍ പറഞ്ഞു എനിക്കിഷടപെട്ടില്ല എന്ന്!!!!.......
മ്....
നിസാം.... എന്താ ഞാന്‍ ചെയ്യണ്ടെ?....
എന്താ ഞാന്‍ പറയാ... നിന്നോട്......
നിസാമിന് എന്നെ കല്യാണം കഴിച്ചൂടെ?.......
അത് പിന്നെ......ഞാന്‍ ആകെ വിഷമത്തില്‍ പെട്ടുഴഞ്ഞു..........
നോക്കൂ.. നിസാം നീ വിളിച്ചാല്‍ ഞാന്‍ എവിടേക്കും ഇറങ്ങിവരാം...എനിക്ക് നീ ഇല്ലാതെ ഇനി ജീവിക്കാന്‍ വയ്യ!!!! അതാ.........
നോക്ക് നിര്‍മലേ......ഞാന്‍ ഇപ്പൊ അത്തരത്തിലുള്ള ഒരു മാനസികസ്ഥിധിയിലല്ലാ... നീ അത് മനസ്സിലാക്ക്.......
പിന്നെ ഞാന്‍ എന്താ ചെയ്യണ്ടെ?..... നിസാം അത് പറ?
ഒരു ദീര്ഘ ഇടവേളകള്‍ തന്നെ ഞങ്ങള്ക്കിടയില്‍ ഉണ്ടായി......അതിന് അവള്‍ തന്നെ അവസാനം കണ്ടു.....
നിസാമിന് എന്നെ കല്യാണം കഴിക്കാന്‍ താല്പര്യമില്ലേ??......കണ്ണ് നിറച്ച് കൊണ്ടാണവള്‍ ചോദിച്ചത്.......
ഇഷാടമാണ് നിര്‍മല നിന്നെ....പക്ഷെ ഇപ്പോള്‍ ഞാന്‍ അതിന് ഒരുക്കമല്ല......
അപ്പോ!!!!???.......
എന്നെ നീ മറക്കണം......
ങേ!!!....... കേട്ടത് വിശ്വസിക്കാന്‍ കഴിയാത്ത പോലെയുള്ള ഒരു ഭാവമായിരുന്നു അപ്പോള്‍ അവളുടെ മുഖത്ത് ഉണ്ടായിരുന്നത്.....
നിര്‍മല.....അവളെ ഞാന്‍ വിളിച്ചു.......
നിസാമെന്താ പറഞ്ഞെ? എന്നെ കളിയാക്കണ്ടട്ടോ!!!......ഞാന്‍ സീരിയസ്സായിട്ടാ ചോദിച്ചത്.......
കളിയാക്കിയതല്ല നിര്‍മല.... സത്യമാണ്...... നീ എന്നെ മറക്കണം......
പിന്നെ ഒരു പൊട്ടിക്കരച്ചലാണ് ഉണ്ടായത്......അവളുടെ ഭാഗത്ത്‌ നിന്ന്....
നിര്‍മലെ....ഞാന്‍ .........
വേണ്ട...ഒന്നും പറയണ്ടാ....ഇതിനായിരുന്നോ എന്നെ ഇത്രയും നാള്‍ മോഹിപ്പിച്ചത്?..........
നോക്ക്...നിന്നെയെനിക്ക് ഇഷ്ടമില്ലാഞ്ഞിട്ടല്ലാ.... നമ്മുടെ ജാതി...ഞാന്‍ ഒരു മുസ്ലീം നീയൊ ഉന്നതജാതിയില്‍ ഉള്ള ഒരു നമ്പൂതിരിക്കുട്ടി......നമ്മുടെ ആളുകള്‍, വീട്ടുകാര്‍ സമ്മതിക്കും എന്ന് തോന്നുന്നുണ്ടോ നിനക്ക്?
വീട്ടുകാരോടോ, നാട്ടുകാരോടോ ചോദിച്ചിട്ടല്ലല്ലോ നമ്മള്‍ പരസ്പരം ഇഷ്ടപ്പെട്ടത്?......എന്നിട്ടാണോ ഞാന്‍ എന്നെത്തന്നെ തന്നത്???........ ദീര്ഘ്നിശ്വാസത്തോടെ വിദൂരത്തേക്ക് നോക്കിക്കൊണ്ട് പറഞ്ഞു.......
നിര്‍മലാ നീ ചോദിക്കുന്ന ചോദ്യങ്ങള്ക്കൊന്നും ഉത്തരമില്ല എന്റെ കയ്യില്‍....... നോക്ക് നിനക്ക് നല്ല ഒരു ജീവിതം ഉണ്ടാകണം എന്ന് മാത്രമേ ഞാന്‍ ഇപ്പോഴും ആഗ്രഹിക്കുന്നുള്ളൂ.......
നമ്മള്‍ പിരിഞ്ഞാല്‍ എനിക്ക് നല്ലൊരു ജീവിതം ഉണ്ടാകും എന്ന് നിനക്ക് തോന്നുന്നുണ്ടോ ??.... കലങ്ങിയ കണ്ണുകളാല്‍ എന്റെു കണ്ണുകലിലേക്ക് നോക്കിക്കൊണ്ട് ചോദിച്ചു.....
പിരിയണം.....നമ്മള്‍ പിരിയണം നിര്‍മല..... അതാണ്‌ ദൈവത്തിന്റെ തീരുമാനമെങ്കില്‍ അങ്ങിനെ......
ശരി....അങ്ങനെയെങ്കില്‍ അങ്ങനെ...... അവള്‍ കരഞ്ഞു കൊണ്ട്‌ മൂക്ക്പിഴിഞ്ഞു......
ശരി നിസാം ഞാന്‍ പോകുന്നു.... ഇനിയൊരിക്കലും നമ്മള്‍്തമ്മില്‍ കണ്ടെന്നു വരില്ല... നിസാമിന് നല്ലൊരു ഭാര്യയെ കിട്ടട്ടെ എന്ന് ഞാന്‍ പ്രാര്ഥിനക്കാം..... അവളുടെ കണ്ണില്‍ നിന്നും കണ്ണുനീര്‍ ഉറവ കണക്കെ പെയ്യുകയായിരുന്നു അപ്പോള്‍.....
എന്നെ വെറുക്കരുത്.......
വെറുക്കെ....ഞാനോ?.....എന്നും ഓര്‍ക്കും ഞാന്‍... എന്റെറ മരണം വരെ......
കരഞ്ഞുകൊണ്ട് പോകുന്ന അവളെയും നോക്കി നിറകണ്ണുകളോടെ ലോകത്തെ ഏറ്റവും വിലപ്പെട്ട നിധി നഷ്ടപ്പെട്ടവനെപോലെ നിന്നുപോയി ഞാന്‍.........

നിസാം എന്തായീ ആലോചിക്കുന്നെ?....... അവളുടെ വീണ്ടും ഉള്ള ചോദ്യം....എന്റെ ഭൂതകാലത്തിലെ ചിന്തകളെ മുറിച്ചു...
ഏയ്‌...ഒന്നുമില്ല....
എനിക്കറിയാം നിസാം .... നീ പഴയതൊക്കെ ഓര്‍ത്തതാ അല്ലെ?
ഏയ്‌...അല്ല.... നിനക്കെന്നോട് വെറുപ്പ്‌ ഇപ്പോഴും ഉണ്ടോ നിര്‍മലേ?
ഇല്ല നിസാം......എനിക്ക് നിങ്ങളോട് ഇപ്പോള്‍ ബഹുമാനം മാത്രമേ ഉള്ളൂ....
നീയാകെ മാറി...നിര്‍മല.....
മ്......ജീവിതം നമ്മളെയെല്ലാം മാറ്റും നിസാം..... അതും പറഞ്ഞ് അവള്‍ ഒരു ദീര്ഘനിശ്വാസം എടുത്തു........
നിസാമിന്റെ ഭാര്യ എവിടെ....കല്യാണത്തിന് കൂടെ കൊണ്ടുപോന്നില്ലേ?....
കല്യാണം കഴിച്ചിട്ടില്ല...
ങേ!!!?
മ്......
എന്തെ?
ഇല്ല ഒന്നുമില്ല... മനസ്സിനൊത്തത് വരട്ടെ ....അപ്പോ നോക്കാം......
മ്.................ഒരു മൂളല്‍ മാത്രം അവളുടെ ഭാഗത്ത് നിന്നും ഉണ്ടായി......
നിന്റെ കുട്ടിയാണോ ? വിഷയം മാറ്റാന്‍ വേണ്ടി ഞാന്‍ ചോദിച്ചു....
അതെ എന്റെ മോളാണ്...
എന്താ മോള്ടെ‍ പേര്?....ഞാന്‍ കുട്ടിയുടെ തലയില്‍ കൈവച്ചു കൊണ്ട്‌ ചോദിച്ചു...
ശരണ്യ.......
മ്.......
ഇവളെ ക്ലാസില്‍ ചേര്ത്തോ നിര്‍മലേ?
മ്..... ഒന്നാം ക്ലാസിലാ.....ഭയങ്കര വിക്രുതിക്കാരിയാ ഇവള്‍.... കൊച്ചിനെ നോക്കിക്കൊണ്ട് ഇങ്ങനെ പറഞ്ഞു.....
അപ്പോ അമ്മയെപ്പോലെ തന്നെ മോളും.... അല്ലെ?
ആണേയ്....ചിരിച്ചുകൊണ്ട്ആണ് നിര്‍മല അതിന് ഉത്തരം പറഞ്ഞത്......
കുട്ടി നല്ല ഉറക്കത്തിലായിരുന്നു അപ്പോള്‍.... എനിക്ക് ആ കുഞ്ഞിന്റെ. മുഖം കണ്ടിട്ട് അത്ഭുതം തോന്നി.....എന്തോ ഒരു ആത്മബന്ധം ഉള്ള പോലെ......
ട്രെയിന്‍ വേഗത കുറച്ച് പാലത്തില്‍ കയറിയിരിക്കുന്നു.... തിരൂര്‍ സ്റ്റേഷന്‍ എത്താറായി എന്നെനിക്ക് തോന്നി......
അകലെ തിരൂര്‍ ടൌണ്‍ കാണാന്‍ തുടങ്ങിയപ്പോള്‍ എനിക്ക് വേദന തുടങ്ങി..... ഇനി ഇവളില്ലാതെ ജീവിതത്തില്‍ വീണ്ടും ഒരു ദീര്‍ഘയാത്ര.....
ഇവള്‍ കൂടെയുണ്ടായിരുന്ന കഴിഞ്ഞ നാല്പത് മിനുട്ട് ഇതുവരെ ജീവിതത്തില്‍ ഇതുവരെ ഉണ്ടാകാതിരുന്ന ഒരു പ്രത്യേക ആനന്ദം ഞാന്‍ അറിഞ്ഞു.......
സ്റേഷനില്‍ എത്തി വണ്ടി നില്ക്കു മ്പോള്‍ എന്നെ വിട്ടുപിരിയുന്നതിന്റെ വേദന ആ മുഖത്ത് അപ്പോഴും ഉണ്ടായിരുന്നു..... എന്തോ വീണ്ടും നഷ്ടപ്പെട്ടു എന്നതുപോലെ.........
മരിച്ചില്ലങ്കില്‍ വീണ്ടും കാണാം എന്ന് പറഞ്ഞ് തിരിഞ്ഞു നോക്കാതെ കുട്ടിയെയും കൊണ്ട്‌ പുറത്തേക്ക് പോകുമ്പോള്‍ അവള്‍ കരയുകയാണെന്ന് എനിക്ക് തോന്നി.....
വണ്ടി വീണ്ടും ചലിച്ചുകൊണ്ടിരുന്നു.........
ചിന്തകള്‍ എന്നെ വീണ്ടും വലയം ചെയ്യുന്നു....അപ്പോഴും രണ്ട് ചോദ്യം മാത്രമേ ദൈവത്തിന്റെ മുന്നില്‍ എനിക്ക് നിരത്താന്‍ ഉണ്ടായിരുന്നുള്ളു........

‘’ആറു വര്‍ഷങ്ങള്‍ക്കു ശേഷം എന്തിനാണ് ദൈവം അവളെയും എന്നെയും വീണ്ടും കണ്ടുമുട്ടിച്ചത്?’’

‘’ഉറങ്ങിയിരുന്ന കുഞ്ഞ് ഇപ്പോള്‍ ഉണര്‍്ന്നിട്ട് ഞാന്‍ ആരാണെന്ന് ചോദിച്ചിട്ടുണ്ടെങ്കില്‍ അവളെന്ത് ഉത്തരം കൊടുത്തിട്ടുണ്ടാവും?’’

‘’’’ഒരു പക്ഷെ അവള്‍ ആ കുഞ്ഞിനോട് പറഞ്ഞിട്ടുണ്ടാകുമോ!!!......’’


അത് നിന്‍റെ ബാപ്പയാണെന്ന്?????????

.........................................................

തന്മാത്ര..

ഹൊ! എന്ത് മഴയായിത് ? ഗള്‍ഫും ഇപ്പൊ കേരളത്തെപ്പോലെ ആയോ? ഫിറോസ്‍ വെള്ളത്തുള്ളികള്‍ പതിഞ്ഞുകിടക്കുന്ന ഗ്ലാസിനുള്ളിലൂടെ പുറത്തേക്ക്‌ നോക്കി..... റോഡാകെ വെള്ളത്തില്‍ മുങ്ങിയിരിക്കുന്നു.. ഫിറോസ് ഓര്‍ത്തു..... ഇത് മാത്രമാണ് ഗള്‍ഫിന്റെ ഒരു ശാപം... മഴപെയ്താല്‍ കഴിഞ്ഞു എല്ലാം.. വെള്ളത്തിന് ഒഴുകിപ്പോകാന്‍ ഒരു വഴിക്കും കഴിയില്ല....പിന്നെ ഡ്രൈനേജ് വണ്ടി വന്ന് ഇതല്ലാം വലിച്ചെടുക്കണം...ഇതൊക്കെ വേണമെങ്കില്‍ മഴയൊന്ന് ശമിക്കണ്ടെ!!.... ഇതൊക്കെ ഓര്‍ത്തു ദീര്‍ഘനിശ്വാസത്തോടെ കൈയ്യില്‍ കിടന്ന വാച്ചിലേക്ക് നോക്കി....സമയം ആറുമണി ... സെറീന റൂമില്‍ ഒറ്റക്കാണു... ഫ്രീയാകുമ്പോള്‍ തൊട്ടടുത്ത ഫ്ലാറ്റിലെ ഗീതേച്ചിയുടെ അടുത്തേക്ക് പോയ്കോളാന്‍ മുന്‍പേ പറഞ്ഞിട്ടുള്ളതാണ് ഞാന്‍.. പക്ഷെ ഇന്നലെ മുതല്‍ക്ക് പനി പിടിച്ചത് കൊണ്ട് പാവം പുറത്തിറങ്ങിയിട്ടുണ്ടാവില്ല... കൂടാതെ ഇന്നലെ മുതല്‍ ചെറുതായി തന്നോട് ഒന്ന് പിണങ്ങുകയും ചെയ്തിരിക്കുന്നു....

വലിയ സിനിമാഭ്രാന്തി ആണ് ഇവള്‍ എന്ന് അവളുടെ ഉമ്മ പറഞ്ഞപ്പോള്‍ ഇത്രക്ക് പതീക്ഷിച്ചതല്ല ഞാന്‍.... ഇവിടെ രാത്രി ഇവള്‍ ഒന്ന് ഉറങ്ങണമെങ്കില്‍ പിടിച്ചു കിടത്തണം...കിടന്നാലോ എന്നോട് കഥകളും പറഞ്ഞ് ചോദ്യവും ചോദിച്ച് ശല്യപ്പെടുത്തും.... പെണ്‍കുട്ടികള്‍ ഇല്ലാത്ത ഉപ്പാക്കും ഉമ്മാക്കും ഇവളെ എന്നാല്‍ ജീവനാണ്... ന്‍റെ കുട്ടിക്ക് സുഖല്ലേടാ? അവള്‍ക്കു ഒരു ബുദ്ധിമുട്ട് ഉണ്ടാകരുത് അവിടെട്ടോ? എന്നൊക്കെയാണ് ദിനംപ്രതി ഫോണ്‍ ചെയ്യുമ്പോള്‍ നാട്ടില്‍ നിന്നും ഉള്ള ഉമ്മാടെ ചോദ്യങ്ങളും ഉപദേശങ്ങളും....ഓ ശരി എന്നൊരു മറുപടിയില്‍ ഒതുക്കും എല്ലാം.... അന്ന് രാത്രി പാതി മയക്കത്തില്‍ കിടക്കുമ്പോള്‍ തീരെ പ്രതീക്ഷിക്കാത്ത രീതിയിലുള്ള ഒരുചോദ്യം അതും അവളുടെ ഭാകത്ത് നിന്ന്.... ഇക്കാ ഇവിടെയൊക്കെ സിനിമാതിയ്യറ്റര് ഒക്കെയുണ്ടോ?

ഇല്ല....അറിയാമായിരുന്നു എങ്കിലും ഒരു ചെറിയകള്ളം പറഞൊതുക്കി....

ദേ! എന്നോട് കള്ളം പറയണ്ടാട്ടോ!! ഗീതേച്ചി പറഞ്ഞല്ലോ, ഇവിടെ എല്ടോറാഡോ എന്ന തിയ്യറ്റര്‍
ഉണ്ടെന്ന്....നേരെയിരുന്നു പെണ്ണ് ചോദ്യം തുടങ്ങി....

നീ കിടന്നുറങ്ങുന്നുണ്ടോ പെണ്ണേ?? എനിക്ക് നാളെ ഓഫീസില്‍ പോകാനുള്ളതാ!!

അങ്ങിനിപ്പോ ഓഫീസില്‍ പോകണ്ടാ... ദേ നോക്യേ നാളെയെന്നെ ഒരു സിനിമക്ക്‌ കൊണ്ട് പോകുമോ?

ഇനി ഇപ്പോ നാളെയാക്കുന്നതെന്തിനാ !! ഈ പിറന്നപടിയില്‍ തന്നെ നീ പൊയ്ക്കോ സിനിമക്ക്‌!! ഇപ്പോതന്നെ.. ദേഷ്യം വന്നെങ്കില്ലും മുഖത്ത്‌ കാണിക്കാതെയാണ് പറഞ്ഞത്.....

അതെ ആ വേലത്തരം മനസ്സില്‍ വച്ചാല്‍മതിട്ടോ ഇക്കാ...വ്യാഴാഴ്ചയല്ലെ നാളെ? ഓഫീസില്‍‍ നിന്ന് വന്നാല്‍ നമുക്ക് ഒരുമിച്ച്‌ ഒരു സിനിമക്ക് പോകാം... ഇല്ലങ്കില്‍ ഞാന്‍ പിണങ്ങും.....

എന്‍റെ ഭാഗത്ത് നിന്ന് യാതൊരുവിധത്തിലും ഒള്ള മറുപടിയില്ലാത്തത്കൊണ്ട് വീണ്ടും ഒരു ചോദ്യം..

ദേ എനിക്ക് മമ്മൂട്ടിയുടെ പടം എന്തിഷ്ടാന്നറിയോ? നമുക്ക് നാളെത്തന്നെ പ്ലീസ്...ഇക്കാ..??

ശരി നാളെ പോകാം ... ആദ്യം തന്നെ പറഞ്ഞേക്കാം ഇത് ആദ്യത്തേതും അവസാനത്തേയും ആണ്... ഓര്‍മ്മയുണ്ടല്ലോ?

ശരി ശരി... എന്‍റെ പൊന്ന്ക്ക...എന്ന് പറഞ്ഞ് അവള്‍ ദേഹത്തേക്ക് മറിഞ്ഞു വീണു..

വീക്കെന്റ്‌ ആയതിനാല്‍ ഓഫീസില്‍ നിന്ന് വേഗം പോരാം‍ എന്ന ഉദ്യെശത്തോടെയാണ് ഉച്ചവരെ ഓഫിസില്‍ കുത്തിയിരുന്നത്..എന്നാല്‍ അപ്രതീക്ഷിതമായി സര്‍വറിന് തകരാര്‍ സംഭവിച്ചതുകൊണ്ട് ശരിയാക്കാന്‍ രാത്രി എട്ടുമണിവരെ വരെ ഇരിക്കേണ്ടിവന്നു... തിരിച്ച് റൂമില്‍ ചെന്നപ്പോള്‍ സെറീനയുടെ മുഖം കടന്നല്‍ കുത്തിയത് പോലെ ചുവന്നിരിക്കുന്നു....എന്നെ കണ്ടപ്പോള്‍ കിടക്കുന്നിടത്ത് നിന്ന് അടുക്കളയിലേക്ക് എണീറ്റ്‌ പോയി... കുളികഴിഞ്ഞ് തിരിച്ച് വന്നപ്പോള്‍ അവള്‍ ടേബിളില്‍ കഴിക്കാന്‍ വച്ചിരിക്കുന്ന ഭക്ഷണം കണ്ടു... എങ്ങിനെക്കയോ കഴിച്ചു റൂമില്‍ വന്നപ്പോള്‍ അവള്‍ കിടന്നുറങ്ങിയിരിക്കുന്നു.... കൂടെക്കയറി ചേര്‍ന്ന് കിടന്നപ്പോള്‍ പൊടുന്നനെ കയ്യെടിത്തുമാറ്റി വിരിച്ചിരിക്കുന്ന ബെഡ്ഷീറ്റും എടുത്ത് ചാടിയിറങ്ങി താഴേക്കിറങ്ങിക്കിടന്നു പെണ്ണ്...
എണീറ്റ് അവളുടെ അടുത്തിരുന്ന് കാര്യങ്ങള്‍ പറഞ്ഞപ്പോഴും വിശ്വസിച്ചില്ല എന്ന് മാത്രമല്ല.... കൂടെക്കിടക്കാന്‍ തയ്യാറായതുമില്ല.... ശരി വാശിയെങ്കില്‍ എനിക്കും വാശി തന്നെ എന്ന് കരുതി ഞാന്‍ കിടക്കയില്‍ കയറി കിടന്നുറങ്ങി....

രാവിലെ എണീറ്റ് നോക്കിയപ്പോള്‍ തലേന്ന് രാത്രി കിടന്നിടത്ത് തന്നെ കിടക്കുകയാണ് അവള്‍... അടുത്ത് ചെന്ന് നോക്കിയപ്പോള്‍ പുള്ളിക്കാരി ചെറുതായി വിറയ്ക്കുന്നുണ്ടായിരുന്നു.... നെറ്റിയില്‍ കൈവച്ച് നോക്കിയപ്പോള്‍ നല്ല ചൂട്...പനിയാണ്... തനിക്ക് പണിയായി.... നേരെയെടുത്ത് അഹല്യ ഹോസ്പിറ്റലിലേക്ക്..ഡോക്ടര്‍ റാണിയെ കാണിച്ച് മരുന്നും മേടിച്ച് തിരിച്ചു റൂമില്‍ എത്തിയപ്പോള്‍ മണി ഒന്ന്‍....താഴത്തെ ഹോട്ടലിലേക്ക് ഫോണില്‍ വിളിച്ച് ഭക്ഷണത്തിന് ഓര്‍ഡര്‍ ചെയ്തു....കൊണ്ട്‌ വന്ന ഭക്ഷണം കഴിക്കാന്‍ അവള്‍ തീരെ കൂട്ടാക്കിയില്ല...തലേന്നത്തെ പിണക്കം ഇപ്പോഴും ഉണ്ടെന്ന് എനിക്ക് തോന്നി.....രാത്രി കൂടെക്കിടന്നപ്പോള്‍ പനിപിടിക്കും എന്ന് പറഞ്ഞ് എന്നാ മാറ്റിക്കിടത്തി.... എന്തായാലും പിണക്കം പെട്ടന്ന് തന്നെ മാറ്റണം എന്നെനിക്കുതോന്നി... എന്തായാലും നാളെയാവട്ടെ!!!!!

ഇന്ന് രാവിലെ തുടങ്ങിയ മഴയാണ്‌... രാവിലെ പോരുമ്പോള്‍ പനിക്ക് കുറച്ച് ഭേദമുണ്ട് എന്നെനിക്ക് തോന്നി... ഓഫീസില്‍ ഇരിക്കുമ്പോള്‍ മണിക്കൂറില്‍ പത്ത് തവണ വിളിക്കുന്ന ആളാണ് .... പിണക്കം മാറിയിട്ടില്ല.. അതാണ്...
പോരുമ്പോള്‍ മഴ പ്രതീക്ഷിച്ചിരുന്നില്ല.. അത് കൊണ്ട്‌ കുടയും എടുത്തില്ല.... എന്തായാലും ഇറങ്ങി നടക്കുകതന്നെ...മൊബൈലും മറ്റും ഒരു ഉറയില്‍ പൊതിഞ്ഞ് മൂന്നുബില്‍ഡിംഗ് അപ്പുറത്തുള്ള റൂമിലേക്ക്‌ മഴയത്ത്‌ ഇറങ്ങി നടന്നു....റൂമിന്റെ മുന്നിലെത്തി കോളിംഗ്ബെല് അടിച്ചതും വാതില്‍ തുറന്നപ്പോള്‍ എനിക്ക് ഏറ്റവും ഇഷടമുള്ള നീലനിറത്തിലുള്ള ചുരിദാര്‍ ഇട്ടു നില്‍ക്കുന്ന അവളെയാണ് കണ്ടത്....

അല്ലാ... എന്തായിത്? മഴയത്ത്താണോ ഇറങ്ങി നടന്നത്? ഒരു കുറ്റവാളിയോട് ചോദിക്കുന്നത് പോലെ എന്നോട് ചോദിച്ചു...

ഒന്നും പറയാതെ മുറിക്കുള്ളില്‍ കയറാന്‍ തുനിഞ്ഞ അവളെന്നെ തടുത്തുനിര്‍ത്തിക്കൊണ്ട് പറഞ്ഞു...

ദേ..ആകെ നനഞ്ഞിരിക്കുകയാ....ഇതൊക്കെ അഴിച്ചിട്ടു ഇങ്ങോട്ട് കയറിയാല്‍ മതി....എനിക്ക് വയ്യാ ഇനി ഇവിടെ വീണ്ടും തുടക്കാന്‍..... അടുത്ത്‌ വന്നു ചുരിദാറിന്റെ ഷാള്‍ കൊണ്ട്‌ എന്റെ തല തുവര്ത്തുമ്പോള്‍ ഇങ്ങനെ പറഞ്ഞ്

എനിക്ക് അരിശം മൂത്തു....എന്നാല്‍ നീ അങ്ങനെ നനയാതിരിക്കണ്ടാ ...എന്നും പറഞ്ഞു ഞാന്‍ അവളെ വാരിയങ്ങ്‌ പുണര്‍ന്നു... അതവള്‍ തീരെ പ്രതീക്ഷിച്ചതല്ല....

ശോ!!! എന്തായിത് ഞാന്‍ നനഞ്ഞല്ലോ!!!മാറ്!!!!! തോര്‍ത്തുന്നിടയില്‍ അതും പറഞ്ഞ് കുതറിമാറാന്‍ ശ്രമിച്ചു അവള്‍...ദേ നോക്ക് പനിപിടിക്കും...അവളുടെ ഉടലില്‍ നനവ് പടരവേ എന്‍റെ കണ്ണുകളിലേക്ക് നോക്കി പറഞ്ഞു.....

എനിക്ക് പനിപിടിച്ചോട്ടെ!!

എന്തിനാ?.......

പനി പിടിച്ചാലല്ലേ എനിക്ക് നിന്റെ കൂടെക്കിടക്കാന്‍ പറ്റൂ.....

എന്നെ അത്രക്ക് ഇഷാടമാണോ?കണ്ണ് നിറച്ച് കൊണ്ട്‌ അവള്‍ വീണ്ടും ചോദിച്ചു.....

എന്‍റെ ജീവനേക്കാളും.....

നനഞ്ഞൊട്ടിയ അവളെയും കൂട്ടി ഞാന്‍‍ മുറിക്കുള്ളിലേക്ക് കയറിയപ്പോള്‍ പുറത്ത്‌ ഞങ്ങളെ വീണ്ടും ഇണക്കിയ ആ പ്രണയത്തിന്റെ മഴ പുറത്ത്‌ അപ്പോഴും പെയ്തുകൊണ്ടിരിക്കുകയായിരിന്നു................

പ്രവാസത്തിന്‍റെ ഇരകള്‍.......

ചീറിപ്പാഞ്ഞുകൊണ്ടിരിക്കുന്ന ശീതീകരിച്ച വാഹനത്തിനുള്ളില്‍ പുറത്തേക്ക്‌ നോക്കി ഇരിക്കുമ്പോഴും നന്ദന് അസഹനീയമായ ഉഷ്ണം തോന്നി. നോക്കുമ്പോള്‍ കാണാം പുറത്ത്‌ സ്വര്‍ണ്ണം പോലെ തിളങ്ങുന്ന ഭീകരന്മാരായ മണല്‍കുന്നുകള്‍... മരുഭൂമിയില്‍ ദാഹജലം നോക്കി നടക്കുന്ന കുറെയേറെ ഒട്ടകങ്ങള്‍.... ഇനി ഇതല്ലാം ഒരു ഓര്‍മ്മകള്‍ മാത്രം. ഈ ലോകത്ത് ജീവിക്കാന്‍ ഇനി എനിക്ക് കമ്പനി വച്ചുനീട്ടിയ കുറച്ചു മണിക്കൂറുകള്‍ മാത്രം... നാളെ വീണ്ടും കുറ്റപ്പെടുത്തലിന്‍റെയും പരിഹാസത്തിന്റെയും ലോകത്തിലേക്ക്.... ദൈവമേ പ്രവാസിക്ക് എന്തിനീ ദുര്‍ഗതി നീ തരുന്നു? അതിനുമാത്രം എന്ത് പാപം ആണ് ഞങ്ങള്‍ നിന്നോടു ചെയ്തത്?? എന്ന് അറിയാതെ പോലും മനസ്സില്‍ പറഞ്ഞു പോയി... ഇപ്പോഴും ഇന്നലെ വന്നത് പോലെ തോന്നുന്നു..കഷ്ടപ്പാടുകള്‍ക്കിടയില്‍ ഒരിക്കലും വന്നതെപ്പോഴാണ് എന്ന് പോലും ഓര്‍ത്ത്‌ എടുക്കാന്‍ ഇപ്പോഴും കഴിയുന്നില്ല...ശരീരത്തില്‍ ആകെമൊത്തം ഒരു മരവിപ്പ്......

അഞ്ചുവര്‍ഷങ്ങള്‍ക്ക് മുന്‍പ് ഗള്‍ഫില്‍ അല്ജാബിര്‍ എന്ന കമ്പനിയില്‍ ഇലക്ട്രീഷ്യനായി ജോലിക്ക് ആളെ ആവശ്യമുണ്ട് എന്ന പത്രത്തിലുള്ള ‍ പരസ്യം കണ്ടിട്ട് വെറുതെ ഒന്ന് പോയിനോക്കാം കിട്ടുമെങ്കില്‍ കിട്ടട്ടെ എന്ന് കരുതിയാണ് ജോലിക്ക് ശ്രമിച്ചത്. എന്തോ ഭാര്യയുടെ ഭാഗ്യം എന്ന് പറയാം കമ്പനി സെലക്ട് ചെയ്തു..പക്ഷെ അതൊരു മാറ്റത്തിന്‍റെ തുടക്കം ആണെന്ന് കുറെയേറെ കഴിഞ്ഞാണ് മനസ്സിലാകുന്നത്..ഗള്‍ഫില്‍ ആദ്യം പോകുന്നത് കൊണ്ട് ഭയവും ആശങ്കയും കൈമുതലായിട്ടുണ്ടായിരുന്നു... രാത്രി പന്ത്രണ്ട്മണിക്ക് അബുദാബിയില്‍ ഇറങ്ങിയ വിമാനത്തില്‍ സെലക്ട് ചെയ്ത ഞങ്ങള്‍ പതിനഞ്ചുപേരെയും കാത്തുകൊണ്ട് കമ്പനിയുടെ പി ആര്‍ ഒ എയര്‍പോര്‍ട്ടിന്‍റെ വാതില്‍ക്കല്‍ തെന്നെ കാത്തുനില്‍ക്കുന്നുണ്ടായിരുന്നു... സാലെ മലബാരി..ക്യോം ഇത്തിനാ ലൈറ്റ് ഹെ? അതും പറഞ്ഞ് ഞങ്ങളുടെ രേഖകളുംമറ്റും മേടുച്ചുകൊണ്ട് സബ് മേരെ സാത്ത് ആവോ!! എന്നും പറഞ്ഞുകൊണ്ട് വാഹനത്തിനടുത്തെക്ക് നടന്നു പോയി.... കുറേകാലം ബോംബെയില്‍ ഹോട്ടലില്‍ നിന്നതുകൊണ്ട് ഹിന്ദി കുറച്ചൊക്കെ എനിക്കും അറിയാമായിരുന്നു... ഒന്നും പറയാതെ എല്ലാവരും അയാളെ അനുഗമിച്ച് വണ്ടിയുടെ ഉള്ളില്‍ കയറിയിരുന്നു.. ദൂരം എത്രയെന്ന് അറിയില്ല തലേന്നത്തെ ക്ഷീണം ഉള്ളതുകൊണ്ട് അറിയാതെ കണ്പോളകള്‍ക്ക് മുകളിലൂടെ ഒറക്കം നിഴലരിക്കാന്‍ തുടങ്ങി..

ഇറങ്ങു എല്ലാവരും!!! എന്ന് കേട്ടിട്ടാണ് ഉറക്കത്തില്‍ നിന്നും ഞെട്ടി ഉണര്‍ന്നത്....ചുറ്റും നോക്കി പുറത്തെങ്ങും മുന്‍പ് കണ്ടപോലെ കൊട്ടാര സൌദങ്ങളോ മറ്റോ ഇല്ല....കുറെയേറെ പഴകിയതും ദ്രവിച്ചതും ആയ വണ്ടികള്‍ മാത്രം... ഒരു തരത്തില്‍ പറഞ്ഞാല്‍ നാട്ടില്‍ നിന്നും കൊണ്ടുവന്ന പെട്ടിയും പിടിച്ച് വണ്ടിയില്‍ നിന്ന് ഇറങ്ങി.. നോക്കുമ്പോള്‍ കുറച്ച് അകലെ വെളിച്ചം തെളിഞ്ഞ് നില്‍ക്കുന്ന ഒന്നിലതികം കെട്ടിടങ്ങള്‍....ഭയമുണ്ടായിരുന്നു എങ്കിലും എല്ലാവരും ആ ലക്ഷ്യം നോക്കി നടന്നു... ഇതാണ് നിങ്ങള്ക്ക് താമസിക്കാന്‍ കമ്പനി തന്നിരിക്കുന്ന സ്ഥലം....എല്ലാവരും ഇവിടെ കാണുന്ന കട്ടില്‍ ഉപയോഗിച്ചോളൂ.... എന്നും ഹിന്ദിയില്‍ പറഞ്ഞുഞ്ഞുകൊണ്ട് യുപിക്കാരന്‍ പുറത്തേക്ക് നടന്നു പോയി...ഞങ്ങള്‍ എല്ലാവരും പരസ്പരം മുഖത്തോടുമുഖം നോക്കി...ഇനി എന്ത് ചെയ്യണം എന്നറിയാതെ.....

രാവിലെ കുളിയും മറ്റും കഴിഞ്ഞ് നേരെ മുസഫ എന്ന് പറയുന്ന സ്ഥലത്തെ കമ്പനിയുടെ സൈറ്റിലേക്ക് എല്ലാവരെയും കമ്പനിവണ്ടിയില്‍ കൊണ്ട് പോയി...അപ്പോഴും ചൂട് അതിന്‍റെ ഉച്ചസ്ഥായിയില്‍ തന്നെയായിരുന്നു....ഹൊ!! എന്തൊരു ചൂട് സഹിക്കാന്‍ കഴിയുന്നില്ലട്ടോ..വടകരയില്‍ നിന്ന് വന്നിട്ടുള്ള പ്രസാദ്‌ തലയെ കൈപടം കൊണ്ട് മറച്ചു പുറത്തേക്ക് ഇറങ്ങി നടക്കുമ്പോള്‍ ഇങ്ങനെ പുലമ്പിക്കൊണ്ടിരുന്നു.. ഗള്‍ഫിന്റെ മുഖം എത്ര വികൃതം ആണെന്ന് ജോലി ചെയ്തു തുടങ്ങിയപ്പോള്‍ ഏറെക്കുറെ എല്ലാം മനസ്സിലാക്കി എനിക്ക്... ഇവിടെതെന്നെയാകം സര്‍ഗവും നരകവും എന്ന് തോന്നുത്തുടങ്ങി പലപ്പോഴും ജോലിയില്‍ മുഴുകിയപ്പോള്‍... ചുറ്റുപാടും കൊണ്ഗ്രീറ്റ്‌ ശില്പങ്ങള്‍ പോലെയുള്ള വലിയ വലിയ പണിതീരാത്ത കെട്ടിടങ്ങള്‍..കാതടപ്പിക്കുന്ന മിഷനറികളുടെ ശബ്ദങ്ങള്‍... ഹോ എങ്ങനെ എവിടെ ദിവസങ്ങള്‍ കഴിച്ചുകൂട്ടും എന്ന് തോന്നിപ്പോകുന്നു .....ഇടക്കിടെ സീമയെ ഓരക്കുമ്പോള്‍്‍ മാത്രം മനസ്സിലെവിടെയോ ഒരു തണുപ്പ്‌ കിനിയുന്നു....

മിക്കവാറും ദിവസങ്ങളില്‍ അവളെ വിളിക്കും എന്നൊഴിച്ചാല്‍ ജീവിതത്തില്‍ പ്രത്യേകിച്ച് മാറ്റങ്ങള്‍ ഒന്നും ഗള്‍ഫില്‍ ഉണ്ടാകാന്‍ പോകുന്നില്ല എന്ന് നന്ദന് തോന്നി. വീട്ടിലേക്ക്‌ വിളിക്കുമ്പോള്‍ പരാതികള്‍ ഏറിവരുന്നതും പലപ്പോഴും തോന്നിത്തുടങ്ങി.. രാവിലെ അഞ്ച് മണിക്ക് എണീറ്റ് ടോയ്‌ലറ്റിന് മുന്നില്‍ ക്യു നില്‍ക്കേണ്ടതാണ് ഏറ്റവും പ്രയാസം...മുന്‍പ് കയറിയ ആള്‍ വൃത്തിയാക്കാറില്ല പലപ്പോഴും. നമ്മള്‍ക്ക് ഇരിക്കണമെങ്കില്‍ സ്വയം വൃത്തിയാക്കേണ്ട അവസ്ഥ...ഹൊ! പ്രയാസം തന്നെ... എവിടെ എന്തിനും ക്യു ആണ് ...രാവിലെ കുളിക്കണമെങ്കിലും ഭക്ഷണത്തിനും എന്തിന് ജോലിക്ക് പോകാനുള്ള വാഹനത്തിനു മുന്‍പിലും വരെ വേണം ക്യു... ജോലി കഴിഞ്ഞു വന്നാല്‍ തളര്‍ന്ന് ഉറങ്ങിപ്പോകുന്നത് സ്വയം അറിയാറില്ല പലപ്പോഴും..
മക്കളുടെ പഠനത്തിനും വീട്ടിലെ ചിലവിനും ഒഴിച്ചാല്‍ ഈ എണ്ണിച്ചുട്ടപ്പം പോലെ മാസാവസാനം കൈയ്യില്‍ കിട്ടുന്ന ആയിരത്തി ഒരുനൂറു ദിര്‍ഹം മറ്റൊരു കാര്യങ്ങള്‍ക്കും തികയുന്നില്ല എന്ന് അറിഞ്ഞപ്പോള്‍ മനസ്സില്‍ എവിടെയോ ഒരു നീറ്റല്‍... കോഴിക്കോടു നിന്ന് വന്ന മോയ്തുക്ക പറഞ്ഞത് പലപ്പോഴും മനസ്സില്‍ തികട്ടി വരുന്നു..." ഗള്‍ഫില്‍‍ പണം ഉണ്ടാക്കാന്‍ നിന്നാല്‍ ജീവിതം അതിന്റെ വഴിക്ക് പോകും..എന്നാലോ,ജീവിതം നോക്കിയാല്‍ പണവും ഉണ്ടാകില്ല കൈയ്യില്‍.. ഇത് രണ്ടും ഇല്ലാത്തവരാ മക്കളെ മാടുകളായ നമ്മളൊക്കെ'' കേള്‍ക്കുമ്പോള്‍ മടങ്ങിപ്പോയാലോ എന്ന് പോലും തോന്നിപ്പോകുന്ന വാക്കുകള്‍....

രാത്രി കിടക്കുമ്പോള്‍ ചില ദിവസങ്ങളില്‍ മനപ്രയാസം കൊണ്ടു ഉറക്കം വരാറില്ല...പലപ്പോഴും സീമ അടുത്തുണ്ടായിരുന്നെങ്കില്‍ എന്ന് കൊതിച്ചുപോകുന്നു... നാട്ടില്‍ ലീവിന് പോകുന്നസമയത്ത് അവളോട് പ്രത്യേകതരം ഒരു ആവേശമാരുന്നു എന്ന് തോന്നിയിട്ടുണ്ട്... ഗള്‍ഫുകാരന് ജീവിതത്തില്‍ ഒരുപാട് ആദ്യരാത്രികള്‍ ഉണ്ടാകും എന്നത് മാത്രമേ കൈമുതലായിട്ടുള്ളൂ എന്നതൊഴിച്ചാല്‍ ജീവിതത്തില്‍ ആഗ്രഹങ്ങളെ പലപ്പോഴും ശീതികരിച്ച മൂറിക്കുള്ളില്‍ കൂച്ചുവിലങ്ങിട്ടു നിര്‍ത്തുകയാണ് പതിവ്...നാട്ടില്‍ നിന്ന് തിരിച്ചുപോരുമ്പോള്‍ അതുവരെ നമ്മളൊക്കെ അനുഭവിച്ച സുഖവും സന്തോഷവും മാത്രമേ ജീവിതത്തില്‍ കൈമുതല്‍ ആയിട്ടുള്ളൂ എന്നതും ഇന്നുള്ള ഇതു പ്രവാസിയും ഇപ്പോഴും അനുഭവിച്ചു പോരുന്നു... ഫോണ്‍ ചെയ്യുമ്പോള്‍ കേള്‍ക്കുന്ന പരാതികള്‍ക്കിടയിലും പലപ്പോഴും തന്‍റെ വേദന പങ്കിടാറില്ല നന്ദന്‍... എന്തിനാ അവരും കൂടി ഇതുകേട്ട് വിഷമിക്കുന്നത്...ഇത് തന്‍റെ വിധിയാണ്‌...തന്‍റെ മാത്രം....അതങ്ങ് അനുഭവിക്കുക തന്നെ....

സാമ്പത്തികമാദ്യം എന്ന ഒരു പുതിയ പ്രതിസന്ധി നമ്മുടെ കമ്പനിക്കും ബാധിച്ചു എന്ന് ഫോര്‍മാന്‍ ജോര്‍ജേട്ടന്‍ പറഞ്ഞപ്പോള്‍ മുതല്‍ക്കാണ് മനസ്സില്‍ ആശങ്കകള്‍ക്ക് തുടക്കം ഇട്ടത്... എന്നും ഫോണ്‍ ചെയ്യുമ്പോഴും ഒരു കൂര സ്വന്തമായിട്ട് നമുക്കും വേണ്ടെന്ന് പറഞ്ഞ് സീമയുടെ പരാതികള്‍ കേട്ടിട്ടാണ് അഞ്ച് ലക്ഷം സഹകരണബാങ്കില്‍നിന്ന് സ്വന്തമായുള്ള പത്ത് സെന്റ്‌ സ്ഥലത്തിന്റെ ആധാരം വച്ച് ലോണ്‍ എടുത്തത്.... ഓവര്‍ടൈം ചെയ്താണ് പലപ്പോഴും ആ ഇനത്തിലേക്ക് ഇപ്പോഴും അയ്യായിരത്തോളം രൂപ ഇവിടെ നിന്നും അയ്യക്കുന്നത്... എന്നാല്‍ ആഗ്രഹിച്ചപോലെ വീടിന്റെ പണിയും പൂര്‍ത്തിയായതുമില്ല ഇനിയും കാശില്ലാതെ പണിചെയ്യാന്‍ കഴിയില്ലാ നന്ദാ എന്ന് കോണ്ട്രാക്ടര്‍ പറഞ്ഞത് ഇപ്പോഴും കാതില്‍ മുഴങ്ങുന്നു...പുറത്തേക്ക് ജോലി നോക്കാനാണെങ്കില്‍ ഇവിടെ പരിചയക്കാര്‍ ഒട്ടുമില്ലതാനും...നാട്ടിലേക്ക് പോകാന്‍ കടങ്ങള്‍ കാരണം പോകാന്‍ മനസ്സും വരുന്നില്ല....വീട്ടുകാര്‍ ആണെങ്കില്‍ ഇപ്പോഴും ഒരു സ്വപനലോകത്ത് ആണ്...ഇതുവരെയുള്ള അവസ്ഥകള്‍ താനായിട്ട് പറഞ്ഞ് വിഷമിപ്പിച്ചിട്ടുമില്ല...എന്തായാലും ഈ മാസത്തിന്‍റെ ഉള്ളില്‍ അറിയാം എന്നല്ലേ ഫോര്‍മാന്‍ പറഞ്ഞിരിക്കുന്നത്... എന്തായാലും വരുന്നിടത്ത് വച്ച് കാണുക തന്നെ...

പിറ്റേന്ന് സൈറ്റില്‍ വന്ന ജോര്‍ജെട്ടന്‍റെ മുഖം ചോരവാര്‍ന്ന പോലെയായിരുന്നു... കാര്യങ്ങള്‍ ചോദിച്ച് മനസ്സിലാക്കിയപ്പോള്‍ ജോര്‍ജേട്ടന്‍ പിരിച്ചുവിടല്‍ പേപ്പര്‍ ആദ്യം കൈപറ്റിക്കഴിഞ്ഞു എന്നറിഞ്ഞു... പാവം മൂന്നു പെണ്‍കുട്ടികള്‍ വിവാഹപ്രായം എത്തിനില്‍ക്കുന്നു...എന്റെ അവസ്ഥ മനസ്സിലാക്കിയിട്ട് പലപ്പോഴും അദ്യേഹം കാശുതന്ന് സഹായിക്കാറുമുണ്ട്... ജോലിയില്‍ ഞങ്ങള്‍ക്കെല്ലാവര്‍ക്കും ജോര്‍ജേട്ടന്‍ പലപ്പോഴും തണലായിരുന്നു.. ഇരുപത്‌ വര്ഷം ഈ മരുഭൂമിയില്‍ നിന്നിട്ടും ഒന്നും നേടാന്‍ കഴിഞ്ഞില്ല എന്ന് കണ്ണ് നിറച്ചുകൊണ്ട് പറഞ്ഞപ്പോള്‍ എല്ലാവരുടെയും മനസ്സ് അപ്പോള്‍ ഒരേപോലെ നീറിപ്പുകയുകയായിരുന്നു... കൂട്ടത്തില്‍ കവികൂടിയായിരുന്ന പ്രകാശന്‍ അന്ന് രാത്രി ഇരുട്ടത്ത് പോയിരുന്നു കരയുന്നത് കൂടി കണ്ടപ്പോള്‍ മറ്റെല്ലാരും അന്ന് ഭക്ഷണം കഴിച്ചുമില്ല...

ഏതാനും ദിവസങ്ങള്‍ക്കുള്ളില്‍ കമ്പനിയില്‍നിന്ന് ലറ്ററുകള്‍ എല്ലാവരും കൈപറ്റി...കമ്പനിയുടെ അവസ്ഥ ഇപ്പോള്‍ കുറച്ച് മോശമാണെന്നും ആയതിനാല്‍ നോ എന്‍ട്രി രീതിയില്‍ നിങ്ങളെ കമ്പനി പിരിച്ചുവിടുന്നു ആയതിനാല്‍ ഏഴ് ദിവസത്തിനുള്ളില്‍ വിമാനടിക്കറ്റ് കൈപറ്റണം എന്നൊക്കെയായിരുന്നു അതില്‍ എഴുതിയിരുന്നത്.. പേപ്പര്‍ കൈകളില്‍ ഇരുന്ന് അപ്പോഴും വിറയ്ക്കുന്നുണ്ടായിരുന്നു....ഈശ്യരാ !! എന്താണിനി ചെയ്യുക? ഒരു ഭാഗത്ത് ഇട്ടുമൂടാനുള്ള കടങ്ങള്‍ ...മറുഭാഗത്ത് നാട്ടിലേക്ക്‌ പോയാല്‍ ഉണ്ടാകുന്ന മാനസികമായ പ്രശ്നങ്ങള്‍..... ഗള്‍ഫിലേക്ക്‌ വരുമ്പോള്‍ ഒരുപാട് സ്വപ്നങ്ങള്‍ ഉണ്ടായിരുന്നു.... നല്ലൊരു വീട് ഉണ്ടാക്കി ഭാര്യയേയും മക്കളെയും കൂടെ ജീവിതത്തില്‍ ഒരു ദിവസമെങ്കില്‍ ഒരുദിവസം മനസ്സമാധാനത്തോടെ കഴിയണം എന്ന് വളരെയേറെ ആഗ്രഹിച്ചിരുന്നു... ഇനി എല്ലാം സ്വപനം മാത്രം......രാത്രി ഭാര്യ വിളിച്ചപ്പോള്‍ മടിയോടെയാണെങ്കിലും കാര്യം പറഞ്ഞു.... നീണ്ടനിശബ്ദദക്ക് ശേഷം ഒരു തേങ്ങല്‍ മാത്രമായിരുന്നു മറുപടി...പിന്നെ ഒന്നും പറഞ്ഞില്ല..... ഫോണും കൈപ്പിടിച്ചുകൊണ്ട് ഇരുട്ടിലേക്ക് നോക്കി ഓര്‍ത്തു.... അവളെ എങ്ങനെ കുറ്റപ്പെടുത്തും? അവള്‍ക്കും ഒരുപാട് ആഗ്രഹങ്ങളുണ്ടായിരുന്നു...മക്കള്‍ക്ക്‌ നല്ല വിദ്യഭ്യാസം കൊടുക്കണം ഇവിടെനിന്നും കൊണ്ട് വന്ന നല്ല ഡ്രെസ്സിട്ട് നാലാള്‍കാണ്‍കെ നടക്കണം എന്നൊക്കെ.... പിറ്റേന്ന് വിളിച്ചപ്പോള്‍ ഭാര്യ പരാതിരൂപേണ പറഞ്ഞു''ഇനി ഇപ്പൊ എന്താ ചെയ്യാ ഇങ്ങുപോരുക തന്നെ''

ദിവസങ്ങള്‍ പറന്നു പോയതറിഞ്ഞില്ല...കമ്പനി തന്ന ടിക്കറ്റും അതുവരെയുള്ള അലവന്‍സും മറ്റും കൈപറ്റി പുറത്തേക്ക്‌ ഇറങ്ങിയപ്പോള്‍ ഒരു പ്രത്യേക അനാഥത്വം അനുഭവപ്പെട്ടു.. ഇനി ഇവര്‍ തമ്മില്‍ എനിക്ക് എന്ത് ബന്ധം എന്ന് തോന്നി....നാളെ ഉച്ചക്ക് എയര്‍പോര്‍ട്ടില്‍ കൊണ്ടുപോകാന്‍ വണ്ടി വരും എന്നും അവരില്‍നിന്ന് അറിഞ്ഞു... അന്ന് തന്നെ ഭാര്യക്കും മക്കള്‍ക്കും വേണ്ടതെല്ലാം നുള്ളിപ്പെറുക്കി മേടിച്ചു...രാത്രി വീട്ടിലേക്ക്‌ വിളിച്ചു പറഞ്ഞു എയര്‍പോര്‍ട്ടിലേക്ക് വണ്ടി അയക്കാന്‍....ഉച്ചക്ക് തലേന്ന് വാങ്ങിയ ഒരു ഷര്‍ട്ടും ഇട്ടു പുറത്തിറങ്ങിയപ്പോള്‍ അഞ്ചുവര്‍ഷം മുന്‍പ് ഇതേ സ്ഥലത്ത് വന്ന ആ പഴയ നന്ദനെ ഓര്‍ത്തുപോയി.... കണ്ണില്‍ നിന്നും ഒരു ഉറവ കിനിയുന്നതായി തോന്നി.... എയര്‍പോര്‍ട്ട് റോഡ്‌ തീര്‍ത്തും തിരക്ക് പിടിച്ചതായിരുന്നു...ഒടുവില്‍ പാസ്പ്പോര്‍ട്ട് തിരികെ തന്ന് പി ആര്‍ ഒ ഉള്ളിലേക്ക് അയച്ചത് മുതല്‍ മനസ്സില്‍ ഈ നാട് വിട്ടുപോകുന്നതിനോട് ഒരു താല്‍പര്യക്കുറവ് അനുഭവപ്പെട്ടു....ഇമിഗ്രേഷന്‍ ക്ലിയറന്‍സ്‌ ഏരിയയില്‍ നില്‍ക്കുമ്പോള്‍ നാട്ടില്‍ നിന്നും വന്ന വിമാനത്തില്‍ പുറത്തേക്ക് വരുന്ന യാത്രക്കാരില്‍ ‍ ഒരാളെ നന്ദന്‍ സൂക്ഷിച്ചു നോക്കി.... അതെ തന്‍റെ അതെ മുഖം!! തനിക്ക് തോന്നിയതാവുമോ? വീണ്ടും നോക്കി.... ശരിയാണ് ഇത് പക്ഷെ മറ്റൊരു നന്ദന്‍ ആകാം... കണ്മുന്നില്‍ നിന്നും മറയുന്നത് വരെ അയാളെ നോക്കി നില്‍ക്കുമ്പോഴും ഒരു കാര്യം മാത്രമേ അപ്പോള്‍ നന്ദന്‍റെ മനസ്സിലുണ്ടായിരുന്നുള്ളൂ....

"" ഇന്ന് ഞാന്‍, നാളെ നീ............'''

ആദരാഞ്ജലികള്‍....

സ്വന്തം വേദനകളെ പുഷപങ്ങളാക്കിയ നമ്മുടെ എല്ലാം പ്രിയപ്പെട്ട കവി അയ്യപ്പന്‍ ഇന്നലെ നമ്മെ വിട്ടുപിരിഞ്ഞു....
വേറിട്ട കവിതകൊണ്ട് വ്യത്യസ്തനായ വ്യെക്തിയായിരുന്ന ആ ബാലന് ഒരു സുഹൃത്തിന്റെ ആദരാഞ്ജലികള്‍..........